ព័ត៌មានជាតិ

ក្រុមហ៊ុនទឹកត្រចៀកកាំមាសដបកំប៉ោងសញ្ញា KIM HUOT បន្តចុះប្រគល់រង្វាន់ ១០ លានរៀល ដល់អ្នកឈ្នះ នៅខេត្តកំពង់ស្ពឺ

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

បន្ទាប់ពីបានធូរស្បើយពីការរាលដាលនៃជំងឺឆ្លងកូវីដ១៩ ក្រោមការគ្រប់គ្រង និងដាក់ចេញនូវវិធានការពារដ៏មានប្រសិទ្ធភាពពីសំណាក់ប្រមុខរាជរដ្ឋាភិបាលកម្ពុជា ក្រុមហ៊ុនទឹកត្រចៀកកាំមាសដបកំប៉ោងសញ្ញា KIM HUOT បានបន្តចុះប្រគល់រង្វាន់ធំ ១០ លានរៀល ដល់អ្នកដែលមានសំណាងរស់នៅភូមិចំបក់ធំ ឃុំប្រាំបីមុម ស្រុកថ្ពង ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតិថិជនដែលមានសំណាង បានឈ្នះរង្វាន់ធំនូវទឹកប្រាក់ចំនួន ១០ លានរៀល ពីទឹកត្រចៀកកាំមាសដបកំប៉ោងខាងលើនេះមានឈ្មោះ ផាត កញ្ញា ភេទស្រី អាយុ ២២ឆ្នាំ។

អ្នកនាង ផាត កញ្ញា បានប្រាប់ឱ្យដឹងថា កាលពីចុងសប្ដាហ៍កន្លងទៅនេះ ក្រោយសម្រាកពីរៀបចំឥវ៉ាន់ក្នុងផ្ទះ និងឲ្យចំណីសត្វរួច អ្នកនាងមានអារម្មណ៍ថា អស់កម្លាំងក៏យកទឹកត្រចៀកកាំមាសដបកំប៉ោងដែលបានទិញពីផ្ទះអ្នកលក់ស្ថិតនៅក្បែរផ្ទះទទួលទាន លុះពេលបើកគម្របដបក៏ស្រាប់តែឃើញមានរង្វាន់ ១០ លានរៀលតែម្ដង។ ភ្លាមនោះ អ្នកនាងពិតជាមានអារម្មណ៍រំភើបជាខ្លាំង ហើយក៏ស្រែកប្រាប់ក្រុមគ្រួសារ ហើយទូរស័ព្ទប្រាប់ក្រុមហ៊ុនតាមរយៈលេខទូរស័ព្ទដែលមានស្រាប់នៅក្នុងគម្របដបតែម្ដង។

បន្ទាប់ពីទទួលបានប្រាក់រង្វាន់ធំ ១០ លានរៀលពីទឹកត្រចៀកកាំមាសដបកំប៉ោងនេះ អ្នកនាងនឹងយកមួយចំណែកទៅសង់បំណុលធនាគារឯកជន និងទុកទិញចំណីសត្វ(សត្វជ្រូក និងមាន់)ដែលជាមុខរបរសម្រាប់ផ្គត់ផ្គង់ជីវភាពគ្រួសារ រួមនឹងទុកសម្រាប់ព្យាបាលជំងឺប្រចាំកាយឪពុកម្ដាយដែលពិការភាពទាំងពីរនាក់។ ជាមួយគ្នានេះ អ្នកនាងក៏សូមថ្លែងអំណរគុណចំពោះក្រុមហ៊ុនទឹកត្រចៀកកាំមាសដបកំប៉ោង ដែលបានបង្កើតកម្មវិធីចែករង្វាន់ប្រាក់លានយ៉ាងសន្ធឹកសន្ធាប់នេះ។

លោក ហុយសុខា ប្រធានទីផ្សារទឹកត្រចៀកកាំ មាសដបកំប៉ោងបានបញ្ជាក់ថា ក្រុមហ៊ុនទឹកត្រចៀកកាំមាសដបកំប៉ោង សញ្ញា KIM HUOT បានបង្កើតកម្មវិធីចែករង្វាន់ប្រាក់លានយ៉ាងសន្ធឹកសន្ធាប់ជូនដល់អតិថិជនទាំងអស់ដែលតែងគាំទ្រផលិតផលរបស់ក្រុមហ៊ុន។ លោកបន្ថែមថាការដែលយើងទទួលទានទឹកត្រចៀកកាំមាសដបកំប៉ោង គឺទទួលបានទាំងសុខភាព និងទទួលបានទាំងរង្វាន់ប្រាក់លានយ៉ាងច្រើនសន្ធឹកសន្ធាប់៕