ព័ត៌មានជាតិ

នំម៉ាក់ប្រាវ ចម្រុះពណ៌គួរឱ្យចង់ទទួលទាន ស្ទើរបាត់មុខពី ខេត្តបាត់ដំបង

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

ខេត្តបាត់ដំបង៖ នំខ្មែរមួយប្រភេទ ឈ្មោះ នំម៉ាក់ប្រាវ ជានំធ្វើឡើងពីសាច់ដូងចាស់ របស់អ្នកខេត្តបាត់ដំបង ស្ទើរតែបាត់មុខទៅ ហើយ ដោយសារតែការធ្វើនំនេះត្រូវការភាពអំណត់របស់អ្នកធ្វើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នំម៉ាក់ប្រាវ ប្រើប្រាស់ពីសាច់ដូងចាស់ៗ ជាមួយស្ករស និងប្រើប្រាស់ពណ៌ចម្រុះទៅ តាមចំណង់ចំណូលចិត្តរបស់អ្នកផលិត និងសម្រាប់ការជ្រើសរើសពីសំណាក់អ្នកទិញផងដែរ។ អ្នកស្រីបានបញ្ជាក់ថា បច្ចុប្បន្ននំប្រភេទនេះ ស្ទើរតែបាត់ឈ្មោះ និងរូបរាងពីក្នុងខេត្តបាត់ដំបង ទៅ ហើយ ដោយសារតែគ្មានអ្នកធ្វើ និងដោយសារត្រូវការពេលវេលា។

អ្នកស្រី សាន់ សុគន្ធា ជាបុគ្គលិកសិក្សាមួយរូប រស់នៅ ភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង បានរៀបរាប់ថា ក្រៅ ពីការងាររដ្ឋ អ្នកស្រីឆ្លៀតរកសុីនៅ ផ្ទះខ្លះ ដូចជាការធ្វើនំ ម៉ាក់ប្រាវ នេះជាដើម។

អ្នកស្រីបានបង្ហាញពីរៀបធ្វើនំនេះ ដោយមានគ្រឿងផ្សំដូចជា ដូងរលាក់ទឹក ស្ករស សាច់ជូរ ល័ក្ខ។ វិធីធ្វើ គឺយកដូងរលាក់ទឹក កោសជាសរសៃវែងៗ ដាំទឹកឱ្យពុះដាក់សាច់ជូរបន្តិច ហើយសាច់ដូងស្រោះភ្លាមៗ ចាក់ទឹកត្រជាក់លាងមួយទឹកដាក់សម្រស់។ បន្ទាប់មក យកដូងប្រឡាក់ជាមួយស្ករសដាក់វាន់នីកូរឱ្យស្ងួតទឹក ហើយជាប់ជាដុំៗ ហើយយកទៅ ហាលថ្ងៃឱ្យឡើងក្រាម។