ព័ត៌មានជាតិ

ក្រសួងអប់រំអនុញ្ញាតឲ្យបើកគ្រឹះស្ថានមត្តេយ្យសិក្សា និងសេវាថែទាំកុមារឡើងវិញ

បានផុស

៣ years មុន

នៅ

ថ្ងៃពុធ ១ ធ្នូ ២០២១

ដោយ

ក្រសួងអប់រំយុវជននិងកីឡា បានអនុញ្ញាតឱ្យបើកដំណើរការឡើងវិញគ្រឹះស្ថានមត្តេយ្យសិក្សា និងសេវាថែទាំកុមារ សម្រាប់កុមារមានអាយុចាប់ពី៥ឆ្នាំឡើង នៅគ្រឹះស្ថានសិក្សាសាធារណៈនិងឯកជនចាប់ពីថ្ងៃនេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិត សភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានឱ្យដឹងនៅក្នុងសេចក្តីជូនដំណឹងចុះនៅល្ងាចថ្ងៃទី០១ធ្នូនេះថា បន្ទាប់ពីគ្រឹះស្ថានបឋមសិក្សា មធ្យមសិក្សា និងឧត្តមសិក្សាភាគច្រើន ទាំងសាធារណៈ និងឯកជន បានបើកដំណើរការឡើងវិញដោយរលូន និងពុំមានហេតុការណ៍អ្វីកើតឡើងគួរកត់សម្គាល់ ពាក់ព័ន្ធនឹងសុខភាព របស់បុគ្គលិកអប់រំ និងសិស្សានុសិស្ស និងការរីករាលដាល នៃជំងឺកូវីដ-១៩ ក្នុងគ្រឹះស្ថានសិក្សា ព្រមទាំងទទួល បានការអនុញ្ញាតដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា ក្រសួងសម្រេចបើកដំណើរការឡើងវិញគ្រឹះស្ថានមត្តេយ្យសិក្សា និងសេវាថែទាំកុមារ សម្រាប់កុមារ មានអាយុចាប់ពី ៥ ឆ្នាំ ឡើង នៅគ្រឹះស្ថានសិក្សាសាធារណៈ និងឯកជន ចាប់ពីថ្ងៃជូនដំណឹងនេះតទៅ។

លោករដ្ឋមន្ត្រីបានបន្តថា ទទួលបានសេចក្តីជូនដំណឹងនេះ មន្ទីរអប់រំ យុវជន និងកីឡារាជធានី ខេត្ត ការិយាល័យអប់រំ យុវជន និងកីឡា នៃរដ្ឋបាលក្រុង ស្រុក ខណ្ឌ គណៈគ្រប់គ្រងគ្រឹះស្ថានសិក្សាសាធារណៈ និងឯកជន បុគ្គលិកអប់រំ អាជ្ញាធរដែនដី មាតាបិតា អ្នកអាណាព្យាបាល សូមចូលរួមសហការអនុវត្ត ដោយស្មារតីទទួលខុសត្រូវខ្ពស់៕

ដោយ ៖ សំអឿន