ថ្នាក់ដឹកនាំ និងមន្រ្តីជាន់ខ្ពស់ ចាប់ផ្ដើមចូលរួមបរិច្ចាគថវិកា ទិញវ៉ាក់សាំងកូវីដ

មន្រ្តីជាន់ខ្ពស់ នៃរាជរដ្ឋាភិបាលកម្ពុជា បន្តចូលរួមបរិច្ចាគថវិកា ដើម្បីទិញវ៉ាក់សាំងកូវីដ-១៩ ចាក់ជូនពលរដ្ឋខ្មែរ ដោយមិនគិតថ្លៃ។

ការចូលរួមបរិច្ចាគថវិកា ដែលមានសកម្មភាពជាបន្តបន្ទាប់នេះ បានកើតឡើងក្រោយ ពី សម្ដេច តេជោ ហ៊ុន សែន ប្រកាសបើកទទួលជំនួយថវិកា សម្រាប់ទិញ វ៉ាក់សាំង កូវីដ-១៩ ។

ខាងក្រោមជាបញ្ជីឈ្មោះ មន្រ្តីជាន់ខ្ពស់ ដែលបរិច្ចាគថវិកា ៖

ឯកឧត្តម ស៊ុន ចាន់ថុល និងលោកជំទាវ បរិច្ចាគថវិកា ៣ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំង​កូវីដ-១៩។

ឯកឧត្តម កិតិ្ដនីតិកោសលបណ្ឌិត ប៊ិន ឈិន និងលោកជំទាវ បរិច្ចាគថវិកា ២ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំងកូវីដ-១៩។

ឯកឧត្តម វេង សាខុន និងលោកជំទាវ បរិច្ចាគថវិកា ២ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំង កូ​វីដ​-១៩។

ឯកឧត្តម អ៉ិត សំហេង បរិច្ចាគថវិកា១ម៉ឺនដុល្លារ ជូនសម្តេចតេជោ ហ៊ុន សែន ទិញវ៉ាក់សាំង កូវីដ-១៩។

ឯកឧត្តម កើត រិទ្ធ និងលោកជំទាវ យ៉េត ម៉ូលីន បរិច្ចាគថវិកា ៤០លានរៀល ជូនសម្តេចតេជោ ហ៊ុន សែន ទិញវ៉ាក់សាំងកូវីដ-១៩។

ឯកឧត្តមបណ្ឌិតសភាចារ្យ អ៊ុក រ៉ាប៊ុន បរិច្ចាគថវិកា១ម៉ឺនដុល្លារ ជូនសម្តេចតេជោ ហ៊ុន សែន ទិញ វ៉ាក់សាំង កូវីដ-១៩។

លោកជំទាវ កិត្តិសង្គហបណ្ឌិត ម៉ែន សំអន បរិច្ចាគថវិកា ៥ពាន់ដុល្លារ ជូនសម្តេចតេជោ ហ៊ុន សែន ទិញវ៉ាក់សាំង កូវីដ​-១៩។

នាយប់ថ្ងៃទី ០៧ ខែធ្នូ ឆ្នាំ ២០២០ សម្តេចតេជោ ហ៊ុន សែន បានប្រកាស ទិញ វ៉ាក់សាំង ចំនួន ១ លាន ដូស ដើម្បីចាក់ជូនប្រជាពលរដ្ឋ ប្រមាណ ៥០ ម៉ឺន នាក់ ហើយមកទល់ពេលនេះ មានសប្បុរសជន បានចូលរួមបរិច្ចាគថវិកាយ៉ាងច្រើន ផងដែរ៕