ព័ត៌មានជាតិ

អាជ្ញាធរខេត្តកំពង់ស្ពឺប្រាប់ម្ចាស់អាជីវកម្មទាំងអស់ក្នុងខេត្តត្រូវតែចូលខ្លួនធ្វើបច្ចុប្បន្នភាពលើផ្ទាំងផ្សព្វផ្សាយរបស់ខ្លួនមុនអាជ្ញាធរចុះរុះរើ

បានផុស

៣ years មុន

នៅ

ថ្ងៃអង្គារ ២១ ធ្នូ ២០២១

ដោយ

អាជ្ញាធរខេត្តកំពង់ស្ពឺនៅថ្ងៃទី២១ ខែធ្នូ ឆ្នាំ២០២១ បានចេញលិខិតជូនដំណឹងមួយប្រាប់ដល់ម្ចាស់អាជីវកម្មទាំងអស់ដែលកំពុងធ្វើអាជីវកម្មនៅក្នុងខេត្តឱ្យចូលខ្លួនទៅ បំពេញបែបបទដើម្បីធ្វើបច្ចុប្បន្នភាពលើផ្ទាំងពាណិជ្ជកម្មរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលិខិតរបស់រដ្ឋបាលខេត្តកំពង់ស្ពឺដែលCNCទទួលបាននៅថ្ងៃនេះបានឲ្យដឹងថា ម្ចាស់អាជីវកម្មទាំងអស់រួមមានសណ្ឋាគារផ្ទះសំណាក់ភោជនីយដ្ឋានផ្សារឯកជន ក្រុមហ៊ុនលក់ផលិតផលភេសជ្ជៈ ក្រុមហ៊ុនសហគ្រាសឯកជន ធនាគារ គ្រឹះស្ថានមីក្រូហិរញ្ញវត្ថុ ហាងលក់ទូរសព្ទ័ដៃ ហាងលក់គ្រឿងអេឡិចត្រូនិកគ្រប់ប្រភេទ ក្រុមហ៊ុន អភិវឌ្ឍន៍បូរី ក្រុមហ៊ុនអភិវឌ្ឍន៍ដីឡូតិ៍ លំនៅឋាន គ្រឹះស្ថានឯកជន ព្រមទាំងម្ចាស់អាជីវកម្មផ្សេងៗទៀតដែលកំពុងប្រកបអាជីវកម្មទាំងអស់ជ្រាបថា ដើម្បីសោភណភាពទី ក្រុង ទីប្រជុំជន ពិសេសស្របតាមនីតិវិធីច្បាប់និងលិខិតបទដ្ឋានគតិយុត្តិជាធរមានរដ្ឋបាលខេត្តនឹងធ្វើបច្ចុប្បន្នភាពស្លាកយីហោឬផ្ទាំងផ្សព្វផ្សាយពាណិជ្ជកម្មដែលអស់ សុពលភាពនិងគ្មានលិខិតអនុញ្ញាតត្រូវមកបំពេញបែបបទស្នើសុំពីច្រកចេញ-ចូលតែមួយនៃរដ្ឋបាលក្រង-ស្រុកនីមួយៗ។

ក្នុងនោះទំហំផ្ទាំងផ្សព្វផ្សាយដែលក្រោម៤ម៉ែត្រការ៉េ ត្រូវទទួលបានការអនុញ្ញាតត្រឹមច្រកចេញចូលតែមួយស្រុក-ក្រុងដែលខ្លួនកំពុងប្រកបអាជីវកម្មលើសពី៤ម៉ែត្រការ៉េឡើងទៅម្ចាស់អាជីវកម្មត្រូវមកបំពេញបែបបទសុំលិខិតអនុញ្ញាតនៅអង្គភាពច្រកចេញ-ចូលតែមួយនៃរដ្ឋបាលខេត្តកំពង់ស្ពឺចាប់ថ្ងៃជូនដំណឹងរហូតដល់ថ្ងៃទី៣១ ខែធ្នូ ឆ្នាំ២០២១។

ជាមួយនោះលិខិតរដ្ឋបាលខេត្តកំពង់ស្ពឺក៏បានបញ្ជាក់ផងដែរថា ក្នុងករណីដែលម្ចាស់អាជីវកម្មទាំងអស់ដែលមិនអនុវត្តតាមការណែនាំខាងលើរដ្ឋបាលខេត្តនឹងអនុវត្តតាម នីតិវិធីរដ្ឋបាលនិងចុះធ្វើការរុះរើនូវផ្ទាំងផ្សព្វផ្សាយពាណិជ្ជកម្ម ស្លាកយីហោ ប៉ាណូ របារកាត់ទទឹងផ្លូវ ប្រអប់ភ្លើង ផ្ទាំងLED ផ្ទាំងផ្សព្វផ្សាយចល័តអចល័តផ្ទាំងផ្សព្វផ្សាយ ផ្សេងៗទៀតដោយបន្ទុកចំណាយនិងរាល់ការខូចខាតម្ចាស់ទីតាំងជាអ្នកទទួលខុសត្រូវ៕

ដោយ ៖ ណារី