ព័ត៌មានជាតិ

ព្រះមហាក្សត្រ និងសម្ដេចម៉ែ ព្រះរាជទានព្រះទ្រព្យ១២ម៉ឺនដុល្លារ សម្រាប់រៀបចំកម្មវិធីបុណ្យព្រះសព សម្ដេចក្រុមព្រះនរោត្តម រណឫទ្ធិ

បានផុស

៣ years មុន

នៅ

ថ្ងៃពុធ ១ ធ្នូ ២០២១

ដោយ

ភ្នំពេញ ៖ នាល្ងាចថ្ងៃទី០១ ខែធ្នូ ឆ្នាំ២០២១នេះ សម្ដេចព្រះមហាក្សត្រីនរោត្តមមុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល បានព្រះរាជទាន ព្រះទ្រព្យ១០ម៉ឺនដុល្លារ និងព្រះបាទនរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះរាជទាន ព្រះទ្រព្យចំនួន២ម៉ឺនដុល្លារ សម្រាប់រៀបចំព្រះពិធីបុណ្យព្រះសព សម្ដេចក្រុមព្រះនរោត្តម រណឫទ្ធិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតក្នុងព្រះរាជហឫទ័យសោកស្ដាយដ៏ជ្រាលជ្រៅរកទីបំផុតគ្មាន ចំពោះការយាងចូលព្រះទិវង្គតនៃ សម្តេចក្រុមព្រះ នរោត្តម រណឫទ្ធិ ព្រះករុណា ព្រះមហាក្សត្រ និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យប្រោសព្រះរាជទានព្រះរាជទ្រព្យផ្ទាល់ព្រះអង្គចំនួន ១២ម៉ឺនដុល្លារ (ព្រះករុណាជាម្ចាស់ជីវិត ចំនួន ២ម៉ឺនដុល្លារ សម្តេចម៉ែ ចំនួន ១០ម៉ឺនដុល្លារ) ជូនព្រះបុត្រាបុត្រី សម្តេចក្រុមព្រះ នរោត្តម រណឫទ្ធិ សម្រាប់រៀបចំកម្មពិធីបុណ្យព្រះសពរបស់ព្រះអង្គ៕

កែសម្រួលដោយ ៖ នាគព័ន្ធ