ខុស​ពី​​ក្រុមហ៊ុន ៨ នេះ មិន​អាច​មាន​សិទ្ធិកែរថយន្ត​ចង្កូត​ពី​​ស្តាំ​មក​ឆ្វេងទេ​

ក្រសួងសាធារណការ​ និងដឹកជញ្ជូន​​បាន​ប្រកាស​ទទួល​ស្គាល់​​ក្រុមហ៊ុនចំនួន០៨​ អាច​ធ្វេីអាជីវកម្ម​កែ​ចង្កូតពីស្តាំមកឆ្វេង ស្រប​តាម​សេចក្តីសម្រេច​របស់​រដ្ឋាភិបាល​។

សេចក្តីជូនដំណឹងរបស់ក្រសួងសាធារណការនិង​ដឹក​ជញ្ជូន ​នឹង​មិនអនុញ្ញាតឱ្យរថយន្តគ្រប់ប្រភេទ​កែចង្កូតពីស្តាំមកឆ្វេង​ នៅតាមយានដ្ឋានគ្មានច្បាប់អនុញ្ញាតធ្វេីអាជីវកម្ម​ ដោយសារសកម្មភាពកែចង្កូតពីស្តាំមកឆ្វេងនៅតាមយានដ្ឋាន​ ពុំមានលក្ខណៈបច្ចេកទេសត្រឹមត្រូវ​ ដែលអាចបណ្តាលឱ្យរថយន្តបេីកបរពុំមានសុវត្ថិភាព​ និងបង្កគ្រោះថ្នាក់ជាយថាហេតុនៅពេលធ្វេីចរាចរណ៍លេីផ្លូវថ្នល់។

ក្រសួងសាធារណការ​ និងដឹកជញ្ជូន​បង្ហាញ​ឈ្មោះ​ក្រុមហ៊ុនចំនួន០៨​ ដែល​ទទួល​បាន​ការ​អនុញ្ញាតិ​ឲ្យ​ធ្វេីអាជីវកម្មកែចង្កូតពីស្តាំមកឆ្វេងរួមមាន៖

១.ក្រុមហ៊ុន​ Fuji Form Co., Ltd
២.ក្រុមហ៊ុន​ Lien Thong Investment Group Co.Ltd
៣.ក្រុមហ៊ុន​ S.T.P International (Cambodia )Public Co., Ltd
៤.ក្រុមហ៊ុន​ Seconimex Co., Ltd
៥.ក្រុមហ៊ុន​ សុវណ្ណយន្ត( SOVANN YAUN Co., Ltd)
៦.ប៉ាស្ទ័រ​មានជ័យ
៧.ក្រុមហ៊ុន​ ភី.អ.វ៉ាយ​ គ្លូបល​ ឯ.ក
៨.ក្រុមហ៊ុន​ ប៉ាវ​ គីមស្រ៊ាង

រដ្ឋាភិបាលកម្ពុជា​បានប្តេជ្ញានឹង​មិនឲ្យ​មាន​​រថយន្តចង្កូតស្តាំប្រើប្រាស់​នៅលើដង​ផ្លូវ​ទៀតឡើយ។ សម្តេច​ ហ៊ុន សែន​ នាយករដ្ឋមន្ត្រីកម្ពុជាបាន​ថ្លែង​បែបនេះនៅក្នុងកិច្ច​ប្រជុំពេញអង្គគណៈរដ្ឋមន្ត្រីនាព្រឹកថ្ងៃទី៨ ខែតុលា។  

ចាប់ពីថ្ងៃទី១ ខែកក្កដា ឆ្នាំ២០២២តទៅ កម្ពុជាមិនអនុញ្ញាតឱ្យរថយន្តឯកជនដែលមានចង្កូតស្ដាំធ្វើដំណើរលើផ្លូវសាធារណៈទៀតឡើយ។ ប៉ុន្តែលើកលែងតែរថយន្តចង្កូតស្ដាំមួយចំនួនដែលមានការអនុគ្រោះពីរាជរដ្ឋាភិបាល ក្នុងនោះ​ដូចជា រថយន្តសង្គ្រោះបន្ទាន់ រថយន្តពន្លត់អគ្គីភ័យ និងរថយន្តដឹកសំរាមជាដើម។

រាជរដ្ឋាភិបាល​កម្ពុជា​បានទុកពេល​ឲ្យម្ចាស់​រថយន្តចង្កូតស្តាំទាំងអស់ ត្រូវរួសរាន់មកបង់ប្រាក់ពន្ធអាករ ដើម្បីទទួលបានការអនុគ្រោះបន្ធូរ បន្ថយពន្ធចំនួន១០%ដែរ និងត្រូវយករថយន្តទៅកែចង្កូតឆ្វេងឱ្យបានមុនថ្ងៃទី៣០ ខែមិថុនា ឆ្នាំ​២០២២​។