ព័ត៌មានជាតិ

ឧត្តមសេនីយ៍ទោ សែម រតនា និស្សិតផ្នែកកសិកម្មកម្ពុជា កំពុងធ្វើចត្តាឡីស័ក ក្រោយបញ្ចប់កម្មសិក្សាអាហាររូបករណ៍ក្រៅប្រទេស

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

កាលថ្ងៃទី៥ ខែធ្នូ ឆ្នាំ២០២០ ឧត្តមសេនីយ៍ទោ សែម រតនា អគ្គនាយករង និងជាប្រធានក្រុមយុវជនមជ្ឈមណ្ឌលជាតិរក្សាសន្តិភាព តំណាងលោកនាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិ គ្រប់គ្រងកងកម្លាំងរក្សាសន្តិភាព បោសសំអាតមីន និងកាកសំណល់សង្គ្រាម បានអញ្ជើញចុះជួបសំណេះសំណាល សួរសុខទុក្ខក្រុមនិស្សិតអាហាររូបករណ៍ ផ្នែកកសិកម្មមកពីប្រទេសអ៊ីស្រាអែល តាមរយៈក្រុមហ៊ុន២ គឺ Agrostudie និង Aicat ហើយកំពុងធ្វើចត្តាឡីស័ករយៈពេល១៤ ថ្ងៃ នៅក្នុងសាលាហ្វឹកហ្វឺនកងកម្លាំងរក្សាសន្តិភាពពហុជាតិ ស្រុកភ្នំស្រួច និងវិទ្យាស្ថានហ្វឹកហ្វឺនបណ្តុះបណ្តាលកងកម្លាំងរក្សាសន្តិភាព បោសសំអាតមីន និងកាកសំណល់សង្គ្រាម ស្រុកឧដុង្គ ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ទោ សែម រតនា ក្នុងនាមឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព ក្រុមនិស្សិតផ្នែកកសិកម្មដែលបានបញ្ជូនទៅសិក្សាអាហាររូបករណ៍នៅប្រទេសអ៊ីស្រាអែល តាមរយៈក្រុមហ៊ុនពីរគឺ Agrostudie និង Aicat បានបញ្ចប់ការសិក្សា និងវិលមកមាតុភូមិកម្ពុជា ដែលធ្វើចត្តាឡីស័ក តាមវិធានសុខាភិបាល គឺបានចូលរួមលើកស្ទួយកិត្តិយស និងស្នាដៃដ៏ធំធេងជូនជាតិកម្ពុជា លើលើវិស័យកសិកម្ម ក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រីនៃកម្ពុជា។

ការលើកឡើងបែបនេះ របស់ឧត្តមសេនីយ៍ទោ សែម រតនា បានធ្វើឡើងនៅថ្ងៃទី០៥ ខែធ្នូ ឆ្នាំ២០២០នេះ ក្នុងពិធីចុះជួបសំណេះសំណាលជាមួយនិស្សិតផ្នែកកសិកម្ម ដែលទើបត្រលប់មកពីប្រទេសអ៊ីស្រាអែល ហើយដែលកំពុងធ្វើចត្តាឡីស័ក នៅវិទ្យាស្ថានហ្វឹកហ្វឺនបណ្តុះបណ្តាលកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម ក្នុងស្រុកឧដុង្គ និងសាលាហ្វឹកហ្វឺនកងកម្លាំងរក្សាសន្តិភាពពហុជាតិ ក្នុងស្រុកភ្នំស្រួច ខេត្តកំពង់ស្ពឺ។

នៅក្នុងមតិសំណេះសំណាល ឧត្តមសេនីយ៍ ក៏បានកោតសរសើរក្រុមនិស្សិតផ្នែកកសិកម្ម ដែលក្លាហាន អង់អាច មានចំណេះជំនាញវិជ្ជាជីវៈច្បាស់លាស់ លើវិស័យកសិកម្មមកបម្រើការងារក្នុងប្រទេសកម្ពុជាឲ្យបានល្អប្រសើរផ្នែកកសិកម្មនាពេលអនាគត និងទទួលបានការកោតសរសើរថាមានវិន័យ និងសីលធម៌ខ្ពស់ ដែលទាំងអស់នេះ បានជួយលើកកម្ពស់កិត្យានុភាព របស់កម្ពុជាបន្ថែមទៀត។

ឧត្តមសេនីយ៍ ក៏បានពាំនាំប្រសាសន៍ផ្តាំផ្ញើសាកសួរសុខទុក្ខ និងការលើកទឹកចិត្តពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ចំពោះក្រុមនិស្សិតយើងទាំងអស់ផងដែរ។

ឧត្តមសេនីយ៍ទោ សែម រតនា បានវាយតម្លៃខ្ពស់ចំពោះថ្នាក់ដឹកនាំវិទ្យាស្ថាន សាលាPKO មន្ត្រីសុខាភិបាល និងមន្ត្រីជំនាញរបស់ក្រសួង-ស្ថាប័នពាក់ព័ន្ធទាំងអស់ ដែលយកចិត្តទុកដាក់ធានាសុវត្ថិភាព និងផ្តល់ការទំនុកបម្រុងគ្រប់គ្រាន់ក្នុងអំឡុងពេលអនុវត្តន៍វិធានចត្តាឡីស័កនេះ។

លោកក៏បានផ្តាំផ្ញើដល់ក្រុមនិស្សិតទាំងអស់ ឱ្យថែរក្សាសុខភាពឱ្យបានល្អ ជាពិសេសបន្តអនុវត្តគោលកាណ៍រក្សា អនាម័យ និងការធ្វើចត្តាឡីស័ក របស់ក្រសួងសុខាភិបាល និងជឿជាក់លើវិធានការណ៍មុតមាំ និងត្រឹមត្រូវរបស់រាជរដ្ឋាភិបាលកម្ពុជា ក្នុងទប់ស្កាត់ការរីករាលដាលនៃជំងឺកូវីដ-១៩។

ជាមួយគ្នានេះដែរ ឧត្តមសេនីយ៍ទោ សែម រតនា ក្នុងនាម នាយឧត្តមសេនីយ៍ សែម សុវណ្ណនី ក៏បានជូនពរដល់ក្រុមនិស្សិតកម្ពុជាទាំងអស់ ដែលកំពុងធ្វើចត្តាឡីស័ក សូមឱ្យជួបប្រទះតែសេចក្តីសប្បាយជារៀងរហូតផងដែរ។

ស្ថិតនៅក្នុងឱកាសនោះដែរ ក្រុមនិស្សិត ដែលកំពុងតែធ្វើចត្តាឡីស័ក តាមវិធានសុខាភិបាលបានគោរពថ្លែងអំណរគុណដល់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា, សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ, ឧបនាយករដ្ឋមន្ត្រីរដ្ឋមន្ត្រី ប្រាក់ សុខុន, ទេសរដ្ឋមន្ត្រី ប៉ុល សារឿន ព្រមទាំងថ្នាក់ដឹកនាំទាំងអស់ដែលបានយកចិត្តទុកដាក់ពីសុខទុក្ខរបស់ពួកគេទាំងអស់គ្នា តាំងពីនៅប្រទេសអីស្រាអែល និងរហូតមកមាតុភូមិកម្ពុជាវិញ ព្រមទាំងក្នុងកំលុងពេលធ្វើចត្តាឡីស័កនេះជាដើម។

សូមជម្រាបថា និស្សិតកសិកម្មចំនួន១៦៧នាក់ រៀននៅសាកលវិទ្យាល័យ៤ ផ្សេងគ្នា ដែលបានចូលរួមហាត់ការរបស់ប្រទេសអ៊ីស្រាអែល ក្នុងនោះរួមមាន សាកលវិទ្យាល័យភូមិន្ទកសិកម្ម
សាកលវិទ្យាល័យមានជ័យ វិទ្យាស្ថានកសិកម្មជាតិកំពង់ចាម វិទ្យាស្ថានកសិកម្មជាតិព្រែកលាភ ក្នុងនោះមានស្ត្រី១៧នាក់ ដែលជានិស្សិតផ្នែកកសិកម្មសិក្សារយៈពេល១១ ខែ ចាប់ពីខែកញ្ញា ឆ្នាំ២០១៩ រហូតដល់ខែសីហា ឆ្នាំ២០២០ លើផ្នែកកសិកម្មចិញ្ចឹមសត្វ គោ មាន់ ជ្រូក ចៀម។

ផ្នែកដាំដុះ បន្លែ ផ្សិត ផ្លែឈើចំរុះផ្នែកសាងសង់ផ្ទះសំណាញ់ ហើយបានវិលត្រឡប់មកកម្ពុជាវិញនាថ្ងៃទី២៥ ខែវិច្ឆិកា ឆ្នាំ២០២០ថ្មីៗនេះ។ ហើយត្រូវបានបានមកធ្វើចត្តាឡីស័ករយៈពេល១៤ ថ្ងៃ នៅសាលាPKO និងវិទ្យាស្ថាន(ឧដុង្គ) ខេត្តកំពង់ស្ពឺ។

ក្នុងឱកាសនោះ លោកឧត្តមសេនីយ៍ទោ សែម រតនា ក្នុងនាមឯកឧត្តម នាយឧត្តមសេនីយ៍ សែម សុវណ្ណនី ក៏បាននាំយកថវិកាមួយចំនួន នំភីហ្សា ទឹកក្រូច ទឹកសុទ្ធ ទៅចែកជូនដល់និស្សិតយើងទាំងអស់ផងដែរ៕

Kampuchea Thmey Daily

ព័ត៌មានជាតិ

ចុច Like Facebook កម្ពុជាថ្មី

លោក នេត្រ ភក្ត្រា ៖ ថ្ងៃ៨ មីនា មិនមែនសំដៅនារីមានសិទ្ធិធំតែមួយថ្ងៃប៉ុណ្ណោះទេ

អាជ្ញាធរគ្រឿងញៀន ជំរុញសហគមន៍ទេសចរណ៍កោះហានរ៉ាំសា ឱ្យប្រើ App NoDrug ដើម្បីរាយការណ៍ពេលមានបញ្ហា

ខណ្ឌមួយចំនួនក្នុងរាជធានីភ្នំពេញ នឹងមានភាពរអាក់រអួលអគ្គិសនី ចាប់ពីថ្ងៃទី៦ ដល់ថ្ងៃទី៩មីនា

សម្ដេចធិបតី៖ចូលឆ្នាំខ្មែរ យុវជនលេងបាញ់ទឹកក៏បាញ់ចុះ តែកុំភ្លេចលេងល្បែងប្រជាប្រិយខ្មែរផង

សម្តេចធិបតី ស្នើឱ្យបន្តកិច្ចការរៀបចំចុះបញ្ជីសង្ក្រាន្តខ្មែរចូលក្នុង អង្គការយូណេស្កូ

ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល

ប៉ះសម្ដីគ្នា លោកតាធាក់ស៊ីក្លូវ័យ ៧០ ឆ្នាំ ម្នាក់ ត្រូវបុរសម្នាក់ វាយត្រូវក្បាល ២ ដៃ

សមាជិកសភាត្រូវបណ្តេញចេញពីសាលប្រជុំ ព្រោះស្រែកតវ៉ាការថ្លែងរបស់ លោក ត្រាំ

រថយន្តធុនធំបុករះម៉ូតូ៣គ្រឿងទាំងព្រឹកនៅផ្លូវ៦០ម៉ែត្រ

ត្រាំ ថា ពេញចិត្តណាស់ ចំពោះលិខិតដែល ហ្សេលេនស្គី ផ្ញើឲ្យគាត់

ព័ត៌មានពេញនិយម