ព័ត៌មានជាតិ

ព្រះអង្គម្ចាស់នរោត្តម ចក្រាវុធ ចុះជួបសកម្មជនជាលើកដំបូង ក្រោយការយាងចូលទិវង្គតរបស់បិតា

បានផុស

៣ years មុន

នៅ

ថ្ងៃសៅរ៍ ១៨ ធ្នូ ២០២១

ដោយ

ព្រះអង្គម្ចាស់ នរោត្តម ចក្រាវុធ ព្រះប្រធាន ស្តីទីគណបក្សហ៊្វុនស៊ិនប៉ិច កាលពីព្រឹកថ្ងៃទី១៨ ខែធ្នូ ឆ្នាំ២០២១ បានយាងចុះជួបសួរសុខទុក្ខ និងសំណេះសំណាលជាមួយថ្នាក់ដឹកនាំ ក៏ដូចជាសមាជិក សមាជិកា ខេត្តកណ្តាល ហើយជំនួបនេះ បានធ្វើឡើងនៅ ទីស្នាក់ការគណបក្សហ៊្វុនស៊ិនប៉ិចក្រុងតាខ្មៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសនោះដែរ ក្រុមការងារ ក៏ដដូចជាគណៈកម្មាធិការប្រតិបត្តិ នៃគណបក្សហ៊្វុនស៊ិនប៉ិចខេត្តកណ្តាល និងសមាជិកសមាជិកាគ្រប់លំដាប់ជាន់ថ្នាក់ទូទាំងខេត្ត បានប្តេជ្ញាគាំទ្រ ដង្ហែតាមការដឹកនាំរបស់ព្រះអង្គ ដែលបច្ចុប្បន្នជាប្រធានស្តីទីគណបក្សហ៊្វុនស៊ិនប៉ិច ដើម្បីដឹកនាំបន្តពីព្រះបិតារបស់ព្រះអង្គ សម្តេចក្រុមព្រះ នរោត្តម រណឫទ្ធិ។

គួររំលឹកថា សម្តេចក្រុមព្រះនរោត្តម រណឫទ្ធិ ព្រះប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាព្រះប្រធានគណបក្សហ៊្វុនស៊ិនប៉ិច ទ្រង់បានសោយទិវង្គត ក្នុងព្រះជន្ម៧៧ ព្រះវស្សា នៅប្រទេសបារាំងនៅថ្ងៃទី២៨ ខែវិច្ឆិកា ដោយព្រះរោគាពាធ។ ក្រោយចូលទិវង្គត ថ្នាក់ដឹកនាំមួយក្រុមនៅក្នុងគណបក្ស ដែលមានបញ្ហាប្រេះស្រាំផ្ទៃក្នុងស្រាប់ បានចេញសេចក្តីប្រកាសពីការរៀបចំគណបក្សឡើងវិញ ប៉ុន្តែត្រូវបានថ្នាក់ដឹកនាំមួយក្រុមទៀតបានបដិសេធ និងបានបញ្ជាក់ថា ជាការធ្វើឡើងដោយខុសលក្ខន្តិកៈគណបក្ស និងព្រមានចាត់វិធានការច្បាប់ផងដែរ៕

ដោយ ៖ កោះកែវ