ព័ត៌មានជាតិ
គយព្រមានផាកពិន័យនិងកម្ទេចចោលរថយន្តចង្កូតស្តាំមិនកែមកឆ្វេងទាន់ពេលកំណត់
អគ្គនាយកដ្ឋានគយ និងរដ្ឋាករកម្ពុជា បានព្រមានដល់ម្ចាស់រថយន្តចង្កូតស្តាំ ដែលកំពុងប្រើប្រាស់សព្វថ្ងៃ ត្រូវប្រញាប់ធ្វើការកែសម្រួលឲ្យស្របតាមច្បាប់កំណត់ ដើម្បីជៀសវាងការអនុវត្តផ្លូវច្បាប់របស់សមត្ថកិច្ច។ នេះបើយោងតាមសេចក្តីជូនដំណឹងរបស់អគ្គនាយកដ្ឋានគយ និងរដ្ឋាករកម្ពុជា កាលពីថ្ងៃពុធម្សិលមិញ។

អគ្គនាយកដ្ឋានគយ និងរដ្ឋាករកម្ពុជា បានឲ្យដឹងថា ចាប់ពីថ្ងៃទី ០១ ខែកក្កដា ឆ្នាំ ២០២២តទៅ សមត្ថកិច្ចនឹងអនុវត្តវិធានការបង្រ្កាបយ៉ាងម៉ឺនម៉ាត់បំផុត។ បន្ទាប់ពីបង្ក្រាបបាន ម្ចាស់រថយន្តចង្កូតស្តាំ ត្រូវរងការផាកពិន័យ ហើយរថយន្តនឹងត្រូវដោះជាគ្រឿងបន្លាស់ ឬកម្ទេចចោល តាមនីតិវិធីជាធរមាន។ ចំពោះរថយន្តចង្កូតស្តាំ ការអនុគ្រោះបន្ធូរបន្ថយប្រាក់ពន្ធ-អាករត្រូវបង់ចំនួន ១០% នឹងត្រូវបន្តរហូតដល់ថ្ងៃទី ៣០ ខែមិថុនា ឆ្នាំ ២០២២ ដើម្បីទុកពេលវេលាក្នុងការកែចង្កូតពីស្តាំមកឆ្វេង ឲ្យស្របតាមច្បាប់ចរាចរណ៍ផ្លូវគោករបស់កម្ពុជា។
ជាមួយគ្នានេះ អគ្គនាយកដ្ឋានគយ និងរដ្ឋាករកម្ពុជា បានរំលឹកដល់អ្នកប្រើប្រាស់រថយន្តចង្កូតឆ្វេងគ្មានពន្ធនៅក្នុងប្រទេស ដែលជ្រកក្រោមផ្លាកលេខផ្សេងៗ ក៏ទទួលបានការអនុគ្រោះបន្ធូរបន្ថយប្រាក់ពន្ធ-អាករចំនួន ១០%ផងដែរ។ ប៉ុន្តែនឹងដល់ឱសានវាទត្រឹមថ្ងៃទី ៣១ ខែធ្នូ ឆ្នាំ ២០២១។ អគ្គនាយកដ្ឋានគយបានសង្កត់ធ្ងន់ថា ផុតកាលបរិច្ឆេទកំណត់នេះ ម្ចាស់រថយន្តចង្កូតឆ្វេងគ្មានពន្ធ នឹងត្រូវបង់ប្រាក់ពន្ធអាករពេញលេញ ដោយមិនទទួលបានការអនុគ្រោះទៀតទេ។ យ៉ាងណាក៏ដោយ ទោះបីជាទទួលបានការអនុញ្ញាតឲ្យចូលទៅបង់ពន្ធ និងអាករនេះ រហូតដល់ថ្ងៃទី ៣០ ខែមិថុនា ឆ្នាំ ២០២២ក្តី ចាប់ពីថ្ងៃទី ០១ ខែមករា ឆ្នាំ ២០២២តទៅ សមត្ថកិច្ចនឹងចុះធ្វើការបង្ក្រាបជាយថាហេតុ នៅតាមទីសាធារណៈ លើរថយន្តគ្មានពន្ធ និងអាករគ្រប់ប្រភេទ៕
អត្ថបទ៖ ទួន សុផល


-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?