ព័ត៌មានជាតិ
កូនប្រុសទាំង ៣ នាក់ របស់សម្តេចតេជោ បង្ហាញវត្តមាន នៅក្នុងជំនួបពិសាអាហារពេលព្រឹក ជាមួយប្រមុខរដ្ឋវៀតណាម
នៅព្រឹកថ្ងៃទី ២២ ខែធ្នូ ឆ្នាំ ២០២១នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានរៀបចំអាហារពេលព្រឹក ជូនលោក ង្វៀន សួនហ្វ៊ុក (Nguyen Xuan Phuc) ប្រធានរដ្ឋ នៃសាធារណរដ្ឋសង្គមនិយមវៀតណាម ខណៈអញ្ជើញបំពេញទស្សនៈកិច្ចនៅប្រទេសកម្ពុជា ហើយអាហារពេលព្រឹកនេះ បានធ្វើឡើងនៅភូមិគ្រឹះ របស់សម្តេចនាក្រុងតាខ្មៅ។
នៅក្នុងជំនួបពិសាអាហារពេលព្រឹក បែបលក្ខណៈគ្រួសារនេះ សម្តេចតេជោ ហ៊ុន សែន បានសំដែងនូវការស្វាគមន៍យ៉ាងសិទ្ធស្នាល ចំពោះវត្តមានរបស់លោក Nguyen Xuan Phuc ប្រធានរដ្ឋវៀតណាម ដែលបានអញ្ជើញបំពេញទស្សនកិច្ចនៅកម្ពុជា ក៏ដូចជាការផ្តល់នូវកិត្តិយសដ៏ខ្ពង់ខ្ពស់បំផុត អញ្ជើញទទួល ទានអាហារពេលព្រឹកនេះ។
អ្វីដែលជាការចាប់អារម្មណ៍ថែមទៀតនោះ នៅក្នុងពិធីទទួលទានអាហារផង ជជែកការងារផងនោះ ក៏មានវត្តមានកូនប្រុសទាំងបីរបស់សម្តេចតេជោ ហ៊ុន សែន គឺលោកបណ្ឌិត ហ៊ុន ម៉ាណែត, លោក ហ៊ុន ម៉ានិត និងលោក ហ៊ុន ម៉ានី ចូលរួមផងដែរ ហើយវត្តមានបុត្រាទាំង៣ របស់សម្តេច ក៏ត្រូវបានទទួលស្វាគមន៍យ៉ាងរាក់ទាក់ពីសំណាក់លោកប្រធានាធិបតី Nguyen Xuan Phuc ផងដែរ។
ជាការកត់សំគាល់ នៅក្នុងពិធីពិសាអាហារពេលព្រឹកជាលក្ខណៈគ្រួសារ ដែលបានចំណាយពេលប្រមាណជាងមួយម៉ោង លោក Nguyen Xuan Phuc និងសម្តេចតេជោ ហ៊ុន សែន ក៏បានធ្វើការផ្តាល់ប្តូរយោបល់ពីគ្នាទៅវិញទៅមកជុំវិញការងារមួយចំនួន ដែលបម្រើផលប្រយោជន៍ឱ្យប្រទេស និងប្រជាជន នៃប្រទេសទាំងពីរ ជាពិសេសការជំរុញកំណើនសេដ្ឋកិច្ច ពាណិជ្ជកម្ម និងដោះស្រាយផលប៉ះពាល់ពីវិបត្តិជំងឺកូវីដ១៩។
សូមបញ្ជាក់ថា នៅក្នុងថ្ងៃទីពីរ នៃដំណើរទស្សនកិច្ចរបស់ លោកប្រធានាធិបតី Nguyen Xuan Phuc នេះ បន្ទាប់ពីទទួលអាហារពេលព្រឹករួច លោក Nguyen Xuan Phuc បានអញ្ជើញចូលក្រាបបង្គំគាល់សម្ដេចព្រះអគ្គមហាសង្ឃរាជាធិបតី ទេព វង្ស សម្ដេចព្រះមហាសង្ឃរាជ នៃព្រះរាជា ណាចក្រកម្ពុជានៅវត្តឧណ្ណាលោម និងសម្ដេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត ប៊ូ គ្រី ព្រះមហាសង្ឃរាជគណៈធម្មយុត្តិកនិកាយ នៃព្រះរាជាណាចក្រកម្ពុជា នៅវត្តស្វាយពពែ ហើយលោកនឹងធ្វើដំណើរមាតុភូមិនិវត្តន៍ទៅកាន់ប្រទេសវៀតណាមវិញ នារសៀលនេះ៕
អត្ថបទ៖ កោះកែវ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ