ព័ត៌មានជាតិ
ធនាគារអេស៊ីលីដា បើកសិក្ខាសាលា ស្ដីពី «ឱកាសចំណេញក្នុងការវិនិយោគ ក្នុងវិស័យមូលបត្រ»
ធនាគារអេស៊ីលីដាភីអិលស៊ី សហការជាមួយគណៈកម្មការមូលបត្រកម្ពុជា បានរៀបចំបើកសិក្ខាសាលាស្ដីពី «ឱកាសចំណេញក្នុងការវិនិយោគក្នុងវិស័យមូលបត្រ» នៅថ្ងៃទី២៤ ខែតុលា ឆ្នាំ២០២០នាទីស្នាក់ការកណ្តាលធនាគារ ក្រោមអធិបតីភាព លោកបណ្ឌិត អិុន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី និង លោក ឈុន សម្បត្តិ អគ្គនាយករង នៃគណៈកម្មការមូលបត្រកម្ពុជា។
សិក្ខាសាលានេះ ក៏មានការចូលរួមពីអ្នកនិយោគិន និងសាធារណជនជាច្រើនផងដែរ។
ថ្លែងក្នុងឱកាសបើកសិក្ខាសាលា ស្ដីពី «ឱកាសចំណេញក្នុងការវិនិយោគក្នុងវិស័យមូលបត្រ» លោកបណ្ឌិត អិុន ចាន់នី បានមានប្រសាសន៍ថា តាមរយៈសិក្ខាសាលានេះ លោកអ្នក នឹងបានយល់ដឹងកាន់តែច្បាស់ អំពីឱកាសចំណេញ ក្នុងការវិនិយោគនៅក្នុងវិស័យមូលបត្រ យុទ្ធសាស្ត្រ នៃការជួញដូរមូលបត្រ មូលដ្ឋានគ្រឹះ នៃការវិនិយោគមូលបត្រ បទប្បញ្ញត្តិបច្ចុប្បន្នភាព និងហេដ្ឋារចនាសម្ព័ន្ធទីផ្សារមូលបត្រ ព្រមទាំងវឌ្ឍនភាពរបស់ធនាគារ អេស៊ីលីដា ភីអិលស៊ី។
លោកបានបន្តថា ទីផ្សារភាគហ៊ុនបច្ចុប្បន្ន កំពុងទទួលបានការចាប់អារម្មណ៍ពីសំណាក់សាធារណជន និងវិនិយោគិន។ ពិសេសជាងនេះ ធនាគារ អេស៊ីលីដា ភីអិលស៊ី គឺជាក្រុមហ៊ុនចុះបញ្ជីលក់ភាគហ៊ុននៅក្នុងទីផ្សារមូលបត្រកម្ពុជា ដែលផ្តល់ឱកាសចំណេញយ៉ាងច្រើនដល់វិនិយោគិន តាមរយៈការវិនិយោគទៅលើភាគហ៊ុនរបស់ធនាគារ អេស៊ីលីដា ភីអិលស៊ី ដែលបានដាក់លក់នៅលើផ្សារមូលបត្រកម្ពុជា។ ដូច្នេះ អត្ថប្រយោជន៍ និងយុទ្ធសាស្ត្រ នៃការវិនិយោគមូលបត្រ នឹងបង្ហាញជូនតាមរយៈបទបង្ហាញរបស់វាគ្មិនកិត្តិយស មកពីគណៈកម្មការមូលបត្រកម្ពុជា ក្រុមហ៊ុនផ្សារមូលបត្រកម្ពុជា និងអេស៊ីលីដា ស៊ីឃ្យួរឹធី ភីអិលស៊ី។
លោកសង្ឃឹមយ៉ាងមុតមាំថា នឹងមានវិនិយោគិន និងសាធារណជន ជាច្រើន ចាប់អារម្មណ៍លើការវិនិយោគនៅក្នុងវិស័យមូលបត្រកម្ពុជា និងទាំងចំនួនវិនិយោគិន និងទំហំជួញដូរមូលត្រនៅផ្សារមូលបត្រកម្ពុជា នឹងមានការកើនឡើងជាលំដាប់ បន្ទាប់ពីបញ្ចប់អង្គសិក្ខាសាលានេះ។
លោកសូមថ្លែងអំណរគុណយ៉ាងជ្រាលជ្រៅដល់អតិថិជន វិនិយោគិន និងសាធារណជន ដែលបានចំណាយពេលដ៏មានតម្លៃចូលរួមក្នុងសិក្ខាសាលា ស្តីពី« ឱកាសចំណេញក្នុងការវិនិយោគលើមូលបត្រ»។
លោក ឈុន សម្បត្តិ អគ្គនាយករង នៃគណៈកម្មការមូលបត្រកម្ពុជា បានមានប្រសាសន៍ថា ការយល់ដឹងពីផ្សារហ៊ុននេះ មានសារៈសំខាន់ណាស់ក្នុងការចូលរួមនៅក្នុងផ្សារហ៊ុននេះ ដើម្បីឲ្យដឹងពីវិធីសាស្ត្រក្នុងការជួញដូរទីផ្សារភាគហ៊ុន ធ្វើយ៉ាងណាឲ្យទទួលបានផលចំណេញ។
លោកបានបន្តថា «ទោះមានឱកាសប៉ុណ្ណាក៏ដោយ ក៏ប៉ុន្តែ ប្រសិនបើយើងមិនមានការយល់ដឹង ក៏មិនអាចបាននូវផលប្រយោជន៍ពីឱកាសនោះដែរ។ អីចឹងថ្ងៃនេះ ជាឱកាសល្អដែលវិនិយោគិន និងសាធារណជនដែលបានចូលរួមនេះ ដើម្បីស្រូបយកនូវការយល់ដឹង ពាក់ព័ន្ធនឹងដំណើរការទីផ្សារនិងក្របខណ្ឌ នៃទីផ្សារហ៊ុន»។
គួរបញ្ជាក់ថា ធនាគារអេស៊ីលីដាភីអិលស៊ី បានចុះបញ្ជីមូលបត្រកម្មសិទ្ធិជាផ្លូវការនៅក្នុងក្រុមហ៊ុនផ្សារមូលបត្រកម្ពុជា កាលពីថ្ងៃទី២៥ ខែឧសភា ឆ្នាំ២០២០ ធ្វើឲ្យធនាគារអេស៊ីលីដា ក្លាយជាធនាគារពាណិជ្ជទី១ នៅក្នុងប្រវត្តិសាស្ត្រ ទីផ្សារមូលបត្រនៅកម្ពុជា ដែលបានចុះបញ្ជីលក់មូលបត្រកម្មសិទ្ធិលើទីផ្សារមូលបត្រ៕
ឯកឧត្ដម ហ៊ុន ម៉ានី អញ្ជើញប្រកាសទទួលស្គាល់ និងបញ្ចូលសមាជិកថ្មី គណបក្សប្រជាជនកម្ពុជា ឃុំរលាំងចក ស្រុកសំរោងទង
បណ្ឌិត ហ៊ឺ វីរៈ អញ្ជេីញជាអធិបតីក្នុងពិធីបេីកវគ្គបង្រៀនរបាំត្រុដិ និងរបាំឆៃយ៉ាំ នៅស្រុកកំពង់ត្រឡាច ខេត្តកំពង់ឆ្នាំង
ស្រុកសំឡូតមានសក្ដានុពលផ្នែកកសិកម្ម ៧៧ ភាគរយនៃកំណើនប្រជាពលរដ្ឋទូទាំងស្រុក
កម្មការិនីក្នុងវិស័យកាត់ដេរ៖ រាជរដ្ឋាភិបាល និងក្រសួងការងារ តែងលើកកម្ពស់សិទ្ធិ ឱកាសការងារ និងអត្ថប្រយោជន៍ជាអាទិភាពដល់ស្ត្រីគ្រប់រូប
អ្នកស្រាវជ្រាវសង្គម៖ ស្រ្តីត្រូវបានលើកកម្ពស់នៅក្នុងវិស័យការងារ និងទទួលបានកិច្ចគាំពារពេញលេញ
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
ភ្លៀងលាយខ្យល់កន្ត្រាក់ រលំដើមឈើសង្កត់មនុស្សរងរបួស៣នាក់
ត្រាំ៖ សម្ព័ន្ធភាពរវាងអាមេរិក និងជប៉ុន មិនស្មើភាពគ្នាសោះ
លោក ត្រាំ គំរាមដាក់ទណ្ឌកម្មដ៏ធ្ងន់លើរុស្ស៊ី ដើម្បីឲ្យឈានដល់បទឈប់បាញ់ឆាប់ៗ
ចិន៖ មហាអំណាចធំៗមិនគួរធ្វើបាបប្រទេសទន់ខ្សោយទេ
-
សន្តិសុខសង្គម៥ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៥ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម១០ ម៉ោង agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៥ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ២ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៤ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៣ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៥ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង