ព័ត៌មានជាតិ

បាត់ស្លាកលេខរថយន្តពីរគ្រឿងដែលចតទុកក្បែរប៉ុស្តិ៍ស្ទឹងមានជ័យទី៣

បានផុស

៤ years មុន

នៅ

ថ្ងៃសៅរ៍ ៥ ធ្នូ ២០២០

ដោយ

រថយន្ត២គ្រឿងចតទុកនៅមុខផ្ទះជាប់ប៉ុស្តិ៍នគរបាលរដ្ឋបាលស្ទឹងមានជ័យទី៣ ត្រូវក្រុម ចោរធ្វើសកម្មភាពលួចគាស់ស្លាកលេខយកទៅបាត់ ធ្វើឲ្យម្ចាស់រថយន្តទាំងពីរគ្រឿងមានការហួសចិត្តយ៉ាងខ្លាំង ដោយគិតថានៅក្បែរប៉ុស្ដិ៍ប៉ូលីសមានសុវត្តិភាពតែបែរជាមានការបាត់បង់សម្ភារបែបនេះទៅវិញ។

ហេតុការណ៍នេះបានបង្ក ឲ្យឲមានការភ្ញាក់ផ្អើលនាវេលាម៉ោង០៦និង៣០នាទីព្រឹកថ្ងៃទី០៥ ខែធ្នូ ឆ្នាំ២០២០នៅជាប់ប៉ុស្ដិ៍នគរបាលរដ្ឋបាលស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់រថយន្តបានឲ្យដឹងថា រថយន្តរបស់បានទុកមុខផ្ទះជារៀងរាល់ថ្ងៃដែលរថយន្តរបស់គាត់ម៉ាកកាម រីបាឡែន ពណ៌ទឹកប្រាក់ ហើយនៅយប់ថ្ងៃកើតហេតុកាត់បានទុករថយន្ដនៅមុខផ្ទះជាធម្មតា រូចក៏ចូលទៅសម្រាកដូចសព្វដង។ ប្រភពបានបន្តថា លុះដល់ព្រឹកឡើងស្រាប់តែរថយន្ដរបស់គាត់បានបាត់ស្លាកលេខតែម្ដង ។ ប្រភពដដែលបានបន្តទៀតថា មានរថយន្តមួយគ្រឿងទៀតម៉ាក ព្រូស ពណ៌ទឹកប្រាក់ ដែលនៅជាប់ផ្ទះរបស់គាត់ក៏ត្រូវបានក្រុមចោរលួចស្លាកលេខបាត់ដែរ។

ប្រជាពលរដ្ឋរស់នៅក្បែរនោះបានលើកឡើងថា កាលពីមុនមិនដែល មានហេតុការណ៍លួចរថយន្ត ឬ លួចស្លាកលេខរថយន្ត ឬលួចសម្ភារៈនោះទេ ។

ចុងក្រោយប្រជាពលរដ្ឋសំណូមពរទៅ លោក ឯម ភារី នាយប៉ុស្ដិ៍នគរបាលស្ទឹងមានជ័យទី៣ មេត្តាដឹកនាំកម្លាំងចុះការពារប្រជាពលរដ្ឋក្នុងមូលដ្ឋាន ដើម្បីទប់ស្កាត់បទល្មើសផ្សេងៗដែលអាចកើតមាន ឡើងជាក់ស្តែងដូចករណីខាងលើនេះជាដើម ។

មហាជនបានលើកឡើងថា នៅជាប់នគរបាលប៉ុស្ដិ៍ហើយក្រុមចោរនៅតែប្រហើនហ៊ានលួចចុះទម្រាំនៅឆ្ងាយពីនគរបាលប៉ុស្ដិ៍វិញយ៉ាងមិចទៅ?

អត្ថបទ ៖ សុខុម

Related Topics:ខណ្ឌមានជ័យ