ព័ត៌មានជាតិ

សិស្សក្រីក្រប្រឡងបាក់ឌុបនៅខេត្តស្ទឹងត្រែងនឹងទទួលបានកន្លែងស្នាក់នៅ ដោយឥតគិតថ្លៃ

បានផុស

៣ years មុន

នៅ

ថ្ងៃសៅរ៍ ២៥ ធ្នូ ២០២១

ដោយ

សិស្សមកប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២០-២០២១មកពីវិទ្យាល័យតាមបណ្ដាស្រុកក្រុងក្នុងខេត្តស្ទឹងត្រែង គ្មានកន្លែងស្នាក់នៅ និងខ្វះខាតផ្នែកជីវភាព នឹងទទួលបានកន្លែងស្នាក់នៅ និងអាហារហូបចុកដោយឥតគិតថ្លៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាយ កុសល់ អភិបាលក្រុងស្ទឹងត្រែងបានបញ្ជាក់ថា សិស្សមកប្រលង មធ្យមសិក្សាទុតិយភូមិឆ្នាំសិក្សា ២០២០ -២០២១ នៅតាមបណ្ដាក្រុងស្រុកមាន សិស្សចំនួនសរ៉ុប៧៧៩នាក់។ក្នុងនោះមាន សិស្សក្រីក្រ គ្មានកន្លែងស្នាក់នៅចំនួន៦៩នាក់ និងខ្វះខាតផ្នែកជីវភាពចំនួន៣៥នាក់ នឹងទទួលបានកន្លែងស្នាក់នៅ និងអាហារហូបចុកដោយឥតគិតថ្លៃ។

លោកអភិបាលក្រុងបញ្ជាក់បន្ថែមថាសិស្សក្រីក្រនិងខ្វះខាតផ្នែកជីវភាពដែលមកប្រឡងមធ្យមសិក្សាទុតិយភូមិ ចំនួន៦៩នាក់ត្រូវបានម្ចាស់ផ្ទះសំណាក់ផ្តល់កន្លែងស្នាក់នៅ និងសិស្សខ្វះខាតផ្នែកជីវភាពចំនួន៣៥ និងទទួលបានថវិកាក្នុងម្នាក់ ៦ម៉ឺនរៀល ក្នុងមួយថ្ងៃសម្រាប់ការហូបចុករយៈពេលបីថ្ងៃក្នុងពេលប្រឡង។

លោក ហ៊ាង ប៉ូលី ប្រធានមន្ទីរអប់រំ យុវជន និងកីឡាខេត្តបានបញ្ជាក់ថា ខេត្តស្ទឹងត្រែងមានមណ្ឌលប្រឡងចំនួន ០២មណ្ឌល ក្នុងនោះមានមណ្ឌលគរុកោសល្យភូមិភាគស្ទឹងត្រែង និងមណ្ឌលវិទ្យាល័យព្រះរាជបូជនីយកិច្ច មានបេក្ខជនប្រឡងចំនួន៧៧៩នាក់ស្រី៤១៥នាក់។

លោកប្រធានមន្ទីរអប់រំបានបញ្ជាក់បន្ថែមថា ក្នុងនោះយើងបែងចែកចេញជា ២៖ ១).ថ្នាក់វិទ្យាសាស្ត្រសង្គមមាន ២៦បន្ទប់ បេក្ខជន ៦២៨នាក់, ២).ថ្នាក់វិទ្យាសាស្ត្រមាន ០៧បន្ទប់ បេក្ខជន ១៥១នាក់ ស្រី ៨៣នាក់។ការប្រឡងសញ្ញាបត្រមធ្យមសិក្សាទុតិយភូមិនឹងធ្វើឡើងនៅថ្ងៃទី២៧ ខែធ្នូ ឆ្នាំ២០២១ ខាងមុខនេះ ។

លោកប្រធានមន្ទីរបន្តថា “ការរៀបចំការប្រឡងសញ្ញាបត្រមធ្យមសិក្សាទុតិយភូមិឆ្នាំនេះ នឹងធ្វើឲ្យបានល្អប្រសើរ ទទួលបាននូវលទ្ធផលល្អនិង ស្របតាមវិធានសុខាភិបាល ពិសេសវិធានការ ៣ការពារ ៣កុំ ដើម្បីទប់ស្កាត់ការឆ្លងរីករាលដាលនៃ ជំងឺកូវីដ១៩៕

អត្ថបទ៖ ងិនលីម