ព័ត៌មានជាតិ
បុណ្យខ្លែងបន្ទាយស្រី ជាបុណ្យទាក់ទាញភ្ញៀវទេសចរក្រោយវិបត្តិកូវីដ-១៩ ទទួលបានជោគជ័យ
បុណ្យខ្លែងបន្ទាយស្រី គឺជាព្រឹត្តិការណ៍មួយក្នុងព្រឹត្តិការណ៍ដំបូងៗ ដែលរដ្ឋបាលស្រុកបន្ទាយស្រីបានបង្កើតឡើង ស្របពេលដែលរាជរដ្ឋាភិបាលកម្ពុជាបានបើកប្រទេសពេញលេញ និងចាប់ផ្តើមស្តារវិស័យទេសចរណ៍ឡើងវិញ បន្ទាប់ពីស្ថានភាពរងគ្រោះលើវិស័យនេះ ត្រូវបានដាក់សម្ពាធដោយវិបត្តិកូវីដ-១៩។ លោក ឃឹម ហ្វីណង់ អភិបាលស្រុកបន្ទាយស្រី បានឲ្យដឹងយ៉ាងដូច្នេះនៅចុងសប្តាហ៍កាលពីរសៀលថ្ងៃអាទិត្យទី ១៩ ខែធ្នូ ឆ្នាំ ២០២១ ក្នុងពេលបើកដំណើរការព្រឹត្តិការណ៍បុណ្យខ្លែងបន្ទាយស្រីនោះ។
លោក ឃឹម ហ្វីណង់ អភិបាលនៃគណៈអភិបាលស្រុកបន្ទាយស្រី បានបញ្ជាក់ថា នេះជាការបង្ហាញឲ្យឃើញថា គឺជាការខិតខំជំរុញឲ្យមានបន្ថែមទៀតនូវសក្ដានុពលទេសចរណ៍ក្រៅពីប្រាង្គប្រាសាទ ។ បុណ្យខ្លែងបន្ទាយស្រី បានបណ្តាលឲ្យមានការចាប់អារម្មណ៍ពីសំណាក់ភ្ញៀវក្នុងស្រុក និងមានភ្ញៀវបរទេសមួយចំនួនផងដែរ ដូចអ្វីដែលរដ្ឋបាលស្រុកបានគ្រោងទុក។ ភូមិបូរាណ សសី ល្បីខាងផលិតកុលាលភាជន៍នាសម័យអង្គរ ស្ថិតនៅតំបន់ជើងភ្នំគូលែន នៃឃុំត្បែង ស្រុកបន្ទាយស្រី មានកិត្តិយសបានទទួលការចូលរួមរបស់ភ្ញៀវទេសចរប្រមាណជាង ២ ពាន់នាក់ ក្នុងនោះដែរក៏មានភ្ញៀវបរទេសមួយចំនួនបានចូលរួមផងដែរ។
លោកបានបន្តទៀតថា ការរក្សាប្រពៃណីបង្ហោះខ្លែងរដូវលំហើយច្រូតកាត់ តាមរយៈនៃការរៀបចំព្រឹត្តិការណ៍ជាប្រចាំឆ្នាំនោះ គឺជាគោលដៅរបស់រដ្ឋបាលស្រុក។ ការជ្រើសរើសយកភូមិ សសី នៃឃុំត្រែង រៀបចំបង្កើតព្រឹត្តិការណ៍នេះ គឺដោយសារតែភូមិបូរាណមួយនេះ មានភាពអំណោយផលទាំងពេលវេលា អំណោយផលទាំងទីតាំង នឹងនៅជាប់ជាមួយសម្រស់ធម្មជាតិនៃជើងភ្នំគូលែនផងដែរ ដែលទាំងនេះ វាមិនទាមទារឲ្យមានភាពស្មុគស្មាញក្នុងការរៀបចំ និងមិនមានហានិភ័យខ្ពស់ទៅដល់ការព្រួយបារម្ភអំពីកូវីដ-១៩។ ម្យ៉ាងទៀតការបង្ហោះខ្លែង គឺជាល្បែងកម្សាន្តរបស់ដូនតាតាំងពីបូរាណកាលមក និងត្រូវបានរក្សាទុកនៅក្នុងសង្គមខ្មែរយើងជាប្រពៃណីប្រចាំរដូវកាល ចាប់ពីខែវិច្ឆិកា ដល់ខែមិនា ខ្យល់បក់ស្ងួតមកពីទិសឥសាន្ត ហើយក៏មានពាក់ព័ន្ធទៅ នឹងជំនឿផងដែរ។
ការបង្ហោះខែ្លងបង្ហាញថា ជារដូវអស់ទឹកភ្លៀង និងសុំកុំឲ្យមេឃបង្អោរទឹកភ្លៀង ព្រោះអ្នកស្រុកត្រូវការពេលវេលាប្រមូលភោគផលកសិកម្ម ។ ដែលជាប្រពៃណី និងជាជំនឿ យ៉ាងដូច្នេះហើយ ដែលរដ្ឋបាលស្រុកគិតថា បុណ្យខ្លែង គឺជាព្រឹត្តិការណ៍ដែលភ្ញៀវទសចរ ចាប់អារម្មណ៍ ។ លោកអភិបាលស្រុកបានបញ្ជាក់ថា ក្នុងរយៈពេលកន្លង មករដ្ឋបាលស្រុកបានរៀបចំការកម្សាន្តទៅតាមរដូវកាល នៃប្រពៃណីនៅតាមមូលដ្ឋាន ក្នុងការទាក់ទាញដល់ភ្ញៀវជាតិ អន្តរជាតិ ក្នុងការស្តារឡើងវិញលើវិស័យទេសចរណ៍ នៅក្នុងបរិបថកូវីដ១៩ និងការរស់នៅតាមកន្លងបែបថ្មី នៃកូវីដ ។
ព្រឹត្តិការណ៍បុណ្យខ្លែងបន្ទាយស្រីឆ្នាំដំបូងនេះ មានការបង្ហោះខ្លែងឯកចំនួនជាង២០ខ្លែង ក្រោមការចូលរួមដោយសមាគមអភិវឌ្ឍ និងអភិរក្សខ្លែងខ្មែរ ។ ក្រៅពីការបង្ហោះខ្លែងឯក ក៏ត្រូវបានបង្កឱកាសជូនបងប្អូនប្រជាពលរដ្ឋ ដែលចេះធ្វើខ្លែងខ្លួនឯង អាចចូលរួមបង្ហោះកម្សាន្តបាន ហើយកម្មវិធីនេះ ក៏បានស្តង់ដាក់លក់ខ្លែងតូចៗ សម្រាប់កុមារ និងយុវវ័យ ជាវយកទៅបង្ហោះលេងជាលក្ខណៈគ្រួសារផងដែរ ៕
អត្ថបទ៖ គឿនវេត
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ១៧ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៨ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៥ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៣ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក