ព័ត៌មានជាតិ

អាជីវករផ្សារបឹងកុកខេត្តកំពង់ចាមជាច្រើននាក់ចូលរួមពាក់ម៉ាសការពារជំងឺកូវីដ ១៩

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

ប្រជាពលរដ្ឋដែលរស់នៅក្នុងខេត្តកំពង់ចាមកំពុងបានចូលរួមក្នុងការទប់ស្កាត់ ការឆ្លងរីករាលដាលជំងឺកូវីដនៅតាមសហគមន៍ និងនៅតាមទីប្រជុំជន ជាក់ស្ដែងនៅផ្សារបឹងកុកក្រុងកំពង់ចាម គណៈជីវករផ្សារធ្វេីការចុះផ្សព្វផ្សាយណែនាំអប់រំណែនាំ និងបានចែកម៉ាស់ ការដបអាកុលគ្រប់ច្រកចេញចូលក្នុងផ្សារក្នុងបង្កេីនការប្រុងប្រយត្ន៍ក៍ដូចការចូលរួមសហការជាមួយអាជ្ញាធរខេត្ត និងក្រសួងសុខាភិបាល ដេីម្បីទប់ស្កាត់ការឆ្លងរីករាលដាលជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឡុង ឆៃអ៉ី ប្រធានគណៈអាជីវករផ្សារបឹងកុកបានឲ្យដឹងថា ក្រោយពីមានការណែនាំរបស់ប្រមុខរាជរដ្ឋាភិបាលកម្ពុជា និងដេីម្បីចូលរួមប្រយុទ្ធប្រឆាំងការឆ្លងរីករាលដាលជម្ងឺកូវីដតាមសហគមន៍ ជាពិសេសបង្កេីនការទប់ស្កាត់បង្ការការពារ ដោយខាងគណៈអាជីវករបានចែកម៉ាស់ ដាក់ដកអាល់កុលតាមច្រកចេញចូល និងបានចុះផ្សព្វផ្សាយណែនាំពីវិធានការការពារជម្ងឺកូវីដ១៩ឲ្យបានខ្ជប់ខ្ជួន។ លោកស្រីបានបន្តទៀតថា ក្រោយពីមានលេចលឺព័ត៍មានក្លែងក្លាយបំពុលសង្គម ផ្សាយថាមានអ្នកដូរលក់ក្នុងផ្សារបឹងកុកកេីតជំងឺកូវីដ ១៩នេះ ទេីបបង្កការភ្ញាក់ផ្អេីលដល់ប្រជាពលរដ្ឋទូទាំងខេត្ត។ លោកស្រី ឆៃអ៉ី ក៍បានអំពាវនាវបន្ថែមដែរថា អ្នកលក់ដូរ ឬអាជីវករក្នុងផ្សារបឹងកុកពុំមានអ្នកណាកេីតឬឆ្លងជម្ងឺកូវីដ១៩ ពោលគែសូមឲ្យបងប្អូនប្រជាពលរដ្ឋទាំងអស់ស្តាប់តាមសេចក្តីព័ត៍មានរបស់អាជ្ញាធរខេត្តនិងជាពិសេសក្រសួងសុខាភិបាល។

គូសបញ្ជាក់ផងដែរថា រដ្ឋបាលសាលាខេត្តកំពង់ចាម ក្រោមការដឹកនាំបញ្ជាផ្ទាល់ពីសំណាក់ លោក អ៊ុន ចាន់ដា អភិបាលខេត្តកំពង់ចាម បានជម្រុញដល់មន្ត្រី អាជ្ញាធរក្រុង-ស្រុកទាំង១០ បង្កេីនការផ្សព្វផ្សាយ និងណែនាំពីការវិធានការពារទប់ស្កាត់ការឆ្លងរីករាលដាលតាមសហគមន៍ គឺធ្វេីយ៉ាងណាត្រូវឲ្យពលរដ្ឋចូលរួមសហការជាអាជ្ញាធរ ទាំងការរស់នៅ និងប្រកបមុខរបរប្រចាំថ្ងៃ៕

ហុង ម៉េងហៀ