ព័ត៌មានជាតិ
ក្រុមហ៊ុនដឹកសំរាមស្តង់ដារអន្តរជាតិចំនួន៣ នឹងចេញប្រតិបត្តិការ នៅដើមខែកុម្ភៈឆ្នាំ២០២១
ក្រុមហ៊ុនដឹកសំរាមចំនួន០៣ ដែលមានលក្ខណៈអន្តរជាតិ នឹងចេញប្រតិបត្តិការលើការប្រមូល និងដឹកជញ្ជូនសំរាម នៅក្នុងរាជធានីភ្នំពេញ នាដើមខែកុម្ភៈ ឆ្នាំ២០២១ ខាងមុខនេះហើយ។ ពោលគឺក្រោយពីក្រុមហ៊ុនទាំងបីនេះ បានសម្រេចជ្រើសរើសជាប់សព្វគ្រប់។
អ្នកនាំពាក្យរដ្ឋបាលរាជធានីភ្នំពេញ លោក ម៉េត មាសភក្តី បានឲ្យដឹងនៅរសៀលថ្ងៃទី២៤តុលានេះថា រដ្ឋបាលរាជធានីភ្នំពេញ នឹងបិទការទទួលពាក្យស្នើសុំ ដើម្បីបន្តនីតិវិធី នៃការជ្រើសរើសលក្ខណៈសម្បត្តិ យកក្រុមហ៊ុនចំនួន៣ ដើម្បីប្រតិបត្តិការ លើការប្រមូល និងដឹកជញ្ជូនសំរាមនៅក្នុងភូមិសាស្ត្ររាជធានីភ្នំពេញ។
ក្រុមហ៊ុនទាំង៣ ដែលបានជាប់នៅក្នុងការជ្រើសរើសនេះ នឹងចេញប្រតិបត្តិការលើការប្រមូលសំរាមនៅរាជធានីភ្នំពេញ នាដើមខែកុម្ភៈ ឆ្នាំ២០២១ខាងមុខនេះ ដោយបែងចែកជា៣តំបន់ ដើម្បីធ្វើសកម្មភាពប្រមូលសំរាម។
ពាក់ព័ន្ធនឹងការប្រមូលសំរាមនេះដែរ លោក ម៉េត មាសភក្តី ក៏បានបញ្ជាក់ឲ្យដឹងផងដែរថា មកដល់ពេលនេះ ការដឹកជញ្ជូនសំរាមទៅកាន់ទីលាន មានស្ថានភាពរលូនដូចដើមវិញហើយ បន្ទាប់ពីមានការខិតខំប្រឹងប្រែងដោយយកចិត្តទុកដាក់ និងវិធានការប្រើប្រាស់កម្លាំង មធ្យោបាយសរុបរបស់លោក ឃួង ស្រេង អភិបាលរាជធានីភ្នំពេញ រហូតធ្វើឲ្យកម្មករក្រុមហ៊ុនស៊ីន ទ្រី ចូលធ្វើការវិញបានជាង១សប្ដាហ៍នេះ។
លោកបន្តថា កន្លងមកនេះ ដោយមានការចង្អុលបង្ហាញពីក្រសួងសេដ្ឋកិច្ច និងហិរញ្ញវត្ថុ និងក្រសួងមហាផ្ទៃ ហើយដោយមានការសម្របសម្រួលពី លោកអភិបាលរាជធានីភ្នំពេញ និងក្រសួងស្ថាប័នពាក់ព័ន្ធផងនោះ កម្មករក្រុមហ៊ុនស៊ីន ទ្រី បានព្រមចូលធ្វើការវិញទាំងអស់គ្នាវិញ ចាប់ពីរសៀលថ្ងៃទី១៤ ខែតុលា ឆ្នាំ២០២០ ដោយទទួលយកនូវអ្វីដែលជាការព្រមព្រៀងគ្នា។
បន្ថែមពីនោះ បន្ទាប់ពីព្រមព្រៀងគ្នាជាលើកទី២ កាលពីរសៀលថ្ងៃទី១៤ ខែតុលា ឆ្នាំ២០២០ កម្មករនិយោជិតរបស់ក្រុមហ៊ុន ស៊ីន ទ្រីទាំងអស់នោះ បានយល់ព្រមចូលធ្វើការវិញតាមតួនាទីរបស់ពួកគេរៀងៗខ្លួន ព្រមទាំងមានការជួយយ៉ាងសកម្មពីក្រុមការងារដែលរៀបចំដោយរដ្ឋបាលរាជធានីភ្នំពេញ ទាំងមធ្យោបាយផងនោះ រហូតមកដល់ពេលនេះ បញ្ហាសំរាមមានសភាពធម្មតាឡើងវិញហើយ។ មានន័យថា ពេលនេះ ការងារដូចថ្ងៃធម្មតា គឺសំរាមចាស់ ត្រូវបានប្រមូល និងដឹកជញ្ជូនយកទៅទីលានចាក់សំរាមអស់ហើយ នៅសល់តែសំរាមដែលប្រជាពលរដ្ឋផលិតរាល់ថ្ងៃនោះទេ ដែលកម្មករក្រុមហ៊ុន សិន ទ្រី កំពុងប្រមូលរាល់ថ្ងៃនេះ។
លោក ម៉េត មាសភក្តី បានបញ្ជាក់ថា ក្រុមការងារប្រមូលសំរាម ដែលរៀបចំដោយរដ្ឋបាលរាជធានី ភ្នំពេញនោះ ពេលនេះ បានសម្រាកហើយ ហើយបានប្រគល់ការងារនេះទៅឲ្យកម្មកររបស់ក្រុមហ៊ុន សិន ទ្រី ជាអ្នកទទួលខុសត្រូវវិញ។
គួររំលឹកផងដែរថា ចាប់តាំងពីល្ងាចថ្ងៃទី២ ខែតុលា ឆ្នាំ២០២០ រហូតមកដល់ថ្ងៃទី១៤តុលា កម្មករប្រមូលសំរាមរបស់ក្រុមហ៊ុន ស៊ីនទ្រី បានធ្វើកូដកម្ម នៅយានដ្ឋានក្រុមហ៊ុន ស៊ីន ទ្រី ដែលមានទីតាំងនៅភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ ដោយមិនចេញប្រមូលសំរាម។ ដែលធ្វើឲ្យមានសំរាមកកស្ទះនៅតាមដងផ្លូវនានា ក្នុងរាជធានីភ្នំពេញ។ ប៉ុន្តែ ចាប់ពីល្ងាចថ្ងៃទី១៤ ខែតុលានោះមក កម្មករទាំងនោះ បានខិតខំធ្វើការប្រមូល និងដឹកជញ្ជូនសំរាមរហូតមកដល់ពេលនេះ ទើបមានភាពល្អប្រសើរឡើងវិញ៕
អត្ថបទ ៖ ស្រីរ័ត្ន
មមីកើតឆ្នាំ ១៩៩០ ត្រូវប្រុងប្រយ័ត្នផ្នែកអាជីព នាឆ្នាំ២០២១នេះ
ពលរដ្ឋក្នុងស្រុកចំនួនពីរ នៃខេត្តបន្ទាយមានជ័យ ឈ្លោះគ្នារឿងខ្វះទឹកធ្វើស្រែ
កម្ពុជាសម្រេចទទួលយកវ៉ាក់សាំង Sinopharm ១ លានដូសមកចាក់ជូនប្រជាជន
ប្រទេសចិនផ្តល់វ៉ាក់សាំងកូវីដ១៩ដល់កម្ពុជា ១លានដូស
ជប៉ុនផ្ដល់១៨២,០៣៥ ដុល្លារអាមេរិក សម្រាប់ការពង្រឹងការថែទាំសុខភាពសហគមន៍ក្នុងខេត្តកំពង់ចាម
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ2 days agoអ្នកនាំពាក្យបដិសេធព័ត៌មានថាកងទ័ពឆត្រយោង ម្នាក់ធ្លាក់ស្លាប់
-
ព័ត៌មានជាតិ1 week agoអ្នកគ្រូណាលី ធ្លាប់ទៅរៀនគ្រូដើម ៣ ប្រទេស ឆ្លងកាត់ហុងស៊ុយអូឌីត ទទួលស្គាល់ជាអន្តរជាតិ
-
ព័ត៌មានជាតិ13 hours agoក្តៅៗ! សមត្ថកិច្ចបានបាញ់សម្លាប់ ឃាតកបាញ់នាយរងការិយាល័យព្រហ្មទណ្ឌកម្រិតស្រាល ស្លាប់មុននេះ
-
ព័ត៌មានជាតិ1 week agoរកឃើញមិនពាក់ព័ន្ធ សម្រេចដោះលែងប្រពន្ធជនដៃដល់បាញ់សម្លាប់នាយរងប៉ូលិស ឲ្យមានសេរីភាពវិញ
-
ព័ត៌មានអន្ដរជាតិ1 week agoដំណឹងល្អ! ប្រទេសមានប្រាក់ចំណូលទាប នឹងទទួលបានវ៉ាក់សាំងកូវីដក្នុងខែនេះ
-
ព័ត៌មានជាតិ4 days agoបន្ទាន់! ផ្ទុះជំងឺផ្តាសាយបក្សី (H5N1) បណ្ដាលឲ្យមាន់ជាង១ពាន់ក្បាលងាប់
-
ព័ត៌មានជាតិ12 hours agoលម្អិតសមត្ថកិច្ចព័ទ្ធព្រៃជិតមួយអាទិត្យ ទើបអាចរកឃើញឃាតកដៃឆៅបានសម្រេច
-
ព័ត៌មានជាតិ1 day agoលោក ទិត្យ វិច្ឆិកា រំលឹកពាក្យពីរម៉ាត់របស់គ្រូឆត្រយោងដែលពលីជីវិត