នាយករដ្ឋមន្ត្រីកម្ពុជា ៖ អាស៊ាន បានធ្វើកំហុស ២ នៅក្នុងការទទួលដោះស្រាយបញ្ហា ជាមួយមីយ៉ាន់ម៉ា

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងកិច្ចប្រជុំពេញអង្គគណៈរដ្ឋមន្ត្រី នៅថ្ងៃទី ១៦ ខែធ្នូ ឆ្នាំ ២០២១ នេះ បានលើកឡើងថា កិច្ចប្រជុំអាស៊ាននៅឆ្នាំ ២០២១នេះ បានធ្វើកំហុស ២ នៅក្នុងការទទួលដោះស្រាយបញ្ហា ជាមួយប្រទេសមីយ៉ាន់ម៉ា។

លោក ខៀវ កាញ្ញារីទ្ធ រដ្ឋមន្ត្រីក្រសួងព័ត៌មាន បានស្រង់ប្រសាសន៍ របស់សម្ដេចតេជោនាយករដ្ឋមន្ត្រី បង្ហោះនៅលើហ្វេសប៊ុករបស់លោកថា អាស៊ាន បានធ្វើកំហុស ២ នៅក្នុងការទទួលដោះស្រាយបញ្ហាជាមួយមីយ៉ាន់ម៉ា ទី១. អាស៊ានបានដាក់លក្ខខណ្ឌជាមុន ដើម្បីបញ្ជូនតំណាងរបស់ខ្លួន ទៅធ្វើការជាមួយរដ្ឋអំណាចមីយ៉ាន់ម៉ា។ ទី២. នៅពេលអញ្ជើញ ចូលរួមប្រជុំកំពូលអាស៊ាន សំបុត្រអញ្ជើញមិនបានផ្ញើទៅអោយប្រមុខរដ្ឋមីយ៉ា់ន់ម៉ាផ្ទាល់ទេ តែគឺផ្ញើទៅអោយអគ្គលេខាធិការ ក្រសួងការបរទេសមីយ៉ាន់ម៉ា ទៅវិញ៕