ព័ត៌មានជាតិ

ព្រោះខ្លាចបុកម៉ូតូខាងមុខទាញចង្កូតទៅខាងស្ដាំដៃបុករបងព្រលានយន្ដហោះអន្តរជាតិភ្នំពេញខ្ទេចមួយកំណាត់មុខ

បានផុស

៤ years មុន

នៅ

ថ្ងៃអង្គារ ៨ ធ្នូ ២០២០

ដោយ

ភ្នំពេញ: បុរសម្នាក់បើករថយន្ដម៉ាកព្រូសដោយខ្លាចបុកម៉ូតូដែលធ្វើដំណើរនៅខាងមុខ ទាញចង្កូតរថយន្ដទៅបុករនាំងដែកបាំងរបងព្រលានយន្តហោះអន្ដរជាតិភ្នំពេញ ខូចខាតពីរផ្ទាំងឯរថយន្តខ្ទាតមកអែបនិងទ្រូវផ្លូវ ខ្ទេចមួយកំណាត់មុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង០៩និង២០ នាទីយប់ថ្ងៃទី០៧ ខែធ្នូឆ្នាំ២០២០ ស្ថិត នៅតាមបណ្ដោយមហាវិថីសហព័ន្ធរុស្ស៊ី ក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ព័ត៍មានពីប្រជាពលរដ្ឋដែលឃើញហេតុការណ៍នេះបានប្រាប់ឲ្យដឹងថា មុនកើតហេតុគេឃើញបុរសម្នាក់បើករថយន្ត ព្រូស ពណ៌ស ពាក់ស្លាកលេខ ភ្នំពេញ2BI-5520 ដោយធ្វើដំណើរទិសដៅពីលិច ទៅកើតក្នុងល្បឿនលឿន ពេលមកដល់ចំណុចកើតហេតុខាងលើ ដោយខ្លាចបុកម៉ូតូមួយគ្រឿងដែលធ្វើដំណើរមុខ ក៏គេចមកខាងស្ដាំដៃជ្រុលទៅបុករនាំងដែកបាំងរបងប្រលានយន្តហោះអន្តរជាតិភ្នំពេញបណ្តាលឲ្យខូចខាតពីរផ្ទាំង ខ្ទាតរថយន្ដមកក្បែរទ្រូងផ្លូវ ខូចខាតមួយកំណាត់មុខតែសំណាងល្អ ក្នុងករណីគ្រោះថ្នាក់ចរាចរណ៍នេះ មិនបណ្ដាលអោយម្ចាស់រថយន្តរងរបួសនោះទេ។ប្រភពដដែលបានបន្តថា ក្រោយពីជួបគ្រោះថ្នាក់ចរាចរណ៍ ម្ចាស់រថយន្ដបានចុះពីលើរថយន្តឡើងជិះម៉ូតូកង់បីគេចខ្លួនបាត់ ដោយបន្សល់រថយន្ដទុកនៅកន្លែងកើតហេតុ។

ក្រោយមកកម្លាំងសមត្ថកិច្ចមូលដ្ធានបានចុះដល់កន្លែងកើតហេតុ ធ្វើការទំនាក់ទំនងទៅសមត្ថកិច្ចជំនាញចុះធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ធាននគរបាលរាជធានីភ្នំពេញរងចាំម្ចាស់ចូលខ្លួនមកដោះស្រាយទៅតាមផ្លូវច្បាប់៕

អត្ថបទដោយ ៖សុខុម