ព័ត៌មានជាតិ

រថយន្ដក្រឡុកស៊ីម៉ងត៍បើកបំពានភ្លើងសញ្ញាចរាចរណ៍បុកម៉ូតូយុវជនម្នាក់ស្លាប់

បានផុស

៤ years មុន

នៅ

ថ្ងៃអង្គារ ៨ ធ្នូ ២០២០

ដោយ

ភ្នំពេញ ៖ រថយន្តក្រឡុកស៊ីម៉ងត៍មួយគ្រឿងរបស់ក្រុមហ៊ុន “កែអេងខនគ្រីត” បើកមិនគោរពភ្លើងសញ្ញាចរាចរណ៍ បុកម៉ូតូយុវជនម្នាក់ដែលកំពុងជិះឆ្លងផ្លូវអូសជាង១០ម៉ែត្រ កិនចំពាក់កណ្ដាលខ្លួនធ្លាយពោះស្លាប់យ៉ាងអាណោចអាធម៌ទាំងព្រឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការគ្រោះថ្នាក់ចរាចរណ៍ដ៏គួរអោយរន្ធត់នេះ បានកើតឡើងនៅវេលាម៉ោង៦នឹង៤០នាទីព្រឹក ថ្ងៃទី៨ ខែធ្នូ ឆ្នាំ២០២០ ចំណុចស្តុកចំការមន តាមបណ្តោយមហាវិថីព្រះនរោត្តម កែងនឹងវិថីសម្តេចសុធារស ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

សមត្ថកិច្ចបានអោយដឹងថា ជនរងគ្រោះដែលបានស្លាប់មានឈ្មោះ សុផាត ពិសិដ្ឋ ភេទប្រុសាអាយុ២៣ឆ្នាំ មានស្រុកកំណើតនៅឃុំស្វាយជ្រុំ ស្រុកមេសាង ខេត្តព្រៃវែង។ ជិះម៉ូតូម៉ាកហុកដាឌ្រីម សេ១២៥ ពាក់ស្លាកលេខ កំពង់ស្ពឺ 1E-7799។ចំណែកអ្នកបើករថយន្តបង្កមានឈ្មោះ ស ហម ភេទប្រុស អាយុ៣៦ឆ្នាំ មានស្រុកកំណើតឃុំម៉ឺនជ័យ ស្រុករំដួល ខេត្តស្វាយរៀង បើករថយន្តក្រឡុកស៊ីម៉ងត៍ពាក់ស្លាកលេខ 5A-3109 របស់ក្រុមហ៊ុន ”កែអេងខនគ្រីត”។

នគរបាលចរាចរណ៍ប្រចាំគោលដៅស្តុបចំការមនបានឱ្យដឹងថា ជនរងគ្រោះជិះម៉ូតូតែម្នាក់ឯង ធ្វើ ដំណើរតាមបណ្តោយផ្លូវម៉ៅសេទុង ទិសដៅពីលិចទៅកើតបំណងឆ្លងទៅវិថីព្រះសុធារស់ ខណៈដល់ចំណុចកណ្តាលស្តុប ស្រាប់តែរថយន្តក្រឡុកស៊ីម៉ងត៍របស់ក្រុមហ៊ុន”កែអេងខនគ្រីត” ដែលធ្វើ ដំណើរមកពីវិថីព្រះសុធារស់បានបន្ថែមល្បឿនបត់ឆ្វេងដោយមិនគោរពភ្លើងសញ្ញាពណ៍ក្រហម ក៏ បុកម៉ូតូជនរងគ្រោះចំពីមុខពេញទំហឹងអូសប្រមាណជិត២០ម៉ែត្រ កិនជនរងគ្រោះជាម្ចាស់ម៉ូតូចំពាក់កណ្តាលខ្លួនធ្លាយពោះស្លាប់ភ្លាមៗនៅកន្លែងកើតហេតុ។

បន្ទាប់ពីបង្កហេតុបណ្តាលឱ្យមនុស្សស្លាប់ តៃកុងរថយន្តបង្កក៏ត្រូវបានសមត្ថកិច្ចប្រចាំការគោលដៅ ស្តុបដែលកំពុងសម្រួលចរាចរណ៍ ឃាត់ខ្លួនបានភ្លាមៗយកទៅប៉ុស្តិ៍នគរបាលរដ្ឋបាលទន្លេបាសាក់ផងដែរ ។

ក្រោយមកសមត្ថកិច្ចមូលដ្ឋានបានសហការជាមួយជំនាញធ្វើការវាស់វែង ដឹកសពជនរងគ្រោះទៅរក្សាទុកនៅវត្តទឹកថ្លា រង់ចាំទំនាក់ទំនងក្រុមគ្រួសារសាច់ញាតិមកទទួលយកទៅធ្វើបុណ្យតាមប្រពៃ ណី ចំណែកវត្ថុតាងទាំង២គ្រឿងសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោក នៃស្នងការដ្ធាននគរបាលរាជធានីភ្នំពេញ រង់ចាំដោះស្រាយតាមនីតិវិធីច្បាប់ ៕

អត្ថបទដោយ ៖ សុខុម