ព័ត៌មានជាតិ
២ថ្ងៃ ខេត្តឧត្ដរមានជ័យ មានបេក្ខជនអវត្តមានប្រឡងបាក់ឌុប ជិត ៣,៤៥%
ប្រធានមន្ទីរអប់រំ យុវជន និងកីឡា បានឱ្យដឹងថា បេក្ខជនប្រឡងសញ្ញាបត្រមធ្យមសិក្សាទុតិយភូមិ នៅខេត្តឧត្ដរមានជ័យ ឆ្នាំ ២០២១ ក្នុងរយៈពេល២ថ្ងៃនេះ បានអវត្តមានចំនួនជិត ៣,៤៥% នៃបេក្ខជនសរុប ដោយរាប់ទាំងបេក្ខជនស្វៃរិន។

លោក ប៉ិច រតនា ប្រធានមន្ទីរអប់រំ យុវជន និងកីឡា ខេត្តឧត្ដរមានជ័យ មានប្រសាសន៍ប្រាប់ “កម្ពុជាថ្មី” នៅរសៀលថ្ងៃទី ២៨ ខែធ្នូ នេះថា ដំណើរការប្រឡងទាំង ៣ មណ្ឌលនៅខេត្តឧត្តរមានជ័យ មានបេក្ខជនអវត្តមានសរុបមានចំនួនប្រហែល ៣,៤៥% ស្មើ ៥១ នាក់ មានស្រីចំនួន ២៧ នាក់ ក្នុងនោះមានបេក្ខជនចំណេះទូទៅចំនួន ២១ នាក់ ស្រី ១២ នាក់ និង បេក្ខជនបំពេញវិជ្ជា និងស្វៃរិនមានចំនួន ៣០ នាក់ ស្រី ១៥ នាក់។

លោក ប៉ិច រតនា បញ្ជាក់បន្ថែមថា ចំពោះបេក្ខជនក្នុងបញ្ជីសរុបចំនួន ១ ៤៧៩ នាក់ ក្នុងនោះស្រីមានចំនួន ៨០២ នាក់។ ដូចនេះបេក្ខជនមកប្រឡងមានចំនួន ១ ៤២៨ នាក់ ស្មើនឹង ៩៦,៥៥% ដោយមានស្រីចំនួន ៧៧៥ នាក់។
ប្រធានមន្ទីរអប់រំ យុវជន និងកីឡា ខេត្តឧត្ដរមានជ័យ ខាងលើបានឱ្យដឹងទៀតថា ចំពោះសុខភាព គឺទាំងបេក្ខជន និងគណៈកម្មការមេប្រយោគ មានស្ថាពភាពល្អ និងដំណើរប្រឡងមានភាពរលូន ដោយពុំបេក្ខជនណាបានអ្នកធ្វើខុសវិន័យនៃការប្រឡងនោះទេ។

គួរបញ្ជាក់ថា ខេត្តឧត្ដរមានជ័យ ការប្រឡងសញ្ញាបត្រមធ្យមសិក្សា ទុតិយភូមិ សម័យប្រឡង ២៧ ខែធ្នូ ឆ្នាំ២០២១ នៅខេត្តឧត្ដរមានជ័យ មានចំនួន ៦០ បន្ទប់ នៅ ៣ មណ្ឌលប្រឡង គឺ មណ្ឌលប្រឡង វិទ្យាល័យ ហ៊ុន សែន ឧត្តរមានជ័យ សម្រាប់បេក្ខជន ថ្នាក់វិទ្យាសាស្រ្ត ចំណែក មណ្ឌល វិទ្យាល័យ តេជោ សែន សំរោង និងមណ្ឌល បឋមសិក្សា សំរោង សម្រាប់បេក្ខជន ថ្នាក់ វិទ្យាសាស្រ្តសង្គម៕
អត្ថបទ៖ ច័ន្ទ វីរៈ


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ