ណាហ្គាវើលដ៍ ឈ្នះពានរង្វាន់ “ក្រុមហ៊ុនឆ្នើមដែលយកចិត្តទុកដាក់ទៅលើសង្គម” និង “ឧត្តមភាពបរិស្ថាន” សម្រាប់សកម្មភាព និងគំនិតផ្តួចផ្តើមដែលផ្តល់ប្រយោជន៍ដល់សហគមន៍ ដែលមានជីវភាពខ្វះខាតនៅកម្ពុជា

ណាហ្គាវើលដ៍ (Naga World) បានទទួលពានរង្វាន់ Social Caring Pledge (SCP) ដ៏មានកិត្យានុភាព​ចំនួន ២ ចំពោះសកម្មភាព និងគំនិតផ្តួចផ្តើមការងារសង្គម ដែល​ផ្តល់​ប្រយោជន៍​ដល់​សហគមន៍​កំពុងមានជីវភាព​ខ្វះខាត​ក្នុងប្រទេស​កម្ពុជា​។

​ណាហ្គា​វើ​លដ៍​បេះដូង​សប្បុរស ​ដែលជា​ផ្នែក​ការងារ​សង្គម​របស់​ក្រុមហ៊ុន​ណាហ្គា​វើ​លដ៍​ បានធ្វើ​សកម្មភាព​ជាង​ ៥៥០​ មកដល់​បច្ចុប្បន្ន ​ដោយ​ផ្តោតទៅលើ​ការលើកកម្ពស់​វិស័យ​អប់រំ​ការផ្សារភ្ជាប់​ជាមួយ​សហគមន៍ ការអភិវឌ្ឍ​វិស័យ​កីឡា និង​ការ​គាំពារ​បរិស្ថាន​។​

ណាហ្គាវើលដ៍ (Naga World) បានទទួលពានរង្វាន់ Social Caring Pledge (SCP) ដ៏មានកិត្យានុភាព​ចំនួន ២ ចំពោះសកម្មភាព និងគំនិតផ្តួចផ្តើមការងារសង្គម ដែលផ្តល់ប្រយោជន៍​ដល់​សហគមន៍​កំពុងមានជីវភាពខ្វះខាតក្នុងប្រទេសកម្ពុជា ណាហ្គា​វើ​លដ៍​(Naga World)​គឺជា​បុត្រ​សម្ព័ន្ធ​នៃ​ក្រុមហ៊ុន​ណាហ្គា​ខ​ប​លី​មី​ធី​ត​(NagaCorpLtd.)​ដែល​បាន​ចុះបញ្ជី​ផ្សារភាគហ៊ុន​នៅ​ទីក្រុង​ហុងកុង​ដែល មាន​លេខ​កូដ SEHK stockcode:3918 និង​ជា​ម្ចាស់​គ្រប់គ្រង ​និង​ប្រតិបត្តិការ​មណ្ឌល​កម្សាន្ត​ចម្រុះ​លំដាប់​ពិភពលោក​តែមួយគត់ ​នៅ​រាជធានី​ភ្នំពេញ​ក្នុងប្រទេស​កម្ពុជា​។

ត្រូវបាន​រៀបចំ​ដោយ ​រាជបណ្ឌិតសភា​ស្រាវជ្រាវ​សហគ្រាស​សង្គម​(SERA)​កម្មវិធី​ប្រគល់​ពានរង្វាន់​លើក​ទី​ ១២ នេះ បាន​រកឃើញ​ក្រុមហ៊ុន​ចំនួន​ ៤១ ​ដែល​បានឈ្នះ​ពានរង្វាន់​នៅក្នុង​ផ្នែក​ចំនួន​៩​ផ្សេងៗ​គ្នា​។​ SERA​ក៏បាន​ប្រគល់​ពានរង្វាន់​ដល់​អ្នកដឹកនាំ​ចំនួន​ ៥៥ ​រូប​ ដែល​មកពី​ស្ថាប័ន​ផ្សេងៗ​គ្នា​ចំពោះ​ការចូលរួម​ជួយ​ដល់​សង្គម និង​ជំនាញ​វិជ្ជាជីវៈ​របស់​ពួកគេ​ផងដែរ​។

​ណាហ្គា​វើ​លដ៍ បានឈ្នះ​ពានរង្វាន់ “​ក្រុមហ៊ុន​ឆ្នើម​ដែល​យកចិត្តទុកដាក់​ទៅលើ​សង្គម​” និង​ពានរង្វាន់ “​ឧត្តមភាព​បរិស្ថាន​”​។ ពានរង្វាន់ “​ក្រុមហ៊ុន​ឆ្នើម​ដែល​យកចិត្តទុកដាក់​ទៅលើ​សង្គម​” ត្រូវបាន​ផ្តល់​ដល់​ក្រុមហ៊ុន​ណា​ដែលមាន​សកម្មភាព​ធុរកិច្ច​រឹងមាំ​ឋិតថេរ និង ជួយ​ដល់​សង្គមជាតិ ដែល​ស្របទៅនឹង​គោលការណ៍​សង្គម​ចំនួន ៦ ចំណុច គឺ​ការការពារ​បរិស្ថាន ការ​ប្រឆាំងនឹង​ការរើសអើង ពលកម្ម​ដែល​គ្មាន​ការបង្ខិតបង្ខំ​ការផ្តល់​ត្រឡប់​ទៅ​ឲ្យ​សហគមន៍​ការប្រឆាំង​អំពើពុករលួយ និង​សុវត្ថិភាព និង​គុណភាព​។ ចំណែកឯ ពានរង្វាន់ “​ឧត្តមភាព​បរិស្ថាន​” ផ្តល់​ទៅ​ឲ្យ​ក្រុមហ៊ុន​ណា​ដែល​ធ្វើ​សមាហរណកម្ម​នៃ​សកម្មភាព​បរិស្ថាន​ទៅជា​យុទ្ធសាស្ត្រ​អភិវឌ្ឍ​ប្រកបដោយ​និរន្តរភាព និង​ផ្តល់​ប្រយោជន៍​ផ្នែក​ធុរកិច្ច​របស់ខ្លួន​ទៅដល់​សហគមន៍​។

​លោក សន តាន់ (Sean Tan) ដែលជា​នាយក​ប្រតិបត្តិ​ផ្នែក​ហិរញ្ញវត្ថុ​របស់​ក្រុមហ៊ុន​ណាហ្គា​វើ​លដ៍ បាន​អញ្ជើញ​ទៅ​ទទួល​ពានរង្វាន់​តំណាង​ឲ្យ​ក្រុមហ៊ុន​ នៅក្នុង​ពិធី​ប្រគល់​ពានរង្វាន់​ប្រចាំ​តំបន់​អាស៊ី​ដែល​បាន​ធ្វើឡើង​នៅ​មជ្ឈមណ្ឌល​សន្និបាត និង​តាំងពិព័រណ៍​ហុងកុង​កាលពី​ថ្ងៃទី​ ២២ ខែវិច្ឆិកា​ក្នុងឆ្នាំនេះ​។ លោក Sean Tan បាន​ឲ្យ​ដឹងថា “​យើង​ពិតជា​ដឹងគុណ និង​សូម​ថ្លែងអំណរគុណ​ចំពោះ​ការផ្តល់​ពានរង្វាន់​ធំ​ទាំងពីរ​នេះ ​ដែល​ទទួលស្គាល់​សកម្ម​ភាព​សង្គម​ ដែល​ធ្វើឡើង​ដោយ​បុគ្គលិក​ស្ម័គ្រចិត្ត​នៃ​ផ្នែក​ការងារ​សង្គម​របស់​យើង​ចាប់តាំងពី​ឆ្នាំ​ ២០១៤”​។

​លោក​ក៏បាន​បន្ថែម​ផងដែរ​ថា “​ប្រជាពលរដ្ឋ និង​យុវជន​ជាង ៤២០.០០០ នាក់​ក្នុងប្រទេស​កម្ពុជា​បានទទួល​ប្រយោជន៍​ពី​កម្មវិធី​ការងារ​សង្គម​របស់​យើង ខណៈ​បុគ្គលិក​ណាហ្គា​វើ​លដ៍​ជាង ៤.៤០០ នាក់ បាន​ស្ម័គ្រចិត្ត និង​ចំណាយពេល​សរុប ២៦.៨១២ ម៉ោង​ដើម្បី​ចុះជួយ​នៅតាម​សហគមន៍​។ ពាក្យស្លោក​របស់​យើង គឺ “​យើង​បម្រើ​កម្ពុជា​” ហើយ​យើង​តែងតែ​ទុក​វា​ក្នុង​ចិត្ត និង​បេះដូង​របស់​យើង​ជានិច្ច​។ រាល់​គម្រោង​ក្នុងពេល​អនាគត​របស់​យើង នឹង​ជួយ​លើកកម្ពស់​សង្គម​កម្ពុជា និង​បំពេញ​ចន្លោះ​ដែល​ខ្វះខាត​”៕​