ចេញ-ចូល​ផ្សារបន្លែ​ច្បារអំពៅ​តម្រូវ​ឱ្យវាស់​កម្ដៅ​ និង​បង្ហាញ​កាត​ចាក់វ៉ាក់សាំង​

បើទោះបីជាជំងឺឆ្លងកូវីដ១៩ មានការថយចុះ​ក៏វិធានការទប់ស្កាត់ការឆ្លង​នៅ តែរឹតបន្តឹងដដែល ជាក់ស្ដែង​នៅ ក្នុងផ្សារបន្លែច្បារអំពៅ ​ ស្ថិតក្នុងភូមិកណ្តាល សង្កាត់ច្បារអំពៅ ទី២ ខណ្ឌច្បារអំពៅ រាជធានីភ្នំពេញ នៅ ថ្ងៃទី ១៥ ខែធ្នូនេះគឺអ្នកដែលចង់ចូលទៅ ទិញឥវ៉ាន់ ​ឬបន្លែត្រីសាច់ដាច់ខាតត្រូវវាស់កម្ដៅ និងបង្ហាញកាតចាក់វ៉ាក់សាំងទៅ ក្រុមសន្តិសុខផ្សារជាមុនទើបអនុញាតឱ្យចូលប៉ុន្តែបើពុំមាននឹងមិនត្រូវបានចូលឡើយ។

លោក សាន់ ប៊ុនណា ប្រធានគណៈកម្មការផ្សារបន្លែច្បារអំពៅ​ បានប្រាប់កម្ពុជាថ្មីថា សព្វថ្ងៃនេះបើទោះជាជំងឺឆ្លងមានការថយចុះ​ក៏ពិតមែនប៉ុន្តែផ្សារបន្លែយើងខ្ញុំនៅ បន្តរឹតបន្តឹងការទប់ស្កាត់ជំងឺឆ្លងដោយអនុវត្តន៍៣កុំ៣ការពារដោយពុំបន្ធូដៃឡើយ។

ហើយបន្ទាប់ពីវាស់កម្ដៅ និងបង្ហាញកាតចាក់វ៉ាក់សាំងរួចរាល់ហើយ​គឺចាំបាច់ត្រូវពាក់ម៉ាស់គ្រប់ៗគ្នា។ តែបើមិនពាក់ម៉ាស់ទេគឺកងសន្តិសុខមានម៉ាស់ឲ្យពាក់តែបើចចែសរឹងរូស មិនអនុញាត​ឲ្យចូលផ្សារ​ឡើយ​ទោះមានបុណ្យសក្ក័ធំប៉ុណ្ណាក្តី។ នេះជាវិធានការទប់ស្កាត់ជំងឺឆ្លងកុំឲ្យមានកើតឡើងធ្ងន់ធ្ងរដូចពេលកន្លងមក។ ដូច្នេះហើយគណៈកម្មាការផ្សារបន្លែច្បារអំពៅ យើងខ្ញុំសូមធ្វើការផ្សព្វផ្សាយជូនដល់អតិថិជនទាំងអស់បើចង់ចូលផ្សារបន្លែច្បារអំពៅ ទាល់តែនូវវិធានការណ៍ដូចបានរៀបរាប់ខាងលើឲ្យបានទើបមានសិទ្ធិចេញចូលក្នុងផ្សារ៕

អត្ថបទ៖ នរា