ព័ត៌មានជាតិ
បេក្ខជនពិការភ្នែកនិងគថ្លង់ ៣០នាក់ ចូលរួមប្រឡងបាក់ឌុបឆ្នាំនេះ
អ្នកនាំពាក្យក្រសួងអប់រំយុវជននិងកីឡាបានមានប្រសាសន៍ថា ក្នុងចំណោមបេក្ខជនជាង ១១ ម៉ឺននាក់ចូលរួមប្រឡងសញ្ញាបត្រមធ្យមសិក្សាទុតិយភូមិសម័យប្រឡង ២៧ ធ្នូ ឆ្នាំ ២០២១នេះ ក្នុងនោះមានបេក្ខជនពិការភ្នែកនិងគថ្លង់ចូលរួមប្រឡងចំនួន ៣០ នាក់ស្រី ១៤ នាក់។
លោក រស់ សុវាចាវាចា អ្នកនាំពាក្យក្រសួងអប់រំយុវជននិងកីឡាបានមានប្រសាសន៍នៅព្រឹកថ្ងៃទី២៧ធ្នូនេះថា បេក្ខជនពិការភ្នែកនិងគថ្លង់ចូលរួមប្រឡងចំនួន៣០នាក់នោះ មានពិការភ្នែកចំនួន១៨នាក់ស្រី៧នាក់ និងគថ្លង់ចំនួន ១២ នាក់ស្រី ៧ នាក់។

លោកបានបន្តថា ក្នុងចំណោមបេក្ខជនពិការភ្នែកនិងគថ្លង់៣០នាក់ប្រឡង នៅមណ្ឌលរាជធានីភ្នំពេញចំនួន ១០ នាក់ស្រី ៣ នាក់ក្នុងនោះ មានបេក្ខជនគថ្លង់ចំនួន ៣ នាក់ស្រី ១ នាក់ប្រឡងថ្នាក់វិទ្យាសាស្ត្រនៅមណ្ឌលវិទ្យាល័យហ៊ុនសែនប៊ុនរ៉ានីផ្សារដើមថ្កូវ និងបេក្ខជនពិការភ្នែក៧នាក់ស្រី២នាក់ប្រឡងថ្នាក់វិទ្យាសាស្ត្រសង្គម នៅវិទ្យាល័យសម្តេចហ៊ុនសែនភ្នំពេញថ្មី។


លោកបានបន្តទៀតថា ខេត្តកំពង់ចាមមានចំនួន១២នាក់ស្រី៧នាក់ ក្នុងនោះមានពិការភ្នែកចំនួន៩នាក់ស្រី៤នាក់និងគថ្លង់ចំនួន ៣ នាក់ស្រីទាំង ៣ នាក់ប្រឡងថ្នាក់វិទ្យាសាស្ត្រនៅមណ្ឌលគរុកោសល្យខេត្តកំពង់ចាម។ ខេត្តបាត់ដំបងមាន៤ នាក់ស្រី ២ នាក់ក្នុងនោះមានបេក្ខជនគថ្លង់ ២ នាក់ស្រី១នាក់ប្រឡងថ្នាក់វិទ្យាសាស្ត្រនៅមណ្ឌលវិទ្យាល័យ អន្លង់វិលនិងបេក្ខជនពិការភ្នែក ២ នាក់ស្រី១នាក់ប្រឡងថ្នាក់វិទ្សាសាស្ត្រសង្គមនៅមណ្ឌលវិទ្យាល័យក្តុលដូនទាវនិងខេត្តសៀមរាបមាន៤នាក់ស្រី២នាក់ ជាបេក្ខជនគថ្លង់ប្រឡងថ្នាក់វិទ្យាសាស្ត្រនៅមណ្ឌលវិទ្យាល័យសម្តេចឪខេត្តសៀមរាប។
សម្រាប់ការប្រឡងបាក់ឌុបនៅថ្ងៃទី២៧និង២៨ខែធ្នូខាងមុខនេះមានបេក្ខជនចុះឈ្មោះប្រឡងសរុប ១១៤ ១៨៣នាក់ ស្រី៦០ ៣៩៧ នាក់មានមណ្ឌលសំណេរចំនួនសរុប ២០៤ មណ្ឌល ត្រូវជា ៤ ៦១៦បន្ទប់។ បេក្ខជនត្រូវបានរៀបចំចំនួន២៥នាក់ ក្នុងមួយបន្ទប់លើកលែងតែបន្ទប់ចុងក្រោយ និងបន្ទប់ដែលមានបេក្ខជនមកពីវិទ្យាល័យអប់រំពិសេស។
អត្ថបទ៖ សំអឿន

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ