ព័ត៌មានជាតិ
ទំហំពាណិជ្ជកម្មទ្វេភាគីរវាងកម្ពុជានិងឥណ្ឌា មានការកើនឡើងគួរឲ្យកត់សម្គាល់
មន្ត្រីជាន់ខ្ពស់ក្រសួងពាណិជ្ជកម្ម បានអះអាងថាទំហំពាណិជ្ជកម្មទ្វេភាគីរវាងកម្ពុជានិងឥណ្ឌា មានការកើនឡើងគួរឲ្យកត់សម្គាល់នៅក្នុងរយៈពេលចុងក្រោយនេះ ដែលបានជួយលើកស្ទួយដល់សេដ្ឋកិច្ចប្រទេសទាំងពីរ កាន់តែរីកចម្រើនថែមទៀត។
លោក ឈួន ដារ៉ា រដ្ឋលេខាធិការក្រសួងពាណិជ្ជកម្ម តំណាង លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានលើកឡើងបែបនេះ ខណៈពេលដែលលោកបានចូលរួមនៅក្នុងវេទិកា The 6th India-CLMV Business Conclave 2020 តាមរយៈប្រព័ន្ធវីដេអូអនឡាញកាលពីថ្ងៃទី៤ធ្នូ ឆ្នាំ២០២០កន្លងទៅនេះ។
លោកបានបន្តថា ជាក់ស្តែងនៅឆ្នាំ២០១៩តម្លៃពាណិជ្ជកម្មទ្វេ ភាគីរវាងកម្ពុជានិងឥណ្ឌាមានចំនួន ២៥៦ លានដុល្លារសហរដ្ឋអាមេរិក ក្នុងនោះកម្ពុជាបាននាំចេញផលិតផលកសិកម្មទៅប្រទេសឥណ្ឌាក្នុងតម្លៃ ៦៤,៦៧ លានដុល្លារ និងនាំចូលផលិតវេជ្ជសាស្ត្រពីប្រទេសឥណ្ឌាក្នុងតម្លៃ ១៩១,៥៩ លានដុល្លារ។ លោក ឈួន ដារ៉ា បានបន្ថែមទៀតថា«ខ្ញុំសូមសម្ដែងការស្វាគមន៍ ចំពោះវិនិយោគិនឥណ្ឌា ចូលមកវិនិយោគនៅកម្ពុជា ដោយធានាជូននូវបរិយាកាសធុរកិច្ចល្អ និងជួយជំរុញគ្រប់វិស័យ ដែលវិស័យសំខាន់ៗជាច្រើនរួមមាន វិស័យសុខាភិបាល កសិកម្ម បច្ចេកវិទ្យា អប់រំ ម្ហូបអាហារ ហេដ្ឋារចនាសម្ព័ន្ធ និងការដឹកជញ្ជូន»។
ពាក់ព័ន្ធនឹងវេទិកាវិញលោក រដ្ឋលេខាធិការបានថ្លែងអំណរគុណជូនចំពោះភាគីឥណ្ឌាដែលបានអញ្ជើញភាគីកម្ពុជាចូលរួមក្នុងវេទិកា The 6th India-CLMV Business Conclave 2020 ដែលធ្វើឡើងនៅប្រទេសឥណ្ឌា ព្រោះនេះគឺជាលើទី១ ដែល India-CLMV Business Conclave ត្រូវបានធ្វើឡើងតាមរយៈប្រព័ន្ធឌីជីថល ដែលជាការបង្ហាញនូវការប្តេជ្ញាចិត្តខ្ពស់របស់បណ្តាប្រទេស CLMV និងឥណ្ឌាក្នុងការធ្វើវេទិកាដ៏សំខាន់នេះឆ្ពោះទៅមុខ ទោះបីមានការរីករាលដាលនៃជំងឺ Covid -19 ទូទាំងពិភពលោកក៏ដោយ។ លោកបានលើកឡើងទៀតថា កិច្ចសហប្រតិបត្តិការល្អវាងឥណ្ឌា និង ប្រទេសជាសមាជិក CLMV ពិតជាអាចឲ្យកម្ពុជាឆក់យកឱកាសអភិវឌ្ឍន៍ប្រកបដោយចីរភាព រវាងប្រទេស និងប្រទេស ព្រមទាំងតំបន់ទាំងមូល ផងដែរ៕
អត្ថបទ៖ សំអឿន
សូមចុចអាន៖ គម្រោងវិនិយោគក្រុមហ៊ុនចំនួន៥ មានទុនវិនិយោគជាង ១០០លានដុល្លារអាមេរិក នៅកម្ពុជា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ