ព័ត៌មានជាតិ

នគរបាលការពារព្រំដែនគោក សហការជាមួយកម្លាំងយោធា ជួបពិភាក្សាជាមួយតម្រួតល្បាតព្រំដែនថៃ

បានផុស

៣ years មុន

នៅ

ថ្ងៃព្រហស្បតិ៍ ២៥ វិច្ឆិកា ២០២១

ដោយ

នៅថ្ងៃទី២៤ ខែវិច្ឆិកា ឆ្នាំ២០២១ លោកវរសេនីយ៍ឯក ប្រាក់ សាយ មេបញ្ជាការវរសេនាតូចនគរបាលការពារព្រំដែនគោកលេខ៨១៧ បានចាត់កម្លាំងនគរបាលចំណុះវរសេនាតូចនគរបាលការពារព្រំដែនគោកលេខ៨១៧ ដឹកនាំដោយលោកវរសេនីយ៍ទោ ហ៊ុន ខែត មេបញ្ជាការរងវរសេនាតូចនគរបាលការពារព្រំដែនគោកលេខ៨១៧ និងលោកអនុសេនីយ៍ឯក កៅ បញ្ញា មេបញ្ជាការរងវរសេនាតូចនគរបាលការពារព្រំដែនគោកលេខ៨១៧ ដឹកនាំនាយផ្នែកសេនាធិការ,នាយ នាយរងប៉ុស្តិ៍ព្រំដែនភ្នំព្រឹក,ប៉ុស្តិ៍ព្រំដែនចំការស្រូវ,ប៉ុស្តិ៍ព្រំដែនកូនភ្នំ សហការជាមួយកម្លាំងយោធាកងអនុសេនាធំទី២,វរសេនាតូចលេខ១ ដឹកនាំដោយលោកវរសេនីយ៍ត្រី ណន វណ្នី មេបញ្ជាការកងអនុសេនាធំទី បានជួបពិភាក្សាជាមួយភាគីតម្រួតល្បាតព្រំដែនថៃ កងអនុសេនាធំលេខ១២៧ ដែលទើបផ្លាស់មកប្រចាំការទល់មុខD៨១៧ ដឹកនាំដោយលោកវរសេនីយ៍ទោ ខាត់នីត ភីវខាវ មេបញ្ជាការកងអនុសេនាធំលេខ១២៧ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបពិភាក្សានេះ ភាគីទាំងពីរបានលើកឡើងចំនួន៣ចំណុចរួមមាន៖

១-សហការទប់ស្កាត់ការនាំអាវុធចេញទៅប្រទេសថៃខុសច្បាប់។

២-សហការទប់ស្កាត់ការជួញមនុស្សឆ្លងដែនខុសច្បាប់ចូលក្នុងទឹកដីថៃ ។

៣-បង្កើនកិច្ចសហការបន្ថែមទៀតក្នុងការផ្តល់ព័ត៌មានឲ្យគ្នាទៅវិញទៅមក បើសិនជាមានបទល្មើសកើតឡើង ។

ក្នុងកិច្ចពិភាក្សានេះភាគីតម្រួតល្បាតព្រំដែនថៃបានសំណូមពរមកភាគីកម្ពុជាឲ្យមានការទំនាក់ទំនងគ្នាល្អ។ ជួយទប់ស្កាត់ពលករខ្មែរដែលចូលទៅប្រទេសថៃដោយខុសច្បាប់។ សុំឲ្យមានការជួបពិភាក្សារួមគ្នាក្នុងមួយខែម្តង តាមកងអនុសេនាធំនីមួយៗ។ ស្នើឲ្យភាគីកម្ពុជាជួយទប់បស្កាត់ ការលួចជីករ៉ែមាសត្រង់ចំណុចខ១៣៕