ព័ត៌មានជាតិ

ហាងគុយទាវនៅច្បារអំពៅមានភាពស្ងាត់ជ្រងំ ក្រោយផ្ទុះជំងឺកូវីដច្រើន

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

ហាងគុយទាវ លក់បាយ និងកាហ្វេភាគច្រើន នៅខណ្ឌច្បារអំពៅ រាជធានីភ្នំពេញ មានភាពស្ងាត់ជ្រងំ ដោយសារតែប្រជាពលរដ្ឋ មិនចេញពីផ្ទះ ព្រោះខ្លាចឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីម្ចាស់ហាងគុយទាវ បាននិយាយថា នៅព្រឹកថ្ងៃទី៦ ខែធ្នូនេះ កុំថាតែហាងដែលគ្មានម៉ូយ សូម្បីតែហាងដែលធ្លាប់តែមានម៉ូយចូលពិសាណែនណាន់តាន់តាប់បែរជាស្ងាត់ជ្រងំខុសប្លែកពីម្សិលមិញមានភ្ញៀវមកពិសាគួរសម។ ថៅកែហាងដដែលបន្តថា នេះគឺដោយសារតែបងប្អូនប្រជាពលរដ្ឋមិនចេញពីផ្ទះ ព្រោះភ័យខ្លាចឆ្លងជំងឺកូវីដនេះឯង។

តាមការអះអាងពីលោក ពៅ ហួត ចៅសង្កាត់ច្បារអំពៅទី១ បានឲ្យដឹងថា នៅហាងលក់ដូរនៅក្នុងភូមិសាស្ត្រសង្កាត់របស់លោក មិនសូវមានភ្ញៀវចូលពិសាក្នុងហាងនោះទេ ដែលភាគច្រើន គឺទិញយកទៅផ្ទះ។ កុំថាតែហាងគុយទាវកាហ្វេ សូម្បីតែផ្ទះលក់ចាប់ហួយក៏ស្ងាត់ផងដែរ។

ក្នុងនោះលោកយ៉ិន វុធ ចៅសង្កាត់ច្បារអំពៅទី២ បានឲ្យដឹងថា ថ្ងៃនេះនៅតាមហាងលក់ដូរមានការស្ងប់ស្ងាត់។ ចំណែកក្នុងផ្សារវិញ គឺឃើញមានតែអ្នកលក់ ចំណែកអ្នកទិញ គឺថយចុះប្រមាណជា៥០ភាគរយ ហើយក្នុងនោះអាជ្ញាធរក៏ដូចជាប្រធានគ្រប់ផ្សារច្បារអំពៅទាំងផ្សារលើនិងផ្សារច្បារអំពៅក្រោម បានចុះទៅចែកម៉ាស់និងណែនាំដល់បងប្អូនអាជីវករឲ្យលាងសំអាតដៃ ដោយសាប៊ូនឹងអាកុល ក្នុងថ្ងៃនេះដែរ គឺបងប្អូនដែលចេញចូលក្នុងផ្សារព្រមទាំងប្រជាពលរដ្ឋលោកនាំគ្នាពាក់ម៉ាសគ្រប់ៗគ្នា។

គួររំលឹកថា ចាប់តាំងពីផ្ទុះជំងឺកូវីដ១៩មានទ្រង់ទ្រាយជាសហគមន៍ ដែលក្នុងនោះអ្នករស់នៅច្បារអំពៅ មានជាប់ពាក់ព័ន្ធនឹងជំងឺនេះមក ធ្វើឲ្យមានការស្ងប់ស្ងាត់ចាប់តាំងពីពេលថ្ងៃទី២៨ខែវិច្ឆិការហូតមកដល់ថ្ងៃទី៦ខែធ្នូនេះ តែម្តង៕

អត្ថបទ៖ នរា

សូមចុចអាន៖ មានអ្នក Share ច្រើន ខ្លាចនាំគ្រោះថ្នាក់ ក្រសួងសុខាភិបាលប្រកាស កុំឲ្យជឿវិធីព្យាបាលកូវីដ-១៩ បែបបុរាណ