ព័ត៌មានជាតិ

ក្រសួងទេសចរណ៍ រៀបចំការស្ទង់មតិទេសចរផ្ទៃក្នុងជាលើកដំបូង

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

ក្រសួងទេសចរណ៍ បានរៀបចំការស្ទង់មតិស្តីអំពី “ចំណង់ចំណូលចិត្ត និងឥរិយាបថរបស់ទេសចរផ្ទៃក្នុង”ជាលើកដំបូង ដើម្បីយកមតិយោបល់ទាំងនោះ ដាក់ចូលក្នុងផែនការយុទ្ធសាស្ត្រជាតិអភិវឌ្ឍន៍ទេសចរណ៍កម្ពុជា ឆ្នាំ ២០២១-២០៣៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថាការស្ទង់មតិទេសចរផ្ទៃក្នុងដើម្បីទទួលបានធាតុចូលបន្ថែមពីភ្ញៀវទេសចរសម្រាប់ការរៀបចំផែនការយុទ្ធសាស្ត្រជាតិអភិវឌ្ឍន៍ទេសចរណ៍កម្ពុជា ឆ្នាំ២០២១-២០៣៥។

ដូចនេះសូមអញ្ជើញសាធារណជន ប្រជាពលរដ្ឋ និងភ្ញៀវទេសចរ ទាំងទេសចរជាតិ និងបរទេសក្នុងស្រុកទាំងអស់ មេត្តាអញ្ជើញ ចូលរួមជួយបំពេញកម្រងសំណួរនេះដូចមានតំណលីងភ្ជាប់ដែលមាននៅក្នុងផេករបស់ក្រសួងទេសចរណ៍ស្រាប់។ លោករដ្ឋមន្ត្រីបានបន្តទៀតថា« មតិយោបល់របស់លោកអ្នកទាំងអស់ គឺពិតជាមានតម្លៃសម្រាប់ការរៀបចំផែនការយុទ្ធសាស្ត្រជាតិអភិវឌ្ឍន៍ទេសចរណ៍កម្ពុជា ឆ្នាំ២០២១-២០៣៥។ រាល់ព័ត៌មានទទួលបានតាមកម្រងសំណួរនេះ គឺអនាមិក ត្រូវរក្សាជាការសម្ងាត់ និងប្រើប្រាស់សម្រាប់តែក្នុងការសិក្សានេះតែប៉ុណ្ណោះ»៕

អត្ថបទ៖ សំអឿន