ព័ត៌មានជាតិ
ប្រទេសសមាជិក MRC ប្តេជ្ញាចិត្តពង្រឹងកិច្ចសហប្រតិបត្តិការតំបន់ឲ្យបានកាន់តែរឹងមាំនិងគាំទ្រយុទ្ធសាស្ត្រអភិវឌ្ឍន៍អាងទន្លេមេគង្គ
ប្រទេសជាសមាជិកគណៈកម្មការទន្លេមេគង្គ( MRC )បានប្តេជ្ញាចិត្តបន្តធ្វើការរួមគ្នាឲ្យកាន់តែសកម្មថែមទៀត ក្នុងការពង្រឹងកិច្ចសហប្រតិបត្តិការតំបន់ឲ្យបានកាន់តែរឹងមាំ គាំទ្រដល់ការអនុវត្តយុទ្ធសាស្ត្រ អភិវឌ្ឍន៍អាងទន្លេមេគង្គឆ្នាំ ២០២១-២០២៣ ឲ្យមានប្រសិទ្ធភាពនិងទទួលបានជោគជ័យដើម្បីការគ្រប់គ្រងនិងការអភិវឌ្ឍប្រកបដោយចីរភាពក្នុងអាងទន្លេមេគង្គ។
ការប្តេជ្ញាចិត្តនេះធ្វើឡើងនៅក្នុងកិច្ចប្រជុំក្រុមប្រឹក្សា MRC លើកទី២៨ និង កិច្ចប្រជុំពិគ្រោះយោបល់ជាមួយដៃគូអភិវឌ្ឍន៍លើកទី២៦ ដែលបានប្រព្រឹត្តទៅនៅថ្ងៃទី២៥ ខែវិច្ឆិកា ឆ្នាំ២០២១ តាមប្រព័ន្ធវីដេអូ ដឹកនាំដោយនាយឧត្តមសេនីយ៍ Prawit Wongsuwon ឧបនាយករដ្ឋមន្ត្រីនិងជាសមាជិកក្រុមប្រឹក្សា MRC តំណាងប្រទេសថៃដែលទទួលវេនជាប្រធានក្រុមប្រឹក្សា MRC សម្រាប់ឆ្នាំ ២០២១ និងមានការចូលរួមពីសមាជិកក្រុមប្រឹក្សា MRC ថ្នាក់រដ្ឋមន្ត្រីនៃប្រទេសជាសមាជិក MRC បីផ្សេងទៀតរួមមាន កម្ពុជា ឡាវនិងវៀតណាម តំណាងនៃប្រទេសដៃគូអភិវឌ្ឍន៍ប្រទេសដៃគូសន្ទនា (ចិន មីយ៉ាន់ម៉ា)និងអង្គការតំបន់និងអន្តរជាតិពាក់ព័ន្ធព្រមទាំងមន្ត្រីនៃលេខាធិការដ្ឋាន MRC។
លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម ជាប្រធានគណៈកម្មាធិការជាតិទន្លេមេគង្គកម្ពុជាតំណាងកម្ពុជាបានដឹកនាំគណៈប្រតិភូកម្ពុជាចូលរួមកិច្ចប្រជុំ ក្រុមប្រឹក្សា MRC លើកទី២៨ និងកិច្ចប្រជុំពិគ្រោះយោបល់ ជាមួយដៃគូអភិវឌ្ឍន៍ លើកទី២៦ នៅសណ្ឋាគារសូហ្វីតែលភ្នំពេញរាជធានីភ្នំពេញ។
កិច្ចប្រជុំខាងលើបានពិនិត្យពិភាក្សាលើវឌ្ឍនភាពនៃការអនុវត្តផែនការការងាររបស់ MRC ឆ្នាំ២០២១ ដោយផ្តោតលើកិច្ចសហប្រតិបត្តិការតំបន់,ការលើកកម្ពស់កិច្ចដំណើរ ការស្ថាប័ននិងការអនុវត្តការងារ, ការជ្រើសរើសនាយកប្រតិបត្តិនៃលេខាធិការដ្ឋាន MRC ពីប្រទេសឡាវសម្រាប់ឆ្នាំ ២០២២-២០២៤, ការត្រៀមរៀបចំកិច្ចប្រជុំកំពូល MRC លើកទី៤ក្នុងឆ្នាំ២០២៣ ដែលប្រទេសឡាវជាម្ចាស់ផ្ទះ,ការពង្រឹងប្រសិទ្ធភាពលើការគ្រប់គ្រងការប្រើប្រាស់ទឹក និងការពិនិត្យតាមដានទន្លេ, ស្ថានភាពជលសាស្ត្រក្នុងអាងទន្លេមេគង្គក្រោម, ផែនការងារបច្ចុប្បន្នភាព របស់ MRC សម្រាប់ឆ្នាំ២០២២ និងកិច្ចការសំខាន់ មួយចំនួនទៀត។ កិច្ចប្រជុំក៏បានពិនិត្យអនុម័តលើវិធានផ្ទៃក្នុងបច្ចុប្បន្នភាពរបស់ក្រុមប្រឹក្សានិងគណៈកម្មាធិការរួម MRC និងឯកសារយុទ្ធសាស្ត្រអភិវឌ្ឍន៍ វារីអគ្គិសនីប្រកបដោយចីរភាព ក្នុងអាងទន្លេមេគង្គក្រោម ។
នៅក្នុងកិច្ចប្រជុំប្រទេសជាសមាជិក MRC ក៏ដូចជាដៃគូអភិវឌ្ឍន៍បានវាយតម្លៃខ្ពស់ចំពោះវឌ្ឍនភាពការងារ និងសមិទ្ធផលដែល MRC សម្រេចបានក្នុងឆ្នាំ២០២១ក្នុងបរិបទ នៃការរីករាលដាលនៃជំងឺកូវីដ១៩និងបានប្តេជ្ញាចិត្តបន្តធ្វើការរួមគ្នាឲ្យកាន់តែសកម្មថែមទៀតក្នុងការពង្រឹងកិច្ចសហប្រតិបត្តិការ តំបន់ឲ្យបានកាន់តែរឹងមាំ គាំទ្រដល់ការអនុ វត្តយុទ្ធសាស្ត្រអភិវឌ្ឍន៍អាងឆ្នាំ២០២១-២០២៣ ឲ្យមានប្រសិទ្ធភាពនិងទទួលបានជោគជ័យដើម្បីការគ្រប់គ្រងនិងការអភិវឌ្ឍប្រកបដោយចីរភាពក្នុងអាងទន្លេមេគង្គ ៕
ដោយ ៖ ណារី
បទ «រំលស់ប្រពន្ធ» របស់ តន់ ចន្ទសីម៉ា កំពុងផ្ទុះ Viral ខ្លាំង ជាប់ Treding លេខ ១
សង្ស័យថា តារាម៉ូដែល Naomi កិបកេងលុយសប្បុរស ស្របពេលរឿងអាស្រូវដើរធ្វើបាបគេធ្លាយជាថ្មី
Update ៖ អគ្គិភ័យឆាបឆេះផ្ទះ ០៨ ខ្នង និងរងរបួសក្រុមពន្លត់អគ្គិភ័យកាណូតម្នាក់ នៅខណ្ឌឫស្សីកែវ
សម្តេចតេជោ ហ៊ុន សែន៖ កូនៗ ចៅៗ នៅអង្គការអាហ្វេស៊ីប ត្រូវសិក្សាយ៉ាងហោចចប់បរិញ្ញាបត្ររង
លោក Lavrov គំរាម អាមេរិក ថា រុស្ស៊ីគឺជាមហាអំណាចនុយក្លេអ៊ែរ
អាកាសយានដ្ឋានអន្តរជាតិតារាសាគរ ហោះហើរធ្វើតេស្តសាកល្បងត្រួតពិនិត្យឧបករណ៍បច្ចេកទេសឡើងវិញ ត្រៀមហោះហើរយន្តហោះខ្នាតតូច ចុងខែវិច្ឆិកាខាងមុខ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាពលរដ្ឋនាំគ្នាសម្រុកចេញពីភ្នំពេញ ទៅលេងស្រុកកំណើត នាឱកាសបុណ្យភ្ជុំបិណ្ឌ
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ