ព័ត៌មានជាតិ
មន្ទីរបរិស្ថានខេត្តកំពង់ឆ្នាំង នាំខ្លួនអ្នកទន្ទ្រានដីព្រៃ ២ នាក់ទៅអយ្យការអមសាលាដំបូង
កម្លាំងសមត្ថកិច្ចជំនាញបរិស្ថានខេត្តកំពង់ឆ្នាំង បាននាំខ្លួនប្ដីប្រពន្ធ២នាក់ដែលពាក់ព័ន្ធក្នុងករណីកាប់ទន្ទ្រានដីព្រៃរបស់រដ្ឋកន្លងមក ដែលធ្លាប់អប់រំរួចម្ដងទៅហើយ ប៉ុន្ដែនៅតែបន្តសកម្មភាពត្រូវបានសមត្ថកិច្ចនៃមន្ទីរបរិស្ថានខេត្តកំពង់ឆ្នាំងបានធ្វើការនាំខ្លួនប្រគល់ជូនអយ្យការអមសាលាខេត្តកំពង់ឆ្នាំងនៅព្រឹកថ្ងៃទី០៦ ខែធ្នូ ឆ្នាំពជ២០២១នេះ ។
មន្ត្រីជំនាញបានឲ្យដឹងថា ការនាំខ្លួន២នាក់ប្ដីប្រពន្ធខាងលើមកប្រគល់ជូនអយ្យការអមសាលាដំបូងខេត្តកំពង់ឆ្នាំង បានធ្វើឡើងតាមដីកាបញ្ជាលេខ២៧៤១អ.ក / ២១ និងលេខ ២៧៤២.អក/២១ ចុះថ្ងៃទី២៩ ខែវិច្ឆិកា ឆ្នាំ២០២១ របស់អយ្យការសាលាដំបូងខេត្តកំពង់ឆ្នាំង ។
ប្ដីប្រពន្ធទាំងពីរនាក់ដែលបាននាំខ្លួនក្នុងករណីខាងលើនេះមាន១. ឈ្មោះ ជុំ ពិសិដ្ឋ ហៅលោកគ្រូសិដ្ឋ ភេទប្រុសអាយុ៤៩ឆ្នាំ និងទី២. ឈ្មោះ ក្រឹង មាលា ភេទស្រីអាយុ៥២ឆ្នាំ មានទីលំនៅភូមិពោធិ៍ ឃុំពោធិ៍ ស្រុកកំពង់លែងខេត្តកំពង់ឆ្នាំង។
សមត្ថកិច្ចបានបញ្ជាក់ថា កន្លងមកយោងតាមសេចក្តីរាយការណ៍ពីប្រជាពលរដ្ឋថា ឈ្មោះ ជុំ ពិសិដ្ឋ (ហៅគ្រូសិដ្ឋ) នេះមានតួនាទីជានាយកសាលាបឋមសិក្សាសំរោងកង្រី បុគ្គលរូបនេះមិនដឹងជាសំអាងអ្វី ឬមានអ្នកនៅក្រោយនោះទេ បានឲ្យប្រជាពលរដ្ឋចូលទៅកាប់រានដីព្រៃសហគមន៍ ហើយខ្លួនគេជាអ្នកឈរទិញ ក្នុង១ហិកតាចាប់ពី៤៥០០ដុល្លារទៅ៥០០០ដុល្លារ ។ចំណែកដីព្រៃបរិស្ថានដែលប្រជាពលរដ្ឋចូលទៅកាប់រានយកលក់ឲ្យលោក ជុំ ពិសិដ្ឋ ស្ថិតនៅក្នុងចំណុចភ្នំតូច , ភ្នំឃា , ត្រពាំងដំរី ដែលជាតំបន់ជាប់គ្រប់គ្រងដោយបរិស្ថាន ស្ថិតនៅភូមិពោធិ៍ ឃុំពោធិ៍ ស្រុកកំពង់លែង ខេត្តកំពង់ឆ្នាំង។ ក្នុងសកម្មភាពកាប់រានដីព្រៃ និងឈរទិញដីព្រៃនេះ យោងតាមការបញ្ចាក់ពីលោក ជុំ ពិសិដ្ឋ បាននិយាយអះអាងជាមួយប្រជាពលរដ្ឋជាអ្នកកាប់រានដីព្រៃនោះថា លោកគ្រូសិដ្ឋ ជាអ្នកឲ្យកាប់ ។
តាមប្រភពព័ត៌មានមួយទៀតបានឲ្យដឹងថា កន្លងមកកាលពីលោក ជុំ ពិសិដ្ឋ នេះជាអ្នកឈរឈ្មោះទិញដី និងជាអ្នករៀបដីឲ្យអ្នកធំក្នុងខេត្តម្នាក់នៅចំណុចភ្នំដីខាងជើងបឹងអាលំជីងចក់ ជាដីជាប់តំបន់២ និងតំបន់៣ ដែលស្ថិតនៅភូមិដំណាក់កកោះ ឃុំពោធិ៍ ស្រុកកំពង់លែងគឺមាន រាប់សិបហិកតា តែពេលនេះលោក ជុំ ពិសិដ្ឋ មិនដឹងជាលក់ដីនៅតំបន់ក្នុងដែនបរិស្ថានខាងលើនេះឲ្យទៅអ្នកណាខ្លះនោះទេ៕
អត្ថបទ៖ ឈៀងថារិទ្ធ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ