ព័ត៌មានជាតិ
លោក គួច ចំរើន សើ្នឲ្យឯកអគ្គរដ្ឋទូតឥណ្ឌូនេស៊ី កៀរគរក្រុមអ្នកវិយោគ និងទេសចរមកខេត្តព្រះសីហនុឲ្យបានច្រើន
អភិបាលខេត្តព្រះសីហនុស្នើសុំប្រទេសឥណ្ឌូនេស៊ីជួយកៀរគរក្រុមអ្នកវិយោគ និងអ្នកទេសចរណ៍មករកស៊ី នៅក្រុងព្រះសីហនុ ឲ្យមានចំនួនកាន់តែច្រើនថែមទៀត។ នេះការលើកឡើងរបស់លោក គួច ចំរើន អភិបាលខេត្តព្រះសីហនុ នៅព្រឹកថ្ងៃទី១៧ ខែ ធ្នូ ឆ្នាំ២០២១ ជាមួយលោក Sudirman Haeseng ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌូនេស៊ី។
ក្នុងឱកាសទទួលស្វាគមន៍ឯកអគ្គរដ្ឋទូតឥណ្ឌូនេស៊ី និងគណៈប្រតិភូ លោក អភិបាលខេត្តព្រះសីហនុ បានជម្រាបជូនពីសក្ដានុពល និងភូមិសាស្ត្ររបស់ខេត្ត ផ្តល់ឱកាសទាក់ទាញភ្ញៀវទេសចរណ៍ និងអ្នកវិនិយោគ។ នៅក្រោមព្រះរាជកិច្ចដឹកនាំរបស់សម្ដេចព្រះបរមរតនកោដ្ឋ សម្តេចនរោត្តមសីហនុ បានកសាងកំពង់ផែទឹកជ្រៅ ជាសក្តានុពលក្នុងការដឹកជញ្ជូនទំនិញចេញចូលប្រមាណជា ៧០ភាគរយនៅក្នុងព្រះរាជាណាចក្រកម្ពុជា ទោះបីឆ្នាំ ២០២០ និង ២០២១ ពិភពលោកក៏ដូចជាកម្ពុជាជួបនឹងវិបត្តិកូវីដ-១៩ វិស័យដឹកជញ្ជូនតាមកំពង់ផែ ខេត្តព្រះសីហនុ មិនមានផលប៉ះពាល់នោះទេ ហើយកំពង់ផែស្វយ័តក្រុងព្រះសីហនុ ត្រូវបានធ្វើការអភិវឌ្ឍជំហាននៅឆ្នាំ២០២៥ អាចឱ្យនាវាមានជម្រៅទឹក ១៤,៥០ម៉ែត្រ ចូលចតបាន ធ្វើឱ្យតម្លៃនៃការដឹកជញ្ជូនតាមផ្លូវទឹកអាចប្រកួតប្រជែងជា មួយប្រទេសក្នុងតំបន់។
តាមរយៈគោលនយោបាយបើកទីផ្សារអាស៊ានកាលពីឆ្នាំ២០១៥ ខេត្តព្រះសីហនុ បានរៀបចំខ្លួនបង្កើនការអភិវឌ្ឍយ៉ាងច្រើន រួមមានព្រលានយន្តហោះអន្តរជាតិខេត្តព្រះសីហនុ ត្រូវបានពង្រីកពី ៣E ទៅ ៤E អាចឱ្យយន្តហោះប្រភេទធំចុះចតបាន។ លោក គួច ចំរើន បានថ្លែងប្រាប់មន្ត្រីស្ថានទូតឥណ្ឌូនេស៊ីថា ការវិនិយោគលើអចលនៈទ្រព្យមានសកម្មភាពយ៉ាងខ្លាំងក្លា ក្នុងនោះក៏មានអ្នកវិនិយោគមកពីប្រទេសឥណ្ឌូនេស៊ីផងដែរ ដែលមានបុគ្គ លិក កម្មករឥណ្ឌូនេស៊ីមកធ្វើការនៅខេត្តព្រះសីហនុ ប្រមាណជា ៧,២០០នាក់ ហើយ ២,០០០នាក់ ស្នាក់នៅរយ:ពេលវែង ។
លោកអភិបាលខេត្ត បានមានប្រសាសន៍ដោយសង្ឃឹមថា អ្នកវិនិយោគ និងអ្នកទេសចរណ៍ឥណ្ឌូនេស៊ីមកកាន់ខេត្តព្រះសីហនុកាន់តែច្រើនបន្ថែមទៀតនៅពេលខាងមុខ។ លោកអភិបាលខេត្តបានជម្រាបប្រាប់មន្ត្រីប្រតិភូទៀតថា រាជរដ្ឋាភិបាលកម្ពុជា ផ្ដល់គោលការណ៍អភិវឌ្ឍខេត្តព្រះ សីហនុ មានហេដ្ឋារចនាសម្ព័ន្ធ ពង្រីកឆ្នេរសមុទ្រ ការសាងសង់បន្ទប់ទឹកសាធារណៈ ចិញ្ចើមក្រានីត ដាំដើមឈើ ភ្លើងបំភ្លឺផ្លូវ ភ្លើងស្តុប កាំម៉ារាសុវត្ថិភាព ។ល។ ខេត្តមាន ផ្លូវល្បឿនលឿនពីរាជធានីភ្នំពេញ មកកាន់ខេត្តព្រះសីហនុ សាងសង់បានជាង ៧០ភាគរយ និងគ្រោងបញ្ចប់នៅខែ១០ ឆ្នាំ២០២២ខាង មុខ។ រាជរដ្ឋាភិបាល ក៏ជំរុញការសាងសង់ផ្លូវរថភ្លើងល្បឿនលឿនមកកាន់ខេត្តព្រះសីហនុ និងអាចតភ្ជាប់ផ្លូវអាស៊ានផងដែរ កាន់តែផ្តល់ភាពងាយស្រួលក្នុងការធ្វើដំណើរ និងដឹកជញ្ជូនបានទាន់ពេលវេលា។
ជាការឆ្លើយតប លោក Sudirman Haeseng ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌូនេស៊ី បានថ្លែងអំណរគុណលោកអភិបាលខេត្តដែលបានផ្ដល់ឱកាសឱ្យរូបគាត់ នឹងគណៈ ប្រតិភូចូលជួបសំដែងការគួរសមស្វែងយល់អំពីសក្តានុពល សេដ្ឋ កិច្ចរបស់ខេត្តព្រះសីហនុ។ កាលពី ៣ឆ្នាំមុន រូបគាត់បានមកលេងម្តង ហើយមកពេលនេះ ខេត្តព្រះសីហនុមានការអភិវឌ្ឍន៍រីកចម្រើនយ៉ាងឆាប់រហ័ស។ លោកឯកអគ្គរដ្ឋទូត បានបញ្ជាក់ថា គោលបំណងមកទស្សនកិច្ចនាពេលនេះ គឺសម្តែងការគួរសមជាមួយអភិបាលខេត្ត និងជួបជាមួយអ្នកវិនិយោគ និងប្រជាជនឥណ្ឌូនេស៊ីដែលមកវិនិយោគ និងរកស៊ីទទួលទាននៅខេត្តព្រះសីហនុ ក្រោមដំបូលសន្តិ ភាព។ រូបលោកក៏បានទទួលបានព័ត៌មានថា មានពលរដ្ឋឥណ្ឌូនេស៊ី ១,០០០នាក់ បង្កផលលំបាកប៉ះពាល់ដល់ច្បាប់ និងអាជ្ញាធរខេត្តព្រះសីហនុ មានដូចជាគ្រោះថ្នាក់ចរាចរណ៍ជាដើម។ ទាក់ទងនឹងការរីកចម្រើនលើវិស័យទេសចរណ៍ ឧស្សាហកម្ម បានផ្តល់ឱកាសដល់អ្នកវិនិយោគឥណ្ឌូនេស៊ីមកកាន់ខេត្តព្រះសីហនុ ។ ប្រទេសឥណ្ឌូនេស៊ី មានក្រុមហ៊ុន សហគ្រាសសាធារណៈ ដែលចង់ឈ្វែងរកកាវិនិយោគលើហេដ្ឋារចនាសម្ព័ន្ធក្នុងព្រះរាជាណាចក្រកម្ពុជា ក៏ដូចក្នុងខេត្តព្រះសីហនុ ផងដែរ ។
លោក ឯកអគ្គរដ្ឋទូតឥណ្ឌូនេស៊ី ក៏បានសំណូមពររដ្ឋបាលខេត្តព្រះសីហនុ ផ្តល់ព័ត៌មាននូវអ្វីដែលផ្តល់ឱកាសឱ្យអ្នកវិនិយោគ អ្នកទេសចរឥណ្ឌូនេស៊ីមកកាន់ខេត្តព្រះសីហនុ ម្យ៉ាងទៀតខេត្តព្រះ សីហនុ នៅខែមករា ឆ្នាំ ២០២២ ខាងមុខ នឹងត្រូវធ្វើជាម្ចាស់ផ្ទះនៃកិច្ចប្រជុំវេទិកាទេសចរណ៍អាស៊ាន និងសូមអញ្ជើញឯកឧត្តមអភិបាល ខេត្តព្រះសីហនុទស្សនាពិព័រណ៍របស់ប្រទេសឥណ្ឌូនេស៊ីផងដែរ ។
ជាការឆ្លើយតប លោក អភិបាល ខេត្តព្រះសីហនុ ស្នើសុំឯកអគ្គរដ្ឋទូតឥណ្ឌូនេស៊ីជួយបណ្តុះបណ្តាលធនធានមនុស្សសម្រាប់ខេត្តព្រះសីហនុ និងវិនិយោគលើវិស័យសុខាភិបាល ព្រោះខេត្តព្រះសីហនុ ត្រូវបានរាជរដ្ឋាភិបាលកំណត់ជាតំបន់សេដ្ឋកិច្ចពិសេសគំរូពហុបំណង ដែលមានការវិនិយោគលើវិស័យទេសចរណ៍ ឧស្សាហកម្ម កសិកម្ម ដូច្នេះតម្រូវការចាំបាច់នូវវិស័យសុខាភិបាលដែលមានស្តង់ដារសម្រាប់ភ្ញៀវទេសចរណ៍ និងអ្នកវិនិយោគ៕
អត្ថបទ៖ ស៊ុយ ចាន់ធា
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
Trump ដាក់លក្ខខណ្ឌបើ Zelensky ចង់មកចរចាម្តងទៀត
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ