ព័ត៌មានជាតិ

ខេត្តកណ្តាលប្រកាសបើកការប្រកួតកីឡាមហាជនជើងឯកថ្នាក់ខេត្តប្រចាំឆ្នាំ២០២១

បានផុស

៣ years មុន

នៅ

ថ្ងៃព្រហស្បតិ៍ ២ ធ្នូ ២០២១

ដោយ

ការិយាល័យអប់រំកាយ និងកីឡានៃមន្ទីរអប់រំ យុវជន និងកីឡាខេត្តកណ្តាល នាល្ងាចថ្ងៃទី២ ខែធ្នូ ឆ្នាំ២០២១នេះ បានប្រកាសបើកការប្រកួតកីឡាមហាជនជ្រើសរើសជើងឯកខេត្តកណ្តាល ប្រចាំឆ្នាំ២០២១ រយៈពេល៧ថ្ងៃ ដែលចាប់ពីថ្ងៃ ទី៤ ដល់ថ្ងៃទី១០ ខែធ្នូ ឆ្នាំ ២០២១ នៅតាមទីលានរបស់ខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ វណ្ណា ប្រធានការិយាល័យអប់រំកាយ និងកីឡាខេត្តកណ្តាល បានឲ្យដឹងថា ការប្រកួតកីឡាមហាជនជ្រើសរើសជើងឯកខេត្តកណ្តាលប្រចាំឆ្នាំ២០២១ គឺជាការប្រកួតមួយដើម្បីជ្រើស រើសកីឡាករ-កីឡាការិនី នៃប្រភេទកីឡាទាំង៥ នេះសម្រាប់ត្រៀមការប្រកួតកីឡាទូទាំងប្រទេសឆ្នាំ២០២១ នាពេលខាងមុខនេះ។

ព្រឹត្តិការណ៍នេះរួមមានកីឡា ចំនួន៥ប្រភេទ គឺបាល់ទាត់ បាល់ទះ បាល់បោះ អត្តពលកម្ម និងទាញព្រ័ត្រ។

លោកប្រធានបន្តថា ការប្រកួតនេះបាល់ទាត់មាន១៩ក្រុម ក្នុងនោះបាល់ទាត់បុរសមាន១៦ ក្រុម បាល់ទាត់នារី៣ក្រុម បាល់ទះបុរស មាន ១៤ក្រុម បុរស៨ក្រុម នារី៦ក្រុម អត្តពលកម្មមាន៥ក្រុម លើវិញ្ញាសាសរុប៦០នាក់ រីឯប្រភេទកីឡាទាញព្រ័ត្រ មាន១០ក្រុម នារី១០នាក់ និងបុរស១០នាក់ សរុប១០០នាក់។

បាល់ទាត់ និងអត្តពលកម្មនឹងចាប់ផ្តើមការ ប្រកួតជាផ្លូវការនៅព្រឹកថ្ងៃទី៤ ខែធ្នូ ឆ្នាំ២០២១ នៅទីលានបាល់ទាត់ខេត្ត វិទ្យាល័យ ហ៊ុន សែន សេរីភាព និងវិទ្យាល័យ ហ៊ុន សែន តាខ្មៅនៅទីក្រុងតាខ្មៅ៕

ដោយ ៖ វិសិទ្ធ