មិនត្រឹមបំបែកកំណត្រា បទ​«Time To Rise» ជាប់​លេខ​១​«Best Videos of 2021»

ភ្នំពេញ៖ អ្នកគាំទ្រធ្លាប់ដឹងហើយថាស្នាដៃបទចម្រៀងដំបូងដែលពុំធ្លាប់មានរបស់តារារ៉េប វណ្ណដា ដែលបានចាប់ដៃគូជាមួយលោកតា គង់ណៃ ក្នុងបទចម្រៀងមានចំណង់ជើងថា“ Time to Rise “កាលពីកន្លងទៅ បានផ្ទុះការគាំទ្រខ្លាំងលើស្រទាប់មហាជនទូទៅ ។

លើសពីនេះទៀតតាមរយ:បទ“Time to Rise “កាលនោះក៏បំបែកកំណត់ត្រាក្នុងរយៈពេលត្រឹម តែ២២ម៉ោងនិង៥៥នាទីមានអ្នកចូលទស្សនា១ លានដងឯណោះ។ តួយ៉ាងបើសង្កេតមកដល់ពេលនេះ MV នៃបទ«Time to Rise» ក៏នៅ តែដក់ជាប់ក្នុងបេះដូងមហាជនទាំងក្មេង-ចាស់ ព្រោះបទនេះបានបង្ហាញនូវស្នាដៃរួមបញ្ជូលគ្នារវាងតន្ត្រីស ម័យនិងបុរាណដោយមានទាំងចាប៉ីដងវែងទៀតផង។

ដោយឡែកនៅ ថ្ងៃទី០៩ខែធ្នូ ឆ្នាំ២០២១ ក៏ស្រាប់តែផលិតកម្ម បារមី បានបង្ហោះសារធ្វើឱ្យអ្នកគាំទ្រមានការភ្ញាក់ផ្អើលជាថ្មីដោយសារតែMV «Time to Rise» របស់ វណ្ណដា និង ព្រឹទ្ធាចារ្យលោកតា គង់ ណៃ ត្រូវបានជាប់ចំណាត់ថ្នាក់លេខ១ «Best Vid eos of 2021» ដែលជ្រើសរើសដោយ LiFT ED Asia។ 

នៅ លើទំព័រផេកផ្លូវការរបស់ផលិតកម្មបារមីបានអបអរសាទរ Vann Da – វណ្ណដា និងលោកគ្រូព្រឹទ្ធាចារ្យ គង់ ណៃ ព្រមទាំងវីដេអូច ម្រៀង”Time To Rise”ដែលត្រូវបានជាប់ចំណាត់ថ្នាក់លេខ១ “Best Videos of 2021” ដែលជ្រើសរើសដោយ LiFTED Asia។ អរគុណធំៗទៅ កាន់ហ្វេនទាំងអស់ សម្រាប់ការទស្សនា៨០លានដង។ 

បទចម្រៀងនេះដែរ បានបង្កត់នូវអត្ថន័យយ៉ាងជ្រាលជ្រៅ ផ្ញើរសារដាស់តឿនស្មារតីអប់រំដល់កូនខ្មែរគ្រប់រូប ខណ:ក៏មានការច្របាច់បញ្ចូលគ្នា ដោយលាយឡំជាមួយឧបករណ៍ភ្លេងខ្មែរយ៉ាងសម្បូរបែប ព្រមទាំងរូបភាពត្រជាក់ភ្នែកជាច្រើន។ អ្វីដែលពិសេសនោះថែមទាំងមានវត្តមានព្រឹទ្ធិចារ្យចាប៉ីដងវែងលោកតា គង់ ណៃទៀតផង៕

អត្ថបទ៖ ចាន់រ៉ា