ព័ត៌មានជាតិ
កម្ពុជា-ឥណ្ឌូនេស៊ី ឯកភាពគ្នាជំរុញទ្វេដង នូវកិច្ចខិតខំប្រឹងប្រែង ដើម្បីបង្កើនទំហំពាណិជ្ជកម្ម
ក្នុងជំនួបពិភាក្សារវាងរដ្ឋមន្ត្រីការបរទេសនៃសាធារណរដ្ឋឥណ្ឌូនេស៊ី ជាមួយលោក ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស កាលពីថ្ងៃទី ៣០ ខែវិច្ឆិកា ដល់ថ្ងៃទី ០១ ខែធ្នូ ឆ្នាំ ២០២១ ពាក់ព័ន្ទការឯកភាពគ្នាជំរុញទ្វេដង នូវកិច្ចខិតខំប្រឹងប្រែង ដើម្បីបង្កើនទំហំពាណិជ្ជកម្ម។
ការឯកភាពគ្នាជំរុញទំហំពាណិជ្ជកម្មនេះ បានធ្វើឡើងនៅក្នុងជំនួបពិភាក្សារវាងលោកស្រី រ៉េតណូ អិល.ភី. ម៉ារស៊ូឌី រដ្ឋមន្ត្រីការបរទេសនៃសាធារណរដ្ឋឥណ្ឌូនេស៊ី ជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា នៅក្នុងដំណើរទស្សនកិច្ចផ្លូវការរបស់លោកស្រី រ៉េតណូ អិល.ភី. ម៉ារស៊ូឌី ចាប់ពីថ្ងៃទី៣០ ខែវិច្ឆិកា ដល់ថ្ងៃទី០១ ខែធ្នូ ឆ្នាំ២០២១។
ក្នុងអំឡុងពេលទស្សនកិច្ច លោកស្រី រ៉េតណូ អិល.ភី. ម៉ារស៊ូឌី បានអញ្ជើញចូលជួបសម្ដែងការគួរសមចំពោះ សម្ដេចអគ្គមហាសេនាបតីតេជោ ហ៊ុន សែន ដែលនៅក្នុងឱកាសនោះ លោកស្រីបានពាំនាំនូវការសាកសួរសុខទុក្ខយ៉ាងកក់ក្តៅរបស់ប្រធានាធិបតីនៃសាធារណរដ្ឋឥណ្ឌូនេស៊ី ផ្ញើជូនសម្តេចតេជោនាយករដ្ឋមន្ត្រី ហ៊ុន សែន ផងដែរ។ លោកស្រី រ៉េតណូ អិល.ភី. ម៉ារស៊ូឌី បានកោតសរសើរអំពីការគ្រប់គ្រងជំងឺរាតត្បាតកូវីដ-១៩ ប្រកបដោយប្រសិទ្ធភាព និងកម្មវិធីចាក់វ៉ាក់សាំងជូនប្រជាពលរដ្ឋប្រកបដោយជោគជ័យរបស់កម្ពុជា ខណៈកម្ពុជាកំពុងបើកឡើងវិញជាបណ្តើរៗនូវសកម្មភាពសង្គមសេដ្ឋកិច្ច។
សម្ដេចតេជោនាយករដ្ឋមន្ត្រី ហ៊ុន សែន បានកោតសរសើរតួនាទីដ៏សកម្មរបស់ឥណ្ឌូនេស៊ីនៅ ក្នុងវេទិកាតំបន់ និងអន្តរជាតិនានា។ សម្ដេចតេជោ ក៏បានថ្លែងអំណរគុណដល់ប្រទេសឥណ្ឌូនេស៊ី ដែលបានរួមចំណែកយ៉ាងសំខាន់ដល់ដំណើរការស្វែងរកសន្តិភាពនៅកម្ពុជា។ សម្ដេចតេជោនាយករដ្ឋមន្ត្រី ក៏បានលើកទឹកចិត្តប្រទេសទាំងពីរក្នុងការបន្តបើកជើងហោះហើរឡើងវិញ ដែលជាផ្នែកមួយនៃការតភ្ជាប់តំបន់ឡើងវិញ បន្ទាប់ពីមានការកាត់ផ្តាច់ដោយសារការរីករាលដាលនៃជំងឺ កូវីដ-១៩។ សម្ដេចតេជោនាយករដ្ឋមន្ត្រី ក៏បានលើកទឹកចិត្តដល់វិនិយោគិនឥណ្ឌូនេស៊ី ស្វែងរក កាលានុវត្តភាពនៅកម្ពុជាលើវិស័យដែលមានសក្តានុពល ដូចជាវិស័យកសិកម្ម និងឧស្សាហកម្មកែច្នៃ កសិផល។
នៅថ្ងៃដដែលនោះដែរ លោកឧបនាយករដ្ឋមន្ត្រី ប្រាក់ សុខុន និងលោកស្រី រ៉េតណូ អិល.ភី. ម៉ារស៊ូឌី បានជួបពិភាក្សាទ្វេភាគី ដែលក្នុងឱកាសនោះ រដ្ឋមន្ដ្រីការបរទេសទាំងពីរបានវាយតម្លៃចំពោះទំនាក់ទំនងទ្វេភាគីដ៏យូរអង្វែងរវាងកម្ពុជា និងឥណ្ឌូនេស៊ី ដែលមានការរីកចម្រើនលើវិស័យនានាជាច្រើន រួមមាន វិស័យនយោបាយ ការពារជាតិ និងសន្តិសុខ ពាណិជ្ជកម្ម ការអភិវឌ្ឍធនធានមនុស្ស កសិកម្ម ហេដ្ឋារចនាសម្ព័ន្ធ វប្បធម៌ សុខាភិបាល ទេសចរណ៍ និងការតភ្ជាប់ ដោយផ្អែកលើស្មារតីនៃការទុកចិត្តគ្នា យោគយល់គ្នា និងដើម្បីជាផលប្រយោជន៍ឱ្យគ្នាទៅវិញទៅមក។
ពាក់ព័ន្ធនឹងកិច្ចសហប្រតិបត្តិការលើវិស័យការពារជាតិ លោកឧបនាយករដ្ឋមន្ត្រី ប្រាក់ សុខុន បានកោតសរសើរយ៉ាងខ្លាំងចំពោះប្រទេសឥណ្ឌូនេស៊ី ដែលបានផ្តល់ការឧបត្ថម្ភគាំទ្រដល់ការកសាងសមត្ថភាពកងទ័ព ក៏ដូចជាវគ្គបណ្តុះបណ្តាលដល់កងយោធពលខេមរភូមិន្ទ និងអង្គភាពអង្គរក្សរបស់សម្តេចតេជោនាយករដ្ឋមន្ត្រី ហ៊ុន សែន។
ក្នុងកិច្ចសហប្រតិបត្តិការផ្នែកពាណិជ្ជកម្ម និងវិនិយោគ រដ្ឋមន្ត្រីការបរទេសទាំងពីរបានឯកភាព ជំរុញឲ្យភាគីទាំងពីរបង្កើនទ្វេដងនូវកិច្ចខិតខំប្រឹងប្រែងធ្វើការជាមួយគ្នាយ៉ាងជិតស្និទ្ធ ដើម្បីបង្កើនទំហំពាណិជ្ជកម្ម។ លោកឧបនាយករដ្ឋមន្ត្រី ប្រាក់ សុខុន បានលើកទឹកចិត្តបន្ថែមទៀតដល់ក្រុមហ៊ុនឥណ្ឌូនេស៊ី ឲ្យមកធ្វើការបណ្តាក់ទុននៅកម្ពុជា ស្របតាមលក្ខខណ្ឌអនុគ្រោះសម្រាប់វិនិយោគិន ដោយយោងតាមច្បាប់ស្តីពីការវិនិយោគថ្មី៕
អត្ថបទ៖ កោះកែវ
អ្វីទៅជាបទបញ្ជាប្រតិបត្តិ ឬអធិបញ្ជារបស់ប្រធានាធិបតីអាមេរិកក្នុងថ្ងៃដំបូង?
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
មុនផុតអាណត្តិនៅម៉ោង១២យប់នេះ លោក បៃដិន លើកលែងការចោទប្រកាន់ទាំងអស់ដល់មនុស្សសំខាន់ៗ
រយៈពេល១០ឆ្នាំ សម្តេចតេជោ និងភរិយា សង់ផ្ទះជិត១០០០ខ្នង ជូនអតីតយុទ្ធជនក្នុងខេត្តពោធិ៍សាត់
ក្រសួងការងារពង្រឹងវិធានការអធិការកិច្ចការងារលើ សហគ្រាស គ្រឹះស្ថាន ដើម្បីធានាបាននូវអនុវត្តការបើកផ្តល់ប្រាក់ឈ្នួល និងអត្ថប្រយោជន៍សម្រាប់កម្មករនិយោជិត
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម៨ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១៤ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤