ព័ត៌មានជាតិ

អេស៊ីលីដាម៉ូបាល កំពុងពេញនិយមខ្លាំង សម្រាប់ប្រជាពលរដ្ឋទូទៅ

បានផុស

៣ years មុន

នៅ

ថ្ងៃសៅរ៍ ២៧ វិច្ឆិកា ២០២១

ដោយ

អេស៊ីលីដាម៉ូបាល ដែលជាអេបរបស់ធនាគារអេស៊ីលីដា កំពុងតែទទួលបាននូវការគាំទ្រ និងប្រើប្រាស់យ៉ាងច្រើនពីសំណាក់ប្រជាពលរដ្ឋទូទៅ ព្រោះវាបានផ្តល់ភាពងាយស្រួលគ្រប់បែបយ៉ាងដល់ការរស់នៅប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធនាគារ អេស៊ីលីដា ដែលជាធនាគារពាណិជ្ជខ្មែរដ៏ធំ និងមានកេរ្តិ៍ឈ្មោះល្បីល្បាញមួយនៅប្រទេសកម្ពុជាតែងតែនាំមកនូវ សេវាកម្មថ្មីៗ ដែលមានបច្ចេកវិទ្យាទាន់សម័យ និងនាំមុខគេសម្រាប់បម្រើទៅតាមតម្រូវការរបស់អតិថិជន នៅក្នុងសម័យបច្ចេកវិទ្យាដ៏ទំនើបនេះ។

លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ ធនាគារអេស៊ីលីដាបានមានប្រសាសន៍ថា អតិថិជននិយមប្រើ អេស៊ីលីដាម៉ូបាលដោយសារវាជាមធ្យោបាយមួយដ៏ប្រសើរដែលជួយពួកគេ ក្នុងការប្រកបអាជីវកម្មប្រចាំថ្ងៃបានជាធម្មតាដោយមិនចាំបាច់ជួបជុំគ្នាឬទៅប្រាស្រ័យទំនាក់ទំនងគ្នានៅខាងក្រៅ ឬទៅកាន់ធនាគារផ្ទាល់ឡើយ។ ដូចជាងាយស្រួលទូទាត់ទំនិញតាមអនឡាញ ងាយស្រួលបង់ថ្លៃទឹកភ្លើង និងសេវាផ្សេងៗទៀតដោយមិនបង់ប្រាក់ និងផ្ទេរប្រាក់ទៅឪពុកម្តាយ និងបងប្អូនការបញ្ចូលទឹកប្រាក់ក្នុងទូរស័ព្ទដៃជាដើម។ លោកស្រីបានបន្តថាជាងនេះទៀត ងាយស្រួលក្នុងការឆែកមើលទឹកប្រាក់នៅក្នុងគណនី និងដឹងពីអត្រាប្តូរប្រាក់ព្រមទាំងកាត់បន្ថយការប្រឈមនិងការឆ្លងមេរោគផ្សេងៗពិសេសជំងឺកូវីដ១៩តាមរយៈការកាន់ក្រដាសប្រាក់ ។

អតិថិជនដែលនៅមិនទាន់មានអេស៊ីលីដាម៉ូបាលប្រើទេនោះ សូមដោតឡូត និងចុះឈ្មោះប្រើប្រាស់ដោយខ្លួនឯងដោយមិនគិតថ្លៃសេវាទាំងអស់ហើយ ទទួលបានលេខគណនីពិសេសៗ ដោយមិនបាច់ចំណាយប្រាក់ទិញទៀតផង តាមរយៈ Play Store, app store, app galleryដើម្បីយកកម្មវិធីនេះទុកក្នុងទូរស័ព្ទដៃដើម្បីបំពេញតម្រូវការ៕

Related Topics:អេស៊ីលីដាម៉ូបាល