ក្រសួងអប់រំ បង្ហាញសកម្មភាព បេក្ខជនប្រឡងបាក់ឌុប ២រូប វិជ្ជមានកូវីដ-១៩

ក្រសួងអប់រំ យុវជន និងកីឡា នៅព្រឹកថ្ងៃទី ២៧ ខែធ្នូ ឆ្នាំ ២០២១ បានបង្ហាញសកម្មភាពនៃការប្រឡងរបស់បេក្ខជនជាកីឡាករ ២រូប ដែលវិជ្ជមានជំងឺកូវីដ-១៩។

ក្រសួងអប់រំ យុវជន និងកីឡា បានឲ្យដឹងថា យោងតាមអនុសាសន៍ របស់សម្ដេចតេជោ ហ៊ុន សែន នាយករដ្ឋមន្ត្រី​នៃកម្ពុជា កាលពីថ្ងៃទី ២៦ ខែធ្នូ ឆ្នាំ ២០២១ ក្រសួងបានអនុញ្ញាតឲ្យកីឡាករ ២រូប ចូលរួមប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលព្យាបាលកូវីដ -១៩ គឺមជ្ឈមណ្ឌលជាតិកំចាត់រោគរបេង និងហង់សិន។

សូមជម្រាបថា បេក្ខជនដែលវិជ្ជមានទាំង ២រូប ជាកីឡាករការ៉ាត់តេដូ ដែលរាជរដ្ឋាភិបាល បានបញ្ចូនទៅប្រកួតនៅប្រទេសកាហ្សាក់ស្តង់ ហើយទើបត្រឡប់មកដល់ប្រទេសកម្ពុជា កាលពីពេលថ្មីៗនេះ ត្រូវបានអនុញ្ញាតឲ្យចូលរួម ប្រឡងសញ្ញាបត្រមធ្យមសិក្សាទុតិយភូមិ ក្រោមការសហការរៀបចំដោយក្រសួងអប់រំ យុវជន និងកីឡា ក្រសួងសុខាភិបាល និងគ្រប់ភាគីពាក់ព័ន្ធ៕