Connect with us

ព័ត៌មានជាតិ

ក្រសួងសាធារណៈការ​ គ្រោង​សាងសង់​ស្ថានីយជញ្ជីង​អចល័ត​ថ្មី​ចំនួន​២ទីតាំង​បន្ថែមទៀត​

បានផុស

នៅ

ក្រសួងសាធារណៈការ និងដឹកជញ្ជូន គ្រោងសាងសង់ស្ថានីយជញ្ជីងអចល័តថ្មីចំនួន ២ទីតាំងបន្ថែមទៀត នៅ ខេត្តមណ្ឌលគិរី និងខេត្តកោះកុង ក្នុងឆ្នាំ ២០២២ ខាងមុខនេះ ដើម្បីទប់ស្កាត់សកម្មភាពដឹកជញ្ជូនលើសទម្ងន់កម្រិតកំណត់ ខណៈបច្ចុប្បន្ននៅ ទូទាំងប្រទេសស្ថានីយជញ្ជីងអចល័តចំនួន៣៣ទីតាំង។ នេះបើតាមការបញ្ជាក់របស់ លោក ឯក រដ្ឋ អនុរដ្ឋលេខាធិការក្រសួងសាធារណៈការនិងដឹកជញ្ជូន នៅ ថ្ងៃទី ១០ ខែធ្នូ ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឯក រដ្ឋ បានបន្តថា ដើម្បីទប់ស្កាត់សកម្មភាព ដឹកជញ្ជូនលើសទម្ងន់កម្រិតកំណត់ ក្រសួងសាធារណៈការ និងដឹកជញ្ជូន នឹងបន្តផ្សព្វផ្សាយ ពន្យល់ណែនាំដល់ម្ចាស់យានយន្ត ម្ចាស់អាជីវកម្មដឹកជញ្ជូន ការដ្ឋានអាជីវកម្មកិនថ្ម ដេប៉ូខ្សាច់ រណ្តៅ ដី និងសាធារណជនទាំងអស់ ឱ្យបានជ្រាបកាន់តែទូលំទូលាយ អំពីបទដ្ឋានច្បាប់នានា ហើយរំពឹងថាសកម្មភាពដឹកជញ្ជូនលើសទម្ងន់កម្រិតកំណត់ នឹងមានការថយចុះ។

យោងតាមរបាយការណ៍នៃការអនុវត្តការងារត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ដែលសម្រេចបានក្នុងរយៈពេល ១១ខែ ក្នុងឆ្នាំ២០២១ យានយន្តចំនួនជិត៧៤ម៉ឺនគ្រឿង ត្រូវបានក្រសួងសាធារណៈការ និងដឹកជញ្ជូន រកឃើញថា បានដឹកជញ្ជូនលើសទម្ងន់កម្រិតកំណត់ ក្នុងនោះយានយន្តផ្ទុកលើសក្នុងកម្រិតអនុគ្រោះមាន ចំនួន ៧៣៦ ៧៣៥ គ្រឿង និងយានយន្តលើសទម្ងន់កម្រិតកំណត់ដែលបានពិន័យមានចំនួន ២៨០៣គ្រឿង។

កាលពីឆ្នាំ២០២០ ក្រសួងសាធារណៈការ បានរកឃើញយានយន្តដឹកលើសទម្ងន់កម្រិតកំណត់ចំនួន៥៨៦ ១០៣គ្រឿង ក្នុងនោះយានយន្ត ផ្ទុកលើសទម្ងន់ក្រោម ៥ភាគរយមានចំនួន៥៨២ ៨១៤គ្រឿង យានយន្តផ្ទុកលើសទម្ងន់ពី ៥ភាគរយទៅ ១០ភាគរយ ចំនួន ៧៩គ្រឿង យានយន្តផ្ទុកលើសទម្ងន់ពី ១០0ភាគរយទៅ ២០ភាគរយ ចំនួន ២ ១៦៦ គ្រឿង និងយានយន្តផ្ទុកលើសទម្ងន់លើសពី ២០ភាគរយ ចំនួន ១ ០៤៤គ្រឿង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២០ ម៉ោង មុន

ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន

ព័ត៌មានអន្ដរជាតិ១៩ ម៉ោង មុន

អ៊ុយក្រែន ថា សង្គ្រាម​បាន​បំផ្លាញ​អាកាសយានដ្ឋាន​ស៊ីវិល​របស់ខ្លួនស្ទើរ​តែ​អស់​​

ព័ត៌មានជាតិ២៣ ម៉ោង មុន

ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន

នយោបាយ២២ ម៉ោង មុន

អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ

សន្តិសុខសង្គម១៧ ម៉ោង មុន

ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន

Sokha Hotels

ព័ត៌មានពេញនិយម