ព័ត៌មានជាតិ
តម្លៃប្រេងសាំងចុះថ្លៃ ២៥០រៀល ក្នុង១លីត្រ
នៅថ្ងៃទី០១ ខែធ្នូនេះ ប្រេងសាំងធម្មតានៅកម្ពុជា បានចុះថ្លៃមកត្រឹម ៤២០០រៀល ពោលគឺធ្លាក់ចុះ ២៥០រៀលក្នុង ១លីត្រ។ នេះបើតាមសេចក្តីជូនដំណឹងរបស់ក្រសួងពាណិជ្ជកម្ពុជា។ បើតាមក្រសួងពាណិជ្ជកម្ម ដោយផ្អែកតាមតម្លៃមធ្យមប្រេងឥន្ធនៈលើទីផ្សារអន្តរជាតិ បានឲ្យដឹងថា ថ្លៃលក់រាយប្រេងឥន្ធនៈពីថ្ងៃទី ០១ ដល់ថ្ងៃទី ១៥ ខែធ្នូ នឹងលក់ ៤៣៦០រៀល ក្នុង១លីត្រ សម្រាប់ប្រេងសាំងធម្មតា និងម៉ាស៊ូតតម្លៃ ៤០១០រៀល ក្នុង១លីត្រ។

ដើម្បីជួយសម្រួលដល់ជីវភាពរបស់ប្រជាពលរដ្ឋ និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្រ្តី បានសម្រេចចុះតម្លៃលក់រាយចំនួន ៤សេន ក្នុង១លីត្រ។ ដូច្នេះសាំងធម្មតាស្ថិតក្នុងតម្លៃ ៤២០០រៀលក្នុង១លីត្រ និងម៉ាស៊ូត ៣៨៥០រៀល ក្នុង១លីត្រ គិតចាប់ពីថ្ងៃនេះ ដល់ថ្ងៃទី ១៥ ខែធ្នូ ឆ្នាំ ២០២១។
ទាក់ទងនឹងតម្លៃសាំងនេះ លោក ឡុង សំណាង អ្នកស្រាវជ្រាវតម្លៃប្រេងឥន្ធនៈ និងជាប្រធានផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុនហ្គោលដេន អេហ្វអិកស៍ លីងឃែភីថល បានលើកឡើងថា ប្រេងសាំងនៅសហរដ្ឋអាមេរិកមានការធ្លាក់ចុះតម្លៃយ៉ាងខ្លាំងពី ៨៦ដុល្លារ មកត្រឹម ៦៤ដុល្លារក្នុង១បារ៉ែល ដែលនេះជាកត្តានាំឲ្យសាំងនៅកម្ពុជា ចុះថ្លៃផងដែរ។ លោកវិភាគថា តម្លៃនេះអាចនឹងធ្លាក់ចុះបន្តទៀតនៅពេលខាងមុខ មូលហេតុដោយសារការរីករាលដាលមេរោគកូវីដបំប្លែងថ្មីអូមីក្រុងផ្ទុះឡើង។
លោក ឡុង សំណាង ថ្លែងដូច្នេះថា« មេរោគបំប្លែងថ្មី អូមីក្រុង បានឆ្លងរីករាលរដាលលឿនមែនទែន បើបណ្តាប្រទេសមួយចំនួន មិនបានទប់ស្កាត់ឲ្យបានទាន់ពេលទេ អាចជះឥទ្ធិពលដល់សេដ្ឋកិច្ចពិភពលោក ពិសេសតម្លៃសាំងរងផលប៉ះពាល់មុនគេ»៕
អត្ថបទ៖ ទួន សុផល


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ