ព័ត៌មានជាតិ
អាជ្ញាធរខេត្តបង្ហាញថា ការធ្វើយុទ្ធនាការ ក្នុងឱកាស នៃទិវាពិភពលោកប្រយុទ្ធនិងជំងឺអេដស៍នាពេលនេះជាសារដ៏សំខាន់ខ្លាំងណាស់
សៀមរាប ៖ លោកវេជ្ជបណ្ឌិត ឈឹម សារ៉ាត់ នាយកការិយាល័យប្រចាំតំបន់អាស៊ីនៃមូលនិធិថែទាំសុខភាពអេដស៍ ហៅកាត់ថា AHF បានថ្លែងថា «វិបត្តិកូវីដ-១៩ គឺជាការដាស់តឿនដ៏ធ្ងន់ធ្ងរមួយ សម្រាប់ពិភពលោក ជាពិសេសនៅទូទាំងតំបន់អាស៊ី ដែលមនុស្សនៅតាមប្រទេសជាច្រើន មិនសូវមានឱកាសទទួលបានការចាក់វ៉ាក់សាំង បាត់បង់ការងារ និងកំពុងទទួលរងអសន្តិសុខស្បៀង ក្នុងនោះវិធានការបិទខ្ទប់តឹងរ៉ឹង ក៏បានជះផលប៉ះពាល់ជាច្រើនដល់សង្គមជាតិ រួមមានការបង្កជាឧបសគ្គ ដល់សមត្ថភាពរបស់តំបន់អាស៊ីក្នុងការឆ្លើយតបចំពោះវិបត្តិជំងឺអេដស៍ និងគំរាមកំហែង ចំពោះវឌ្ឍនភាពដែលសម្រេចបាន ក្នុងការប្រយុទ្ធប្រឆាំងជំងឺនេះ»។
លោកបានបន្តថា ខណៈដែលពិភពលោកកំពុងមានកាតព្វកិច្ចប្រយុទ្ធប្រឆាំងនឹងជំងឺកូវីដ-១៩ នោះ អេដស៍ ឬ HIV នៅតែបន្តឆាបយកជីវិតមនុស្សជិត ៧០ម៉ឺននាក់ក្នុងមួយឆ្នាំៗនៅទូទាំងពិភពលោក ដូច្នេះ ប្រការដែលអង្គការ AHF បាននាំគ្នាជិះកង់ ដើម្បីប្រារព្ធទិវាជំងឺអេដស៍ពិភពលោកឆ្នាំ២០២១នាពេលនេះ គឺជាសារមួយរំឭកដល់អ្នកដែលបានបាត់បង់ជីវិតដោយសារជំងឺអេដស៍ និងបង្ហាញដល់យុវវ័យក៏ដូចជាសាធារណជនទាំងឡាយ ឱ្យមានការប្រុងប្រយ័ត្ននូវជំងឺឆ្លងHIVS និងជំងឺឆ្លងរាតត្បាតដទៃទៀត ស្របពេលដែលពិភពលោក កំពុងបន្តព្យាយាមប្រឹងប្រែងបញ្ចប់ឲ្យបាននូវជំងឺឆ្លងដ៏សាហាវបំផុតក្នុងប្រវត្តិសាស្ត្រ ដែលបានផ្តាច់ជីវិតមនុស្សសរុបច្រើនជាង ៣៦លាននាក់មកហើយនោះ។
លោកវេជ្ជបណ្ឌិត ឈឹម សារ៉ាត់ មានប្រសាសន៍យ៉ាងដូច្នេះ ក្នុងឱកាសរៀបចំកម្មវិធីនាំគ្នាជិះកង់ ដើម្បីប្រារព្ធទិវាជំងឺអេដស៍ពិភពលោកឆ្នាំ២០២១ កាលពីព្រឹកថ្ងៃទី០១ ខែធ្នូ ឆ្នាំ២០២១នេះ ដែលធ្វើដំណើរចេញពីក្រុងសៀមរាប ឆ្ពោះ ទៅកាន់តំបន់រមណីយដ្ឋានអង្គរ ក្រោមអធិបតីភាពលោក ពិន ប្រាកដ អភិបាលរងខេត្ដសៀមរាប ដោយមានអ្នកចូលរួមជាងមួយរយនាក់។
លោក ពិន ប្រាកដ អភិបាលរងខេត្ដសៀមរាប មានប្រសាសន៍ថា ការធ្វើយុទ្ធនាការក្នុងឱកាសនៃទិវាពិភពលោកប្រយុទ្ធនឹងជំងឺអេដស៍នាពេលនេះ គឺជាសារដ៏សំខាន់ខ្លាំងណាស់សម្រាប់យុវវ័យ ក៏ដូចជាសាធារណជនទូទៅ ព្រោះខេត្ដសៀមរាប ជាតំបន់ទេសចរណ៍ដ៏សំខាន់ ដែលមានអ្នកទេសចរទៅទស្សនាអង្គររាប់លាននាក់ក្នុងមួយឆ្នាំៗ ហើយក៏ជាសារមួយក្រើនរំលឹកដល់អ្នករាល់គ្នាថា ជំងឺអេដស៍ នៅតែការគំរាមកំហែងដល់អាយុជីវិតរបស់មនុស្សយើង ប្រសិនបើយើងមានការធ្វេសប្រហែស ដូច្នេះក្នុងឱកាសនេះ សូមអំពាវនាវដល់សាធារណជន ភ្ញៀវជាតិនិងអន្ដរជាតិ សូមចូលរួមប្រយុទ្ធប្រឆាំងនឹងជំងឺឆ្លងHIVS និងជំងឺឆ្លងដទៃទៀត។
គួររំលឹកថា តាមស្ថិតិថ្មីៗចុងក្រោយរបស់អង្គការ UNAIDS បានបង្ហាញថា មានមនុស្សប្រមាណ៣៨លាននាក់ នៅជុំវិញពិភពលោក បាននឹងកំពុងរស់នៅជាមួយជំងឺអេដស៍ ខណៈនៅឆ្នាំ២០២០ មានមនុស្សរហូតដល់១,៥លាននាក់បានឆ្លងជំងឺនេះ បើទោះបីបច្ចុប្បន្ននេះ មានមនុស្សរាប់លាននាក់ មានឱកាសប្រើប្រាស់ថ្នាំ សង្គ្រោះជីវិត ប្រឆាំងជំងឺនេះក៏ដោយ៕
ដោយ ៖ គឿនវេត
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២២ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ