៤២ឆ្នាំ តើភ្នំពេញមានអភិបាលប៉ុន្មានរូប និងអភិបាលរូបណាកាន់តំណែងយូរជាងគេ?

រយៈពេល ៤២ ឆ្នាំនេះ អភិបាលរាជធានីភ្នំពេញចំនួន ១១ រូបហើយ ត្រូវបានផ្លាស់ប្ដូរតំណែង​។ ក្នុងនោះមាន៖

​១. ឆ្នាំ ១៩៧៩-១៩៨០​ រាជរដ្ឋាភិបាល បានតែងតាំងលោក​ ខាង​ សារិន​ ជាអភិបាលក្រុង។

២. ឆ្នាំ ១៩៨០-១៩៨២​ រដ្ឋាភិបាលបានផ្លាស់ប្តូរលោក​ ខាង​ សារិន ​ចេញ​ដាក់​ លោក​ ចាន់​ វ៉ែន​ ជាអភិបាលក្រុងភ្នំពេញវិញម្តង​។

៣. ឆ្នាំ ១៩៨២-១៩៨៥​ រដ្ឋាភិបាលបានតែងតាំងលោក​ កែវ​ ចិន្តា​ ជាអភិបាលក្រុង​។

៤. ឆ្នាំ១៩៨៥-១៩៩០ រដ្ឋាភិបាលបានផ្ទេរតំណែងអភិបាលទៅលោក​ ថោង​ ខុន​ កាន់ជំនួសវិញ។

​៥. រយៈពេល២ឆ្នាំ​ ពោលគឺឆ្នាំ១៩៩០-១៩៩២ លោក​ ហុក​ ឡង់ឌី​ ត្រូវបានរដ្ឋាភិបាលតែងតាំងជាអភិបាលក្រុងភ្នំពេញ។

​៦. នៅឆ្នាំ១៩៩២-១៩៩៣​ រដ្ឋាភិបាល ក៏បានតែងតាំងលោក​ ស៊ីម​ កា​ ជំនួសវិញម្តង​។

​៧. នៅឆ្នាំ ១៩៩៣-ឆ្នាំ១៩៩៨ រដ្ឋាភិបាលបានតែងតាំងលោក​ ឈឹម​ សៀលឡេង​ ឱ្យឡើងកាន់តំណែងជំនួស​ លោក​ ស៊ីម​ កា​។

៨. ឆ្នាំ ១៩៩៩-២០០៣​ រដ្ឋាភិបាលក៏ផ្ទេរ និងដំឡើងលោក​ ជា​ សុផារ៉ា​ ជាអភិបាលក្រុងភ្នំពេញវិញម្តង។​

៩. ឆ្នាំ ២០០៣-២០១៣​ រដ្ឋាភិបាលបានតែងតាំងលោក​ កែប​ ជុតិមា​ ជាអភិបាលក្រុង​ ដោយលោកកែប ជុតិមាបានកាន់តំណែងនេះរហូត១០ឆ្នាំ។

១០. ឆ្នាំ ២០១៣-២០១៧​ រដ្ឋាភិបាល បានផ្ទេរតំណែងមកឱ្យលោក​ ប៉ា​ សុជាតិវង្ស​ កាន់ជំនួសលោក កែប ជុតិមា វិញ។

១១. ចាប់ពីឆ្នាំ ២០១៧ រហូតមកដល់បច្ចុប្បន្ន រដ្ឋាភិបាលបាន
សម្រេចផ្ទេរតំណែងនេះពីលោក ប៉ា សុជាតិវង្ស មកឱ្យលោក​ ឃួង​ ស្រេង​ ជំនួសវិញ។

ឃើញថា ក្នុងចំណោមអភិបាលក្រុងភ្នំពេញទាំង ១១ រូបនេះ អភិបាលក្រុងដែលបានកាន់តំណែងយូរជាងគេ គឺលោក​ កែប ជុតិមា​ ដោយលោកបានកាន់តំណែងនេះរយៈពេលរហូតដល់១០ឆ្នាំ៕

អត្ថបទ៖ ស្រីរ័ត្ន