ព័ត៌មានជាតិ
មកស្គាល់កូនប្រុសទាំងពីរនាក់សម្តេចពិជ័យសេនា ទៀ បាញ់
ក្នុងសៀវភៅ “ជនដែលត្រូវគេបាញ់” បានបង្ហាញពីប្រវត្តិនៃការតស៊ូរបស់សម្តេចពិជ័យសេនា ទៀ បាញ់ កាលពីកុមារភាពដើម្បីរួចផុតពីសេចក្តីស្លាប់ និងការចូលរួមរំដោះជាតិពីរបបប្រល័យពូជសាសន៍ខ្មែរក្រហម។
ប្រមុខកងទ័ពនិងជារដ្ឋមន្រ្តីក្រសួងការពារជាតិ សម្តេចពិជ័យសេនា ទៀ បាញ់ មានឈ្មោះពិតពីកំណើតគឺ “ទៀ សង្វាន” កើតនៅថ្ងៃទី៥ ខែវិច្ឆិកា ឆ្នាំ១៩៤៥ នៅ ភូមិកោះស្រឡៅ ឃុំកាពិ ស្រុកកោះកុង ខេត្តកោះកុង។
សម្តេចមានឪពុកឈ្មោះ ទៀ តិក និងម្តាយឈ្មោះ នូ ផេងចិន្តា និងមានបងប្អូនបង្កើត ៥នាក់។
សម្តេចពិជ័យសេនា បានរៀបការជាមួយលោកជំទាវ តៅ តឿន នៅ ឆ្នាំ១៩៧៥ និងមានកូនពីរនាក់ដែលកូនច្បងទី១ ឈ្មោះ ទៀ ស្យាម និងកូនប្រុសទី២ ឈ្មោះ ទៀ សីហា។ កូនប្រុសទីពីររបស់សម្តេចគឺលោក ទៀ សីហា បច្ចុប្បន្ននេះកាន់តួនាទីជាអភិបាលខេត្តសៀមរាប។
តាមជីវប្រវត្តិកូនប្រុសទីពីរសម្តេចពិជ័យសេនាគឺលោក ទៀ សីហា កើតនៅ ថ្ងៃទី ៣១ ខែសីហា ឆ្នាំ១៩៨០ នៅ រាជធានីភ្នំពេញ។ កាលពីកុមារភាព លោកបានសិក្សានៅ សាលាបឋមសិក្សាចតុមុខ ក្នុងខណ្ឌដូនពេញ រាជធានីភ្នំពេញ មុនបន្តចូលរៀនកម្រិតមធ្យមសិក្សានៅ សាលា Lycée Passy Saint-Honoré ប្រទេសបារាំង រហូតប្រឡងចូលមហាវិទ្យាល័យនៅ ទីនោះ។
ការសិក្សានៅ ប្រទេសបារាំង លោក ទៀ សីហា បានបញ្ចប់បរិញ្ញាប័ត្រផ្នែកពាណិជ្ជកម្ម ពីមហាវិទ្យាល័យ Passy Saint-Honoré នាទីក្រុងប៉ារីសនៅ ឆ្នាំ២០០១ និងបានចូលសិក្សារយៈពេលពេញមួយឆ្នាំនៅ សាលាទាហានឈ្មោះ École Spéciale Militaire de Saint-Cyr ដែលជារាជបណ្ឌិតសភាយោធារបស់ប្រទេសបារាំង។
ក្រោយពេលបញ្ចប់ការសិក្សា លោកបានវិលត្រឡប់មកកាន់មាតុភូមិវិញនាឆ្នាំ២០០១ រួចចូលបម្រើការជាមន្ត្រីកងរាជអាវុធហត្ថរាជធានីភ្នំពេញ។ ក្នុងពេលបំពេញការងារជាមន្ត្រីយោធានេះ លោកបានឆ្លៀតពេលបង្កើនសមត្ថភាពផ្នែកគ្រប់គ្រង នៅ រាជបណ្ឌិតសភារដ្ឋបាលជាន់ខ្ពស់នាឆ្នាំ ២០០៧-២០០៨។
ដោយឡែកកូនប្រុសច្បងសម្តេចពិជ័យសេនា គឺលោក ទៀ ស្យាម មិនមានប្រភពព័ត៌មានបានបញ្ជាក់ពីប្រវត្តិ ឬការងារបច្ចុប្បន្ននេះទេ។
នាយឧត្ដមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ត្រូវបានព្រះករុណាព្រះមហាក្សត្រ ចេញព្រះរាជក្រឹត្យ ប្រោសព្រះរាជទានគោរមងារ “សម្តេចពិជ័យសេនា” កាលពីខែកក្កដា ឆ្នាំ២០១៧៕
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ