ព័ត៌មានជាតិ

ផលត្រីឆ្នាំនេះនៅរាជធានីភ្នំពេញចាប់បានជាង ៥៣០ តោនលើសឆ្នាំ ២០២០ចំនួនជាង៣០តោន

បានផុស

៣ years មុន

នៅ

ថ្ងៃសៅរ៍ ២៥ ធ្នូ ២០២១

ដោយ

ផលត្រីចាប់បាននៅតាមគន្លងដាយក្នុងភូមិសាស្ត្ររាជធានីភ្នំពេញឆ្នាំ ២០២១ មានការកើនឡើងខ្ពស់ជាងឆ្នាំ ២០២០ ប្រមាណជាង៣០តោននិងខ្ពស់ជាឆ្នាំ ២០១៩ តែវាតិចជាងបណ្តាឆ្នាំនានាកាលពីប៉ុន្មានឆ្នាំមុនដែលក្នុងមួយឆ្នាំៗចាប់បានដល់ជាង១.០០០ តោន ។ផលនេសាទឆ្នាំ២០២១ នេះនៅរាជធានីភ្នំពេញចាប់បានចំនួន៥៣០តោន កើនខ្ពស់ជាងឆ្នាំ២០២០ប្រមាណជា៣០តោន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងិន ឌី នាយខណ្ឌរដ្ឋបាលជលផលរាជធានីភ្នំពេញបានប្រាប់ឱ្យកម្ពុជាថ្មីដឹងនៅថ្ងៃទី២៤ ខែធ្នូ ឆ្នាំ២០២១ថា ផលនេសាទចាប់បានតាមគន្លងដាយក្នុងដងទន្លេសាបភូមិសាស្ត្ររាជធានីភ្នំពេញ នៅក្នុងឆ្នាំ២០២១នេះ បានចំនួនប្រមានជា៥៣០តោន (ត្រីសម្រាប់ធ្វើប្រហុកផ្អក) គឺកើនលើសឆ្នាំ២០២០ ប្រមាណជា៣០តោន និង ក៏កើន លើសឆ្នាំ២០១៩ផងដែរ។

នាយខណ្ឌរដ្ឋបាលជលផលខាងលើនិយាយឱ្យដឹងទៀតថាផលនេសាទចាប់បាននៅតាមគន្លងដាយក្នុងឆ្នាំ២០២០បានចំនួនប្រមាណជា៥០០តោន។ ផលចាប់ត្រី នៅតាមគន្លងដាយមានការថយចុះក្នុងរយៈពេលបួនប្រាំឆ្នាំចុងក្រោយ ដោយសារស្ថានភាពទឹកទន្លេមានកម្រិតទាប និង ជន់ឡើងមិនបានទៀងទាត់តាមរដូវកាល។ កាលពីមុនពេលបួនប្រាំឆ្នាំមុនផលចាប់ក្នុងមួយឆ្នាំៗបានលើសពីជាងមួយពាន់តោន។លោកបន្តថផលចាប់ថយចុះនេះដោយទឹកទន្លេជន់ឡើងមានកម្រិតទាបនិងជន់ឡើងមិនបានទៀតទាត់តាមរដូវកាល។

លោកងិន ឌី និយាយឱ្យដឹងផងដែរថាគន្លងដាយត្រីសម្រាប់ដាក់ជួលឱ្យធ្វើអាជីវកម្មនេសាទដោយរដ្ឋបាលជលផលតាមរយៈការដេញថ្លៃឬជួលនៅរាជធានីភ្នំពេញ មានចំនួន២២គន្លងដាយ ដោយកាលពីជិត១០ឆ្នាំមុនអ្នកធ្វើអាជីវកម្មនេសាទប្រជែងគ្នាធ្វើអាជីវកម្ម តែប៉ុន្មានឆ្នាំចុងក្រោយនេះ គន្លងដាយមួយចំនួនលែងមានអ្នកដេញថ្លៃនិងក៏លែង មានអ្នកជួលដោយសារចាប់ត្រីមិនបាន ដូចនៅក្នុងឆ្នាំ២០២១នេះគន្លងដាយចំនួន៦នៅក្នុងចំណោមគន្លងដាយទាំង២២គ្មានអ្នកជួលនៅទំនេចោល៕

អត្ថបទ៖ណារី

Related Topics:ផលនេសាទ