នាយកដ្ឋានសុខុមាលភាពសង្គម សម្ដែងការអរគុណចំពោះអង្គការ យិលរិនហ្គារាម ដែលផ្តល់​អំណោយសម្រាប់ជួយដល់ជនងាយរងគ្រោះ

នាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានសម្តែងការអរគុណចំពោះអង្កការសុខុមាលភាពសង្គមយិលរិនហ្គារាមដែលផ្តល់អំណោយសម្រាប់ជួយដល់ជនងាយរងគ្រោះក្នុងបរិបទកូវីដ-១៩ នេះ។ ការសម្ដែងការអរគុណនេះធ្វើឡើងនៅព្រឹកថ្ងៃចន្ទ ២កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៦ ខែធ្នូ ឆ្នាំ២០២១ ខណៈពេលដែលតំណាងខាងអង្គការ សុខុមាលភាពសង្គមយិលរិនហ្គារាម បានឧបត្ថម្ភ អំណោយស្បៀងជួយដល់ជនរងគ្រោះ និងងាយរងគ្រោះក្នុងបរិបទកូវីដ-១៩ ដែលកំពុងតែរាតត្បាតនៅលើពិភពលោកនិងនៅប្រទេសកម្ពុជាផងដែរ។

អំណោយរបស់អង្គការ សុខុមាលភាពសង្គមយិលរិនហ្គារាមដែលបានផ្ដល់មកនាយកដ្ឋានសុខុមាលភាពដើម្បីចែកជូនដល់ជនងាយរងគ្រោះបន្តនោះរួមមាន អង្ករ១តោន ត្រីខ២កេះធំ(២០ដុំ) មី២០កេះតូច ទឹកត្រី២០យួរ ទឹកសុីអ៉ីវ២០យួរ ដល់នាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា ។
ថ្នាក់ដឹកនាំនសយកដ្ឋានសុខុមាលភាពលោក ឈួរ សុខបញ្ញាបានថ្លែងនូវការអរគុណនិងបញ្ចាក់ថា អំណោយទាំងនេះខាងនាយកដ្ឋានទុកសម្រាប់ឧបត្ថម្ភគ្រួសារក្រីក្រ និងមនុស្សចាស់ដែលគ្មានទីពឹង ។ នាយកដ្ឋានសុខុមាលភាពសង្គម សូមថ្លែងអំណរគុណដល់អង្គការក្នុងការចូលរួមចំណែកជួយដល់ជនរងគ្រោះ និងងាយរងគ្រោះក្នុងបរិបទកូវីដ-១៩ នេះ៕

អត្ថបទ៖ វិមាន