សម្តេចតេជោបន្ថែមឈ្មោះស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារថា ជា«ស្ពានភ្ជាប់និស្ស័យ»

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានបន្ថែមឈ្មោះស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារថា ជា«ស្ពានភ្ជាប់និស្ស័យ»។ សម្តេចតេជោនាយករដ្ឋមន្រ្តីបានបន្ថែមឈ្មោះនេះនៅក្នុងពិធីសម្ពោធដាក់ឱ្យប្រើប្រាស់ជាផ្លូវការស្ពានឆ្លងទន្លេមេគង្គ ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នៅព្រឹកថ្ងៃអង្គារ ទី២៣ ខែវិច្ឆិកា ឆ្នាំ២០២១នេះ។

បើតាមសម្តេចតេជោ គឺឈ្មោះ«ស្ពានភ្ជាប់និស្ស័យ»នេះ មានន័យសំដៅដល់ការភ្ជាប់និស្ស័យរវាងកម្ពុជា និងមហាយក្សចិន។ ជាមួយគ្នានេះ ក៏ជាការភ្ជាប់និស្ស័យរវាងខេត្តកំពង់ចាម និងខេត្តត្បូងឃ្មុំ ក៏ដូចជាការភ្ជាប់និស្ស័យរវាងស្រុកស្ទឹងត្រង់ និងស្រុកក្រូចឆ្នារ។ មិនតែប៉ុណ្ណោះ សម្តេចតេជោ ក៏អះអាងថា ក៏ជាការភ្ជាប់និស្ស័យរវាងសម្តេចផ្ទាល់ និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែនផងដែរ៕