ព័ត៌មានជាតិ
ខេត្តក្រចេះជាប់ដងទន្លេ សំបូរធនធានធម្មជាតិ ទេសចរឆ្ងាយជិតចង់ស្គាល់
ខេត្តក្រចេះស្ថិតនៅជាប់ដងទន្លេមេគង្គ ហើយជាខេត្តមានសក្តានុពលលើវិស័យទេសចរណ៍។ ភាពស្រស់ត្រកាល និងភាពសំបូរបែបនៃធនធានធម្មជាតិ បានទាក់ទាញភ្ញៀវទេសចរមកកម្សាន្តសម្រាកលំហែកាយ និងចង់ដឹងចង់ស្គាល់តំបន់ដែលមានទេសភាពល្អស្អាតនៅក្នុងខេត្តនេះ។
លោកចាន់ សុគន្ធី ប្រធានមន្ទីរទេសចរណ៍ខេត្តក្រចេះបានឲ្យកម្ពុជាថ្មីដឹងថា នៅក្នុងខេត្តក្រចេះមានតំបន់រមណីយដ្ឋានទេសចរណ៍សរុបចំនួន ២០កន្លែង ក្នុងនោះរមណីយដ្ឋានវប្បធម៌ប្រវត្តិសាស្ត្រមាន ០៥កន្លែង រមណីយដ្ឋានធម្មជាតិមាន ១១កន្លែង រមណីយដ្ឋានវប្បធម៌ធម្មជាតិមាន ០១កន្លែង កែច្នៃចំនួន ០៣កន្លែង និងរមណីដ្ឋានបម្រុងទុកចំនួន ០១កន្លែង (សហគមន៍អេកូទេសចរណ៍ទឹកជួរតាចោរក្រហមករ)។
តំបន់ទេសចរណ៍ដ៏ពេញនិយមទាំង ២០ កន្លែងនៅខេត្តក្រចេះមានដូចជា៖
១. រមណីយដ្ឋានវប្បធម៌ប្រវត្តិសាស្រ្ត
-វត្តសសរ១០០៖ មានទីតាំងស្ថិតនៅភូមិសំបូរ ឃុំសំបូរ ស្រុកសំបូរ ចម្ងាយផ្លូវ ៣៦គីឡូម៉ែត្រ ពីទីរួមខេត្តក្រចេះ។ វត្តសសរ ១០០ ជាកន្លែងគោរពបូជាតាមបែបជំនឿព្រះពុទ្ធសាសនា។ ភ្ញៀវទេសចរទៅកម្សាន្តតែងតែទៅអុជធូបបន់ស្រន់សុំសេចក្តីសុខ និងទស្សនាទិដ្ឋភាពស្រស់ស្អាតនៃព្រះវិហារ ដែលមានដំណាលរឿងពាក់ព័ន្ធនឹង “បុត្រីព្រះបាទចន្ទរាជា(ចេតីយ៍ព្រះនាងក្រពុំឈូក) និងក្រពើនេនធន (វត្តវិហារគោកដែលស្ថិតនៅខាងកើតវត្តវិហារសសរ១០០ ចម្ងាយ៥០០ម៉ែត្រ)។
– ភ្នំសំបុក ៖ មានទីតាំងស្ថិតនៅភូមិថ្មគ្រែ ឃុំថ្មគ្រែ ស្រុកចិត្របុរី ចម្ងាយផ្លូវ១០គីឡូម៉ែត្រ ពីទីរួមខេត្តក្រចេះ ហើយក៏ជាទីកន្លែងគោរពសក្ការៈបូជា និងធ្វើវិបស្សនាសមាទានសីល។ ម្យ៉ាងទៀតភ្ញៀវទេសចរអាចឈរលើកំពូលភ្នំគយគន់ ទេសភាពជុំវិញនិងដងទន្លេមេគង្គដ៏ស្រស់ស្អាត។
– វត្តវិហារបុរាណរកាកណ្តាល៖ មានទីតាំងស្ថិតនៅភូមិរកាកណ្តាល សង្កាត់រកាកណ្ដាល ក្រុងក្រចេះ។ វិហារបុរាណនេះ សាងសង់ពីឈើប្រក់ក្បឿងមានអាយុកាលជាង ២០០ ឆ្នាំ រចនាប័ទតាមបែបបុរាណគួរឲ្យចង់គយគន់ រួមទាំងនៅជិតមាត់ទន្លេអាចស្រូបយកខ្យល់អាកាសធម្មជាតិនៅទីនោះ។
– ភ្នំសុពណ៌កាឡី៖ មានទីតាំងស្ថិតនៅភូមិចំបក់ ឃុំចំបក់ ស្រុកព្រែកប្រសព្វ ចម្ងាយ ៤៥គីឡូម៉ែត្រពីទីរួមខេត្តក្រចេះ។ តំបន់រមណីយដ្ឋានមួយនេះ ជាកន្លែងគោរពសក្ការៈបូជា ក៏ដូចជាទីកន្លែងបន្ធូរអារម្មណ៍តានតឹងព្រោះនៅជុំវិញជើងភ្នំរំព័ទ្ធ ទៅដោយផ្ទះប្រជាពលរដ្ឋ និងចម្ការស្រែ ព្រមទាំងដងទន្លេដ៏ស្រស់ស្អាតមានភាពទាក់ទាញ ហើយម្យ៉ាងវិញទៀតក៏មានរឿងដំណាលពាក់ព័ន្ធទៅក្រពើសុពណ៌កាឡីដែលជាឈ្មោះភ្នំនេះផងដែរ។
– ប្រាសាទប្រាំ៖ មានទីតាំងស្ថិតនៅភូមិចង្អង់ ឃុំចង្កង់ ស្រុកចិត្របុរី មានចម្ងាយផ្លូវ១៨គីឡូម៉ែត្រ ពីទីរួមខេត្តក្រចេះ។ ទីនេះជាទីតាំងប្រាសាទសាងសង់តាំងពីសម័យចេនឡា បច្ចុប្បន្នប្រាសាទទាំងនេះបាក់បែកនិងកប់ក្នុងដីស្ទើរទាំងស្រុង នៅសល់តែបំណែកតិចតួចតែប៉ុណ្ណោះ។
២. រមណីយដ្ឋានធម្មជាតិ
– អន្លង់ផ្សោត៖ មានទីតាំងស្ថិតនៅភូមិសំបុក ឃុំសំបុក ស្រុកចិត្របុរី មានចម្ងាយផ្លូវ ៦៥ គីឡូម៉ែត្រពីទីរួមខេត្តក្រចេះ។ ភ្ញៀវទេសចរអាចជិះទូកកម្សាន្តទស្សនាសត្វផ្សោតដ៏កម្រក្នុងដងទន្លេមេគង្គ និងអាចទិញវត្ថុអនុស្សាវរីយ៍ រូបចម្លាក់សត្វផ្សោត ឬចម្លាក់ផ្សេងៗដែលជាស្នាដៃផ្ទាល់របស់បងប្អូនប្រជាពលរដ្ឋក្នុងសហគមន៍នៅតំបន់នេះ។
-រមណីយដ្ឋានទឹកជួរទន្លេមេគង្គ-កាំពី៖ មានទីតាំងស្ថិតនៅភូមិកាំពី ឃុំសំបុក ស្រុកចិត្របុរី មានចម្ងាយផ្លូវ១៦គីឡូម៉ែត្រ ពីទីរួមខេត្តក្រចេះ។ ភ្ញៀវទេសចរអាចសម្រាកលំហែកាយនៅតាមរោងទឹក ដែលសាងសង់ជាជួរនៅលើផ្ទៃនៃដងទន្លេមេគង្គ ក៏ដូចជាទទួលទានអាហារស្រស់ៗថ្មីៗដ៏មានឱជារស ដែលជាស្នាដៃបងប្អូនប្រជាពលរដ្ឋនៅក្នុងតំបន់នោះ រួមផ្សំនឹងស្តាប់សម្លេង ទឹកហូរបែបធម្មជាតិពិតៗ។
-កោះយ (កោះព្រហ្មចារី)៖ មានទីតាំងស្ថិតនៅភូមិជ្រោយបន្ទាយ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ មានចម្ងាយផ្លូវ ១៧ គីឡូម៉ែត្រ ពីទីរួមខេត្តក្រចេះ។ ជាកោះដែលស្ថិតនៅខាងលិច នៃរមណីយដ្ឋានទឹកជួរទន្លេមេគង្គ-កាំពី។ យើងអាចធ្វើដំណើរទៅទីនោះដោយជិះទូកនៅត្រង់ចំណុចអន្លង់ផ្សោតកាំពីចម្ងាយ១គីឡូម៉ែត្រ។ ទីនោះក៏ជាទីកន្លែងដែលល្អសម្រាប់ពិកនិច ឬ បោះតង់។
-ព្រែកជ្រៃមាំង (ជាតំបន់បម្រុងដែលត្រៀមនឹងចុះធ្វើបច្ចុប្បន្នភាពឡើងវិញ)៖ មានទីតាំងស្ថិតនៅភូមិ ២ធ្នូ ឃុំ២ធ្នូ ស្រុកស្នួល មានចម្ងាយ ៩៥គីឡូ ម៉ែត្រពីទីរួមខេត្តក្រចេះ។ ភ្ញៀវទេសចរអាចងូតទឹកកម្សាន្ត ឬទទួលទានអាហារ គយគន់ទឹកធ្លាក់នៅទីនោះ។
– ឆ្នេរខ្សាច់រកាកណ្តាល៖ មានទីតាំងស្ថិតនៅភូមិរកាកណ្តាល សង្កាត់រកាកណ្តាល ក្រុងក្រចេះ។ ឆ្នេរខ្សាច់មួយនេះស្ថិតនៅប្របមាត់ច្រាំងទន្លេខាងកើត ភ្ញៀវទេសចរអាចហែលទឹកទទួលទានអាហារ គយគន់ថ្ងៃលិចដ៏ស្រស់ស្អាត។
-តាព្រហ្ម (ជាតំបន់បម្រុងដែលមនី្ទរត្រៀមនឹងចុះធ្វើបច្ចុប្បន្នភាពឡើងវិញ)៖ មានទីតាំងស្ថិតនៅភូមិឃ្សឹម ឃុំឃ្សឹម ស្រុកស្នួល ចម្ងាយផ្លូវ៦៥គីឡូម៉ែត្រពីទីរួមខេត្តក្រចេះ។ ភ្ញៀវទេសចរអាចងូតទឹកកម្សាន្ត ឬទទួលទានអាហារគយគន់ទឹកហូរនៅទីនោះ។
-កោះទ្រង់ ៖ មានទីតាំងស្ថិតនៅភូមិក្បាលកោះ សង្កាត់កោះទ្រង់ ក្រុងក្រចេះ ចម្ងាយ០១គីឡូម៉ែត្រពីទីរួមខេត្តក្រចេះ (កោះទល់មុខក្រុងក្រចេះ)។ នៅទីនោះគឺជាសហគមន៍ អេកូទេសចរណ៍ធម្មជាតិ ។ ភ្ញៀវទេសចរអាចស្នាក់នៅ ទទួលទានអាហារក្នុងតំបន់ ជិះកង់ រទេះសេះ រទេះគោ កម្សាន្តជុំវិញកោះ មើលជីវភាពប្រជាជននៅលើកោះ មើលតំបន់អភិរក្ស សត្វជ្រឹង និងដាំកូនឈើនៅទីនោះ។
-កោះផ្តៅ៖ មានទីតាំងស្ថិតនៅភូមិសំភិន ឃុំកំពង់ចាម ស្រុកសំបូរ មានចម្ងាយ ៤២ គីឡូម៉ែត្រ ពីទីរួមខេត្តក្រចេះ។ ភ្ញៀវទេសចរអាចស្នាក់នៅ ទទួលទានអាហារក្នុងតំបន់ និងទស្សនាព្រៃសហគមន៍។
-ទំនប់ជីវ៉ើន៧៩ (ជាតំបន់បម្រុងដែលមនី្ទរត្រៀមនឹងចុះធ្វើបច្ចុប្បន្នភាពឡើងវិញ)៖ មានទីតាំងស្ថិតនៅភូមិរហា ឃុំស្រែចារ ស្រុកស្នួល ចម្ងាយ ៩៤គីឡូម៉ែត្រ ពីទីរួមខេត្តក្រចេះ។ ភ្ញៀវទេសចរអាចហែលទឹកលេង និងទទួលទានអាហារនៅទីនោះ។
-សហគមន៍អេកូទេសចរណ៍កោះសាមសិប៖ មានទីតាំងស្ថិតនៅ ភូមិកោះខ្ញែរ និង់ភូមិពន្ធជា ឃុំអូរគ្រៀង ស្រុកសំបូរ ខេត្តក្រចេះ។ ភ្ញៀវទេសចរអាចជិះទូកមើលទេសភាពជុំវិញកោះ និងមើលសត្វស្លាប ឬបោះតង់នៅលើកោះដ៏ស្រស់ស្អាត។
-សហគមន៍អេកូទេសចរណ៍ តាចោរក្រហមក (កំពុងរៀបចំសិក្សាចងក្រងជាសហគមន៏)៖ មានទីតាំងស្ថិតនៅក្នុងភូមិកំពង់ព្នៅ ឃុំកោះខ្ញែរ ស្រុកសំបូរ ចម្ងាយ ៩០ គីឡូម៉ែត្រតាមផ្លូវជាតិលេខ៧ ពីទីរួមខេត្តក្រចេះ។ តំបន់នេះភ្ញៀវទេសចរអាចទស្សនាទឹកជួរដ៏ស្រស់ស្អាត ជិះទូកកម្សាន្ត គយគន់មើលសត្វស្លាបច្រើនប្រភេទ ការដើរព្រៃ ព្រមទាំងអាចបោះតង់បាន។
៣. រមណីយដ្ឋានវប្បធម៌ធម្មជាតិ
– ព្រៃគគីរភ្នំព្រះ (ជាតំបន់បម្រុងដែលមនី្ទរត្រៀមនឹងចុះធ្វើបច្ចុប្បន្នភាពឡើងវិញ)៖ មានទីតាំងស្ថិតនៅភូមិជ្រោយថ្ម ឃុំឆ្លូង ស្រុកស្រុកឆ្លូង ចម្ងាយ៣៤ គីឡូម៉ែត្រ ពីទីរួមខេត្តក្រចេះ។ តំបន់រមណីយដ្ឋានមួយនេះ ជាកន្លែងគោរពសក្ការបូជា ក៏ដូចជា ទីកន្លែងដែលបន្ធូរអារម្មណ៍តានតឹងដោយគយគន់ទេសភាពជុំវិញជើងភ្នំ។
៤. កែច្នៃ
– កោះសុក្រម៖ មានទីតាំងស្ថិតនៅភូមិដា ឃុំដា ស្រុកចិត្របុរី ចម្ងាយ១២គីឡូម៉ែត្រពីទីរួមខេត្តក្រចេះ។ នៅទីនេះគឺជាបឹងរំលៀចដែលមានប្រភពទឹកធំ ហើយមានរោងអង្គុយ កម្សាន្តគយគន់ទេសភាពបែបធម្មជាតិនៅតំបន់ជុំវិញនោះ៕
អត្ថបទ៖ ប៊ុណ្ណារ៉ា
មន្ត្រីជាន់ខ្ពស់ ថា មហោស្រពមិត្តភាពកម្ពុជា-ចិន ជាចលករលើកកម្ពស់ទំនាក់ទំនងប្រជាជននិងប្រជាជនប្រទេសទាំងពីរ
ជុំវិញរបងវិទ្យាល័យឥន្រ្ទទេវី កំពុងក្លាយជាតំបន់លក់ដូរយ៉ាងកកកុញបាត់បង់សណ្ដាប់ធ្នាប់សាធារណៈ
ធនាគារជាតិនៃកម្ពុជា រៀបចំសិក្ខាសាលាផ្សព្វផ្សាយ ប្រាក់រៀល ប្រព័ន្ធបាគង និង KHQR នៅខេត្តសៀមរាប
ត្រាំ៖ បុគ្គល ឬក្រុមហ៊ុនណាដែលវិនិយោគ ១ ប៊ីលានដុល្លារឡើងទៅ នឹងទទួលបានការអនុញ្ញាតឆាប់រហ័ស
ចុងឆ្នាំ២០២៤ តារាស្រីចិន ៤ ដួង ជាប់ជាតួពូកែសម្ដែងបំផុត លើកញ្ចក់ទូរទស្សន៍
គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
ផ្ទុះការវែកញែក! ក្រោយនារីម្នាក់ទម្លាយថា តារាចម្រៀងល្បីមួយរូប ចម្លងជំងឺឱ្យ ខណៈមានការស្នើឱ្យម្ខាងទៀតចេញមុខបកស្រាយ
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
តើគ្រូ និងកីឡាករសិង្ហបុរី និយាយអ្វីខ្លះពីការប្រកួតឈ្នះ កម្ពុជា យប់មិញ?
ជនរងគ្រោះក្នុងករណីបាក់ច្រាំងទន្លេសង្កត់ទូកនៅស្រុកខ្សាច់កណ្ដាល នៅមិនទាន់រកឃើញនៅឡើយ
-
វប្បធម៌ ជំនឿ៧ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៧ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ២ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានអន្ដរជាតិ២៣ ម៉ោង agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៣ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៤ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍៣ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់