ព័ត៌មានជាតិ
សម្ដេចតេជោ ហ៊ុន សែន៖ ទំនើបតែកន្លែងធ្វើការ បើមនុស្សមិនទំនើប ទៅមិនរួចទេ!
មានប្រសាសន៍នៅក្នុងពិធីសម្ពោធដាក់ប្រើប្រាស់ អគាររដ្ឋបាលថ្មី នៃអគ្គនាយកដ្ឋានគយ និងរដ្ឋាករកម្ពុជា នាព្រឹកថ្ងៃទី ២៣ ខែធ្នូនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ប្រសិនបើទំនើបតែកន្លែងធ្វើការ ហើយមនុស្សមិនទំនើប វាមិនអាចទៅរួចទេ។

សម្តេចតេជោ មានប្រសាសន៍ថា ដោយសាតែបញ្ហានេះ ទើបនៅក្នុងយុទ្ធសាស្ត្រចតុកោណរបស់រាជរដ្ឋាភិបាល បានយកមុំទី ៤ យកមកដាក់មុំទី ១ ចំនួនពីរអាណត្តិហើយ ដែលពីមុន “ទឹក ផ្លូវ ភ្លើង មនុស្ស” តែឥឡូវ “មនុស្ស ទឹក ផ្លូវ ភ្លើង”។ សម្តេចបញ្ជាក់ថា ចំណុចនេះហើយដែលយើងរីករាយជាមួយនឹងការរីកចម្រើន ទាំងផ្នែកទន់ និងផ្នែករឹង រាប់ទាំងធនធានមនុស្ស គឺត្រូវតែធ្វើការបណ្ដុះបណ្ដាល។
សម្ដេចតេជោបានអះអាងថា បើទោះបីជាមានអាគារ ៣៥ ជាន់ក៏ដោយ ប៉ុន្តែបើអត់មានធនធានមនុស្ស យើងក៏មិនអាចធ្វើអីដែរ។ សម្ដេចបានបញ្ជាក់ថា ចំណុចនេះ គឺជាបទពិសោធន៍ ដែលចាស់ៗជំនាន់មុនបានធ្វើ ទុកសម្រាប់អ្នកជំនាន់ក្រោយ ហើយយើងធ្វើនេះ មិនមែនសម្រាប់យើងធ្វើពេលនេះ គឺសម្រាប់ ៥០ ឆ្នាំ ១០០ ឆ្នាំក្រោយ។
សូមបញ្ជាក់ថា នៅថ្ងៃព្រហស្បតិ៍ ទី ២៣ ខែធ្នូ ឆ្នាំ២០២១នេះ សម្តេចតេជោ ហ៊ុន សែន បានអញ្ជើញសម្ពោធអគាររដ្ឋបាលអគ្គនាយកដ្ឋានគយ និងរដ្ឋាករកម្ពុជាកម្ពស់ ៣៥ ជាន់ នៅរាជធានីភ្នំពេញ។
អគាររដ្ឋបាលអគ្គនាយកដ្ឋានគយ និងរដ្ឋាករកម្ពុជា បានចាប់ផ្តើមសាងសង់នៅខែកុម្ភៈ ឆ្នាំ ២០១៧ បញ្ចប់នៅខែកក្កដា ឆ្នាំ ២០២០ មានកម្ពស់ ៣៥ ជាន់ (ដោយមិនគិតជាន់ក្រោមដី ២ ជាន់) កម្ពស់ ១២០ ម៉ែត្រ មានបណ្តោយប្រវែង ៥៤ ម៉ែត្រ ទទឹងប្រវែងជាង ២៦ ម៉ែត្រ។ អគារនេះត្រូវបានរៀបចំឡើងដោយបានចែកចេញជាច្រើនផ្នែក សម្រាប់សម្រួលដល់ការបំពេញការងាររបស់មន្ត្រី និងការផ្តល់សេវា។
អគារនេះ មានចំណត ៨ ជាន់ (រួមទាំងជាន់ក្រោមដី២ជាន់) អាចចតរថយន្តបាន ១៤២ គ្រឿង និងទោចក្រយានយន្ត ១០២ គ្រឿង បញ្ជរព័ត៌មាន (ជាន់ទី១) ច្រកចេញ-ចូលតែមួយ (ជាន់ទី៦) សាលប្រជុំ និងបន្ទប់ប្រជុំ សាលប្រជុំធំ ២ សម្រាប់ផ្ទុកអ្នកចូលរួម ១៩៨ នាក់ និងសម្រាប់ ១២៨ នាក់ និងបន្ទប់ប្រជុំតូចមួយចំនួន ការិយាល័យ ២៣ ជាន់ ការិយាល័យអគ្គនាយក បន្ទប់ទទួលភ្ញៀវ ការិយាល័យអគ្គនាយករង ការិយាល័យថ្នាក់ដឹកនាំនាយកដ្ឋាន និងការិយាល័យមន្រ្តី អាហារដ្ឋាន (ជាន់ទី២០) ក្លឹបហាត់ប្រាណ ស្ទីម និងសោណា (ជាន់ទី៣១) ស្កាយបារ (ជាន់ទី ៣៣ និង ៣៤)៕
អត្ថបទ៖ កោះកែវ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ