ព័ត៌មានជាតិ

ស្ពានអាកាសចោមចៅ សម្រេចបាន ៩២ ភាគរយ នឹងរួចរាល់នៅចុងខែមីនា ២០២២

បានផុស

៣ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

ដំណើរការស្ថាបនាស្ពានអាកាសចោមចៅ បានសម្រេចបានជាង ៩២ ភាគរយ គិតត្រឹមថ្ងៃ ៣០ ធ្នូ ឆ្នាំ២០២១។ នេះបើតាមប្រភពពីមន្ទីរសាធារណការរាជធានីភ្នំពេញ។

ការដ្ឋានកំពុងឈានទៅអ៊ុតកៅស៊ូលើស្ពានអាកាសកំណោងបត់ឆ្វេង ពីមហាវិថីចោមចៅបត់ឆ្វេងទៅផ្លូវជាតិលេខ ៣ នៃការដ្ឋានសាងសង់ស្ពានអាកាស និងផ្លូវក្រោមដីចោមចៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈដែលស្ពានអាកាស និងផ្លូវក្រោមដីចោមចៅ សម្រេចការសាងសង់បានជាង ៩០ ភាគរយ អាជ្ញាធរបានសម្រេចបើកឲ្យប្រើប្រាស់បណ្តោះអាសន្នកំណាត់ផ្លូវមួយចំនួន ដើម្បីសម្រួលការធ្វើដំណើររបស់ប្រជាពលរដ្ឋ។

ស្ពានអាកាសនិងផ្លូវក្រោមដីក្នុងគម្រោងស្ពានអាកាសចោមចៅទាំង ៣ ខ្សែ ដែលបើកឲ្យប្រើប្រាស់បណ្តោះអាសន្នមាន៖

-ផ្លូវក្រោមដីភ្ជាប់ចរាចរពីផ្លូវជាតិលេខ៤ មកផ្លូវសហព័ន្ធរុស្ស៊ីមានប្រវែងសរុប ៤៧០ម៉ែត្រ ទទឹង៨,៥ម៉ែត្រ ជាផ្លូវឯកទិសមានពីរគន្លងរថយន្ត និងមួយគន្លងទោចក្រយានយន្ត ដែលបានបើកឲ្យប្រើប្រាស់បណ្តោះអាសន្ននៅថ្ងៃទី២៦ ខែតុលា ឆ្នាំ២០២០។

ដោយឡែកផ្លូវ ២ខ្សែទៀតក៏បានបើកឲ្យប្រើប្រាស់បន្ថែមក្នុងនោ៖ខ្សែទីមួយជាផ្លូវក្រោមដីភ្ជាប់ពីផ្លូវជាតិលេខ ៤ ឆ្ពោះទៅមហាវិថីចោមចៅជាផ្លូវឯកទិស មានប្រវែង ៤៥៨ម៉ែត្រ ទទឹង ៨.៥ម៉ែត្រ និងខ្សែទីពីរជាផ្លូវឯកទិសភ្ជាប់ចរាចរណ៍ពីផ្លូវជាតិលេខ ៤ បត់ស្តាំឆ្ពោះទៅផ្លូវជាតិលេខ ៣ មានប្រវែង ១១៦ម៉ែត្រ ទទឹង ៥.៥ម៉ែត្រ។

ស្ពានអាកាស និងផ្លូវក្រោមដីចោមចៅ ជាគម្រោងរបស់រាជរដ្ឋាភិបាលកម្ពុជាតាមរយៈរដ្ឋបាលរាជធានីភ្នំពេញ ដោយទទួលម៉ៅការសាងសង់ដោយក្រុមហ៊ុនវិនិយោគទុនអានិកជនកម្ពុជា(OCIC) ដោយប្រើប្រាស់ថវិកាប្រមាណ២២លានដុល្លារអាមេរិក៕

Related Topics:ហេដ្ឋារចនាសម្ព័ន្ធ