លើក​ដំបូង​ កម្ពុជា​រកឃើញ​ អូមីក្រុង​ លើស្ដ្រីខ្មែរ​ធ្វើដំណើរ​មកពី​បម្រើការងារនៅបរទេស

កម្ពុជាបានរកឃើញករណីឆ្លងវីរុសកូវីដ១៩ បំប្លែងថ្មី អូមីក្រុង ដែលជាករណីលើកដំបូង នៅ លើខ្លួន ស្ត្រីខ្មែរវ័យ២៣ឆ្នាំ ត្រឡប់មកពីធ្វើការនៅ ប្រទេសហ្គាណា។

សេចក្តីប្រកាសព័ត៌មានរបស់ក្រសួងសុខាភិបាលចេញផ្សាយនៅ យប់ថ្ងៃទី ១៤ ខែធ្នូនេះបញ្ជាក់ថា ករណីវិជ្ជមានវីរុសកូវីដ១៩ «អូមីក្រុង» ត្រូវបានរកឃើញស្ត្រីជនជាតិខ្មែរ អាយុ ២៣ ឆ្នាំ មានស្រុកកំណើតនៅ ក្រុងបាវិត ខេត្តស្វាយរៀង។

ស្ត្រីរូបនេះបានធ្វើដំណើរតាមជើងហោះហើរ ពីប្រទេសហ្គាណា ឆ្ពោះទៅកាន់ទីក្រុងឌូបៃ និងបន្តដំណើរពីទីក្រុងឌូបៃ មកប្រទេសថៃ ទើបហោះហើរពីប្រទេសថៃមកកម្ពុជានៅ ថ្ងៃទី ១២ ខែធ្នូនេះ។

បច្ចុប្បន្នអ្នកជំងឺកំពុងសម្រាកព្យាបាល នៅមជ្ឈមណ្ឌលជាតិ កម្ចាត់រោគរបេង ហង់ សិន ក្នុងរាជធានីភ្នំពេញ៕