ព័ត៌មានជាតិ

ទិដ្ឋភាពតំបន់ Pubstreet នៅស្ងប់ស្ងាត់ ខណៈអាជីវកម្មជាច្រើនបន្តបិទទ្វារ

បានផុស

៣ years មុន

នៅ

ថ្ងៃចន្ទ ១៣ ធ្នូ ២០២១

ដោយ

សៀមរាប៖ ស្ថានភាពនៅ តំបន់ Pubstreet នៅ ក្រុងសៀមរាប ពេលនេះមិនទាន់មានការប្រែប្រួលច្រើនទេ។ ហាងលក់ដូរជាច្រើននៅ បន្តបិទទ្វារ ខណៈដងផ្លូវជុំវិញកំពុងសាងសង់មិនទាន់រួចរាល់នៅ ឡើយ។

លោកស្រី ថៃ សំ អាត ដែលជាម្ចាស់មណ្ឌលកំសាន្តមួយកន្លែងនៅ តំបន់ Pubstreet បានបិទទ្វារជាងមួយឆ្នាំមកហើយ។ ម្ចាស់អាជីវកម្មមួយនេះ នៅ មិនទាន់មានគម្រោងទៅ សុំច្បាប់អនុញ្ញាតិបើកឡើងវិញនៅ ឡើយទេ ដោយសារពុំទាន់មានភ្ញៀវ ហើយណាមួយការដ្ឋានធ្វើផ្លូវក៏បង្កផលការរំខានដល់ការធ្វើអាជីវកម្ម។

ចំណែកអាជីវករលក់គ្រឿងអនុវស្សាវរីយ៏នៅ ផ្សារចាស់ឈ្មោះ ធី ណាត ប្រាប់ថា អាជីវកម្មរបស់លោកក៏មិនទាន់បើកឡើងវិញនៅ ឡើយ ដោយរង់ចាំមើលស្ថានភាពលំហូរភ្ញៀវទេសចរ និងគម្រោងផ្លូវទាំង ៣៨ ខ្សែ បញ្ចប់ទាំងស្រុងនៅ ពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ង៉ូវ សេងកាក់ ប្រធានមន្ទីរទេសចរខេត្តសៀមរាបបានឲ្យដឹងថា ក្នុងបណ្តាភោជនីយដ្ឋាននិងអាហារដ្ឋានជិត ២០០ កន្លែងនៅ តំបន់ Pubstreet មានខ្លះដំណើរការ តែភាគច្រើនបន្តផ្អាកនៅ ឡើយ។

លោក ង៉ូវ សេងកាក់ បានឲ្យដឹងថា ដោយឡែកមណ្ឌលកំសាន្តមនុស្សពេញវ័យនៅ ក្នុងខេត្តសៀមរាប ក៏បានអនុញ្ញាតិឲ្យបើកជាបណ្តើរៗដែរហើយ តែភាគច្រើនមិនទាន់មកសុំច្បាប់អនុញ្ញាតិនៅ ឡើយ។ ប្រហែលនៅ ឆ្នាំ២០២២ខាងមុខនេះ ស្ថានភាពអាជីវកម្មអាចវិលត្រឡប់មកធម្មតាវិញ ស្របពេលដែលរដ្ឋាភិបាលអនុញ្ញាតិឲ្យបើកជើងហោះហើរឡើងវិញ និងការដ្ឋានស្ថាបនាផ្លូវទាំង ៣៨ ខ្សែបញ្ចប់រួចរាល់ទាំងស្រុង។

ទាក់ទិនការអនុញ្ញាតិឲ្យអាជីវកម្មបើកដំណើរការឡើងវិញ បើតាមលោកប្រធានមន្ទីរខេត្តសៀមរាបក៏នឹងមានការរឹតបន្តឹងសុវត្ថិភាពដោយផ្អែកលើស្ថានភាពនៃបញ្ហាកូវីដ។ កន្លែងអាជីវកម្មមានលក្ខណៈជួបជុំ តម្រូវឲ្យមានការរក្សាគម្លាត និងបង្ហាញកាតចាក់វ៉ាក់សាំង និងរួមទាំងការអនុវត្តស្តង់ដាសុវត្ថិភាព តាមការណែនាំរបស់ក្រសួងសុខាភិបាល៕

អត្ថបទ៖ គឿនវេត

Related Topics:ខេត្តសៀមរាប