ព័ត៌មានជាតិ
ច្បាប់ សាសនា នឹងក្លាយជាអំណាចរួម ធានាការប្រព្រឹត្តគ្រប់ជំនឿ មានសុខដុមនីយកម្ម
លោក សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនា មានប្រសាសន៍ថា ការបង្កើតច្បាប់ស្តីពីការគ្រប់គ្រងសាសនានៅ កម្ពុជា ធ្វើឡើងក្នុងគោលបំណង ធានាដល់ការអនុវត្តការងារលើកិច្ចការសាសនានៅ កម្ពុជាឱ្យមានប្រសិទ្ធភាព និងមានសុខដុមនីយកម្ម ព្រមទាំងដើម្បីលើកតម្លៃសាសនាទាំងអស់នៅ កម្ពុជា។ ច្បាប់នេះ នឹងក្លាយជាអំណាចរួម ជាអំណាចរដ្ឋបាល ដើម្បីធានាដល់ការប្រព្រឹត្តទៅ នៃជំនឿសាសនារបស់ប្រជាពលរដ្ឋកម្ពុជា បើទោះបីជាសាសនានីមួយៗ មានបទបញ្ញត្តិ ឬ ធម៌វិន័យរៀងៗខ្លួន សម្រាប់អនុវត្តផ្ទាល់ហើយក្ដី។
លោក សេង សុមុនី មានប្រសាសន៍ប្រាប់ “កម្ពុជាថ្មី” នៅ រសៀលថ្ងៃទី ៨ ខែធ្នូ នេះថា លោក ឈិត សុខុន រដ្ឋមន្ត្រីក្រសួងធម្មការ និងសាសនា បានដឹកនាំកិច្ចប្រជុំពិភាក្សា និងប្រមូលធាតុចូល សេចក្តីព្រាងច្បាប់ស្តីពី សាសនាក្នុងព្រះរាជាណាចក្រកម្ពុជា ដោយមានការចូលរួមពិភក្សា ពីគ្រប់សាសនានៅ កម្ពុជា ទាំងព្រះពុទ្ធសាសនា គ្រឹស្ដសាសនា ឥស្លាមសាសនា និងសាសនាមួយចំនួនទៀត ដើម្បីផ្ដល់គំនិត និងយោបល់ ធ្វើយ៉ាងណាឱ្យសាសនាទាំងអស់ អាចរួមរស់ និងអនុវត្តតាមគោលការណ៍សាសនានីមួយៗដោយសន្តិភាព នៅ លើទឹកដីនៃព្រះរាជាណាចក្រកម្ពុជា។
អ្នកនាំពាក្យក្រសួងធម្មការ និងសាសនា ខាងលើបានបញ្ជាក់ថា តាមរយៈការប្រមូលធាតុចូល និងពិភាក្សាក្នុងការចងក្រងសេចក្ដីព្រាងច្បាប់ សាសនា កន្លងមកនេះ គឺមានភាពផុសផុលគ្រប់មាត្រា ដោយមិនមានការប្រទាំងប្រទើសគ្នានោះទេ ហើយក្នុងនោះក៏បានគិតគូរដល់ សាសនា របស់ជនជាតិដើមភាគតិចនៅ កម្ពុជាផងដែរ។ លោកមានសេចក្ដីរំពឹងថា ច្បាប់នេះនឹងចេញជាផ្លូវការនាពេលដ៏ខ្លីខាងមុខនេះ។
គួររំលឹកថា កាលពីថ្ងៃទី ២៨ ខែកុម្ភៈ ឆ្នាំ ២០២០ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានរិះគន់ចំពោះព្រះសង្ឃពុទ្ធសានាមួយចំនួននៅកម្ពុជា ដែលទេសនាបែបកម្លែង ដែលអាចធ្វើឱ្យប៉ះពាល់ដល់តម្លៃព្រះពុទ្ធសាសនា និងជំនឿរបស់ប្រជាពលរដ្ឋខ្មែរ ខណៈដែលបុគ្គលសង្ឃមួយចំនួននាពេលកន្លងមក ក៏ត្រូវបានគេរិះគន់ថា បានប្រព្រឹត្តខុសធម៌វិន័យព្រះពុទ្ធសាសនា។
យោងតាមរដ្ឋធម្មនុញ្ញកម្ពុជាមាត្រា ៤៣ បានចែងថា ព្រះពុទ្ធសាសនាជាសាសនារបស់រដ្ឋ។ ប៉ុន្តែ ប្រជាពលរដ្ឋខ្មែរទាំងពីរភេទ មានសិទ្ធិសេរីភាពពេញទីខាងជំនឿសាសនា។ សេរីភាពខាងជំនឿ និងការប្រតិបត្តិខាងផ្លូវសាសនា ត្រូវបានរដ្ឋធានាក្នុងលក្ខខ័ណដែលមិនប៉ះពាល់ដល់ជំនឿ ឬសាសនាដទៃទៀត ដល់សណ្តាប់ធ្នាប់ និងដល់សន្តិសុខសាធារណៈ។
គួរបញ្ជាក់ថា បច្ចុប្បន្ននេះ ប្រជាពលរដ្ឋកម្ពុជា ៩៥% ជាអ្នកគោរពប្រតិបត្តិព្រះពុទ្ធសាសនា ៣%ជាអ្នកប្រតិបត្តិឥស្លាមសាសនា ១% ជាអ្នកប្រតិបត្តិគ្រឹស្តសាសនា និង១%ទៀត គឺជាអ្នកគោរព និងប្រតិបត្តិលើសាសនានិងជំនឿផ្សេងៗ៕
អត្ថបទ៖ ច័ន្ទ វីរៈ
ត្រាំ ប្រកាសផលិតយន្តហោះចម្បាំងជំនាន់ទី៦ «F-47» ខ្លាំងគ្មានគូផ្ទឹម លើលោក
តួអង្គត្រូវព្រាយសណ្ឋិត ក្នុងរឿងខ្នាតធំថ្មីដែលទើបចេញផ្សាយរបស់ LD កំពុងផ្ទុះការចាប់អារម្មណ៍
គោរមៈ ច័ន្ទរាជ្យ សរសើរ យ៉ាស៊ីន និង មហាម៉ាត់ បើមាននិស្ស័យគង់មានថ្ងៃជួបគ្នាទេ
អនុប្រធានទី១រដ្ឋសភាជំរុញការពង្រឹងអធិបតេយ្យជាតិតាមរយៈការចាយប្រាក់រៀល
អនុប្រធានរដ្ឋសភា ស្នើអាជ្ញាធរចុះអប់រំពលរដ្ឋពីសុវត្ថិភាពអាហារ និងធ្វើលំហាត់ប្រាណ
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
គណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
អង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក
សម្ដេច ហ៊ុន សែន ថា សម្ដេច ស ខេង ជាស៊ីវិល ទើបមិនផ្ដល់ផ្កាយ៥
លោក ស សុខា ឱ្យបណ្ដុះទឹកចិត្តយុវជនឱ្យហ៊ានចេញការពារជាតិ ទឹកដី បើថ្ងៃណាមួយសត្រូវឈ្លានពានកម្ពុជា
-
KPT+៦ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ៤ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៤ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម១ សប្តាហ៍ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៣ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ១ សប្តាហ៍ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៧ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
ព័ត៌មានជាតិ៣ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ